Ibriko 13:7 - সান্তালী বাইবেল

⁷ Okoe ape ṭhen Isorakʼ kathako lại jạhirletʼ tahẽkan, onko mukhiyạkoakʼ kathako disạipe. Onkoakʼ jion cạrit reakʼ mucạtʼ jo mońjte beṅgetʼakʼpe ar onko leka biswạs dohoype.

Santali Common Language New Testament

⁷ Okoe ape ṭhen Isorakʼ kathako lại jạhirletʼ tahẽkan, onko mukhiyạkoakʼ kathako disạipe. Onkoakʼ jion cạrit reakʼ mucạtʼ jo mońjte beṅgetʼakʼpe ar onko leka biswạs dohoepe.

Ibriko 13:7 Iomraidhean Croise

Soros sereń 1:8

E maejiukoren mońj utạricʼ, am do ona bam baḍae khan palren bhiḍikoakʼ pańja ńel ńelte hijukʼme ar gupikoakʼ tạmbu aṛete amren merom hoponko gupikotam.

Mathae 24:45

“Uni pạtiạricʼ ar budanicʼ guti doe okoe kana, one okoe acʼren kisạ̃ṛ do guti ar kạ̃ṛmĩko okte nạpitre jomakʼ emakoa mente acʼ gharońjrenko cetanreye dohokede?

Luk 12:42

Probhui menkeda, “Uni pạtiạricʼ ar budanicʼ kạmiyạ hoṛ doe okoe kana, one uniren kisạ̃ṛtetʼ do gutiko cetanre sordare dohoyete ṭhik oktere ser sidhạ emako lạgitʼ bhare emaekan?

Luk 5:1

Mitʼ din Jisu do Genesaret doreão aṛereye teṅgo akan tahẽkana. Unre gadel hoṛ do Isorakʼ katha ańjom lạgitʼ beṛhaete hecʼkateko riḍạtʼ ciritʼedekan tahẽkana.

Luk 8:11

“Phen reakʼ mane do nõkʼõe: Itạ do hoyokʼ kana Isorakʼ katha.

Aposkạmi 13:46

Unre Pạul ar Barnabas do dilkate kin roṛ ruạṛatʼkoa, “Pạhilre ape ṭhen Isorakʼ katha lạlại jạruṛ tahẽkan tạlińa, menkhan tinre ape do bape moneyada ar jaejug jion ńam lạgitʼ apete lek bape bujhạulena unre ạliń do boṅgan hoṛ jạtrenko secʼliń ạcurokʼkana.

Aposkạmi 14:23

Unkin do mitʼke mitʼ manḍerre maraṅ mukhiyạkin bahalketʼkoa ar okoe Probhu Isor cetanreko biswạs akan tahẽkan, koejoṅ ar upạste uni Probhu Isorakʼ tirege manḍerren hoṛkokin jimạkatʼkoa.

Aposkạmi 4:31

Ado oka jaegare onkoko jarwa mitʼ akan tahẽkan, koejoṅ tayom ona jaega do dal dalaoena. Ar onko sanamkoge sonot Jiuteko perecʼente dil salakʼ Isorakʼ katha lạlạiko ehopʼena.

Romiko lạgitʼ Pạul Apostolakʼ ciṭhi 10:17

Enḍekhan ńelokʼkana, Isorakʼ katha ańjom iạtege biswạs do hijukʼkana, ar Mạsi reaṅ do porcar talate ańjomokʼ kana.

1 Korinthiko 10:13

Manwa jionre okako biḍạu hoyokʼkan ona chaḍa eṭakʼ jãhãn biḍạu do ar baṅ paṛao akawatʼpea. Isor doe pạtiạrgete, sahao daṛeakʼ khon bạ̃ṛti do bae biḍạupea, bickom biḍạu são sãote ona khon oḍokokʼ reakʼ hõe horapea, jemonpe sahao daṛeakʼ.

1 Korinthiko 11:1

Iń do cetʼleka Mạsireń calakʼkan, ape hõ onkage calakʼpe.

1 Korinthiko 4:16

Onateń nehõrape kana, iń okakoń cekae, ape hõ onako onkaepe;

Philipiko lạgitʼ Pạul apostolakʼ ciṭhi 3:17

E boehako, ape sanamko iń leka baṛe calakʼpe, ar okoe nonkako calakʼkan onko ńel oromkakope. Ar cetʼlekape calakʼa ona dole udukʼ akawatʼpea.

1 Thessalonikikko 1:6

Ạḍi lekan santao talate hõ sonot Jiuakʼ rạskạ salakʼ ona bhage sombat ataṅkate ape do ale ar Probhu Isorren lekape coloneda.

1 Thessalonikikko 2:13

Ale do siń sạṭupʼ Isorle gun manao joharae kana, ente Isorakʼ katha ańjomkate tinrepe pạtiạulena unre manwawakʼ katha mente do baṅ, menkhan Isorakʼ katha mentegepe ataṅkeda. Ar sạrige ona do Isorakʼ katha kangea. Ape okoepe pạtiạu akan, apeakʼ ontorrege ona katha doe kạmiyeda.

2 Thessalonikiko 3:7

Baḍaegeape cetʼlekate ale leka colon lek tapea mente. Ape talarele tahẽkan jokhecʼ ale do ḍhilisili bale colonleda,

2 Thessalonikiko 3:9

Ape ṭhen khon goṛo ńam reakʼ ạidạri bạnukʼtale ona do baṅa, menkhan jemon ale lekape colon onate nonka kạmikatele udukʼatʼpe tahẽkana.

1Timothi 3:5

Jãhãe apnarakʼ gharońj calao bae baḍae khan uni do cekate Isorakʼ manḍer doe jotona?

Ibriko 13:17

Aperen ạyurkoakʼ kathako bataotakope ar onko gobolre tahenpe, ente okoe Isor ṭhen lekha jokhako em, onkan hoṛ lekatege coṅ onko ma apeko ńel todarotetʼpe kan. Onko ṭhen gobolokʼpe jemon onko do akoakʼ kạmi rạskạ salakʼko kạmi daṛeakʼ, menkhan duk salakʼ do baṅ. Ar duk salakʼge ona onkae hoyokʼ khan, enḍekhan onate apeakʼ do cetʼ porho hõ baṅ hoyokʼtapea.

Ibriko 13:24

Aperen sanam ạyurko ar Isorren sanam hoṛko aboakʼ johar emakope. Itạliạ disạmren Isorren hoṛko do apeko joharape kana.

Ibriko 6:12

Kuṛhiạpe tahen do bale khojkana; alele khojkana, okoe pạtiạu ar soborite Isorakʼ gokʼakʼ reakʼ bhorko ạidạri joṅkan, ape hõ onko leka hoyokʼpe.

1 Patras 4:11

Jãhãeye porcar khan, enḍekhan nonka lekae porcar ma jemon uni do Isorakʼ moca reakʼ kathae roṛeda mente. Ar jãhãye sapʼ sopohotʼ khan enḍekhan Isor emakʼ daṛete uni doe sapʼ sopohotʼma, jemon Jisu Mạsi hotete jotowakʼre Isorge ṭhonoke ńam. Ente daṛe ar ṭhonok do jaejug hạbicʼ uniyakʼge. Amen.

Johan sodor 1:9

Iń aperen boeha Johan do Jisu tulucʼ iń kolom mitʼ akante ape tulucʼ inạ duk, inạ rajosṭi ar inạ soboriren bhạgiyạdariń hoyakana. Iń do Isorakʼ katha ar Jisuakʼ gohań porcarletʼte Patmosko metakʼ dipreń doho ocolena.

Johan sodor 20:4

Ona tayom adomakʼ siṅghạsonkoń ńelkeda, ar okoe onareko duṛupʼ akan tahẽkan onko do bicạr reakʼ ektiạriko em ocoakan tahẽkana. Isorakʼ katha ar Jisu reakʼ cecetʼakʼ lekate calakʼ iạte okoe do bohokʼko makʼ ńur ocoakan tahẽkan, onko hoṛakʼ jiwikoń ńelkeda. Onko do uni janwar ar uniyakʼ muṭhạn hõ bako sewawakʼkan tahẽkana ar moloṅre se tire cinhạ hõ bako hataoleda. Onko doko jiwetʼente mitʼ hajar bochor hạbicʼ Mạsi tulucʼ rajosṭiko calaokeda.

Johan sodor 6:9

Ar mõṛẽakʼ mohor chape raṛayetʼ tahẽkanre iń do pinḍ latarre nonkan hoṛkoakʼ jiwikoń ńelkeda, one okoe do Isorakʼ katha ar goha iạteko gocʼ ocolen tahẽkan.