Ibriko 13:6 - সান্তালী বাইবেল

⁶ Onate abo do dilkate bon men daṛeakʼa, Probhu Isor do ińren goṛoyicʼ, iń do bạń botorokʼa; manwa do cetʼko cekayińạ?

Santali Common Language New Testament

⁶ Onate abo do dilkate bon men daṛeakʼa, Probhu do ińren goṛoyicʼ, iń do bạń botorokʼa; manwa do cetʼko cekayińạ?

Ibriko 13:6 Iomraidhean Croise

Genesis 15:1

“Ona tayom Probhu Isor do Abram dorsonteye metadea, “Abram, alom botorokʼa. Ḍhal leka iń do amiń rukhiyạmea, ar amakʼ kuṛại do maraṅ hoyokʼa.”

1 Rapajko 17:8

Unre Probhu Isorakʼ niạ katha Eliạ ṭhen sodorena,

Sereńko 124:8

Probhu Isor, okoe do ot ar sermae sirjạu akatʼ uni ṭhen khonge aboakʼ goṛo do hijukʼa.

Sereńko 146:3

Jãhãn cetan hudạren hoṛ se jãhãe manwa cetanre ape do alope ṭehãḍokʼa; onko do bako bańcao daṛeapea.

Sereńko 27:9

Iń khon amakʼ mẽtʼãhã alom bedtama, ar edrete amren golam do alom laga ńireńa; amge ińren goṛoyicʼem tahẽ hecʼakana. E Isor, ińren babańcaoicʼ, iń do alom bạgiwạńạ, ar alom giḍi sayeńa.

Sereńko 33:20

Abo do Probhu Isor lạgitʼge bon ńel horeda; uni kangea aboren goṛoyicʼ ar ḍhal do.

Sereńko 40:17

Iń do reṅgecʼ ariń nacargea, menkhan iń reaṅ do Probhu Isorgeye dạndikʼ kana. E ińren Isor, alom biloma amkangeam ińren gokʼṛoyicʼ ar babańcaoicʼ do.

Sereńko 54:4

Isorge iń doe goṛowạńa; ar Probhuge iń doe sapʼ dohoyińạ.

Sereńko 56:4

Okoeyakʼ katha reakʼ iń sarhaoetʼkan, uni Isor cetanre, hẽ, uni Isor cetanrege iń doń bhorsa akana; Iń do bạń botorokʼa manwa do cetʼko cekayiń baṅ?

Sereńko 63:7

ente am kangeam ińren gokʼṛoyicʼ; amakʼ phạ̃kṛạ̃kʼ reakʼ umulre iń doń sereńjoṅ kana.

Sereńko 94:17

Probhu Isor bae goṛowạń khan, enḍekhan gujukʼ guṛum disạmre calakʼ do ohoń bilomkea.

Exodus 18:4

Ar eṭakʼicʼ hopon do Eliasere ńutumledea (metakʼme “Isorge ińren gokʼṛoyicʼ ”) ente uniye menleda, “Iń babaren Isorgeye goṛo akawạdińạ. Ar unige lạṛhạire Pharaoakʼ ti khone bańcao akadińạ.”

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

Jesaea 41:14

E am tejo Jakob, alom botorokʼa; ińge amiń goṛowama. Iń Probhu Isor do amren babańcaoicʼ Israelren uni sonoticʼge niạ katha doń meneda.

Mathae 10:28

Okoe eken hoṛmo motoko gocʼ daṛeakʼ menkhan jiwi do baṅ onko do alope botorakoa. Menkhan okoe hoṛmo ar jiwi banarge norokre marao reakʼ daṛe menakʼtae unige botoraepe.

Romiko lạgitʼ Pạul Apostolakʼ ciṭhi 8:31

Enḍekhan noako babotre cetʼbon menkea? Isor abo tulucʼ menae khan enḍekhan jãhãeye hạ̃n daṛekebona?

Ephesiko lạgitʼ Pạul Apostolakʼ ciṭhi 3:12

Mạsi tulucʼ mitʼkate ar unire biswạs hotete abo do Isor samaṅre sohosate hạjirokʼ reakʼ ạidạri bon ńamakada.

Dosar Biboron 33:26

Uni doe menkeda, “E Jisurun Isor leka do celege bạnukʼkoa. Amren gokʼṛoyicʼ hoyokʼ lạgitʼ uni do rimil reakʼ gạḍite, acʼakʼ mạhimawante rimilteye decʼ hijukʼkana.

Dosar Biboron 33:29

E Israel, bhạgangeam am do! Am do Probhu Isorren bańcao akan jạtren kanam, am leka do ar cele jạtrenkoge bạnukʼkoa. Unige amren gokʼṛoyicʼ ḍhal do, ar unige amakʼ gorbokʼ reakʼ tarwaṛe. Bạiriko do am samaṅre botorteko thar tharaokʼa, ar onkoakʼ usul jaega dom lebetʼ gańjaotakoa.”

Ibriko 10:19

Ado E boehako, Jisu Mạsiyakʼ mãyãm gunạkʼte ona sonot utạrakʼ jaegare bolokʼ reakʼ dil do menakʼ getabona.

Ibriko 4:16

Onate dela, dil salakʼ Isorakʼ daya reakʼ siṅghạson ṭhen bon sen sorokʼma, jemon jạruṛa bon oktere onḍe khon uniyakʼ daya ar goṛo bon ńam daṛeakʼ.

1 Samuel 23:17

Jonathane menkeda, “Aloben botorokʼa; ạlińren baba Sạulakʼ tire do baben sapʼ ocokʼa. Aben do Israel disạmren rajben hoyokʼa, ar ạliń do abenren dosaricʼge. Ạlińren baba hõ niạ katha doe baḍaegea.”