Ibriko 12:2 - সান্তালী বাইবেল

² Delabon, Jisu secʼ beṅgetʼ akae bon tahenma, one okoe do biswạs reakʼ rehetʼ are sạbit utạricʼ kan. Uni samaṅre oka rạskạ dohoakan ona lạgitʼge uni do manot secʼ bae moneyatʼte kurusre gujukʼe sahaokeda ar ńitokʼ do Isorakʼ siṅghạson reakʼ jojomsa aṛereye duṛupʼ akana.

Santali Common Language New Testament

² Delabon, Jisu secʼ beṅgetʼ akae bon tahenma, one okoe do biswạs reakʼ rehetʼ are sạbit utạricʼ kan. Uni samaṅre oka rạskạ dohoakan ona lạgitʼge uni do manot secʼ bae moneyatʼte krusre gujukʼe sahaokeda ar ńitokʼ do Isorakʼ siṅghạson reakʼ jojomsa aṛereye duṛupʼ akana.

Ibriko 12:2 Iomraidhean Croise

Sereńko 110:1

Probhu Isor do ińren Probhui metadea, “Tin hạbicʼ amren bạiriko amakʼ jaṅga latarre bạń dohoko, unhạbicʼ am do ińakʼ jojomsa aṛere duṛupʼme.”

Sereńko 138:8

Probhu Isor do iń lạgitʼ okaṭakʼe ṭhik dohoakatʼ onae purạua. E Probhu Isor, amakʼ khạndri dulạṛ do jaejug hạbicʼ tahenma; ar okaṭakʼ apnar titem kạmikan ona do alom aṛakʼ giḍiya.

Jesaea 31:1

Hae onko do one okoe goṛo ńam lạgitʼ Misorteko calakʼkan! Onko do sadom ar rãt gạḍireko bhorsakʼ kana ar aswarikoakʼ maraṅ daṛe cetanre pạtiạuko dohoyeda, menkhan onko do Israelren uni sonoticʼ secʼ bako beṅgetʼeda ar Probhu Isor ṭhen goṛo bako khojkana.

Jesaea 45:22

“E dhạrti reakʼ ses simạnarenko, iń secʼ ruạṛokʼpe ar bańcaokʼpe, ente iń kangeạń Isor do, iń chaḍa ar cele hõ Isor doko baṅkana.

Jesaea 53:3

Hoṛko do uniko hirkhạwadea arko nihạ̃tkedea; uni do duk jom ar harkhet saset bakʼḍayicʼgeye tahẽkana. Uni ńelte hoṛko do mẽtʼãhãko bedokʼkan tahẽkana; onko do uniko hirkhạwae kan tahẽkana ar abo hõ babon manotledea.

Jesaea 8:17

Iń do Probhu Isor lạgitʼ koyokʼ hor akaeyiń tahena, okoe do Jakob bõsrenko secʼ khon mẽtʼãhãe ạcur akatʼtae; iń do uni cetanrege bhorsa akaniń tahena.

Mikạ 7:7

Menkhan iń do Probhu Isor cetanre asiń dohoyeda, ińren babańcaoicʼ Isor lạgitʼ iń koyokʼ horeda. Ińren Isor do ińakʼ kathae ańjomtińạ.

Sakariạ 12:10

“Iń do Dạudakʼ bõs ar Jerusalemren hoṛko cetanre ińren Jiu iń dulea; uni doe dayakʼa ar koejoṅ reakʼ mone emokʼa. Onate onko do iń secʼ, metakʼme okoe do uniko sobokʼ tapʼlede uni secʼ beṅgetʼ akaeko tahena. Ar sadher hopon ńutumte homor halaṅ leka onko do uni lạgitʼko homor halaṅa ar pạhilicʼ hopon lạgitʼ cetʼ lekako homor halaṅ onkageko jare jarekʼa.

Numeri 21:9

Unre Mose do pitạlren mitʼṭen biń benaokate mitʼṭecʼ ḍaṅreye akakadea. Ar jãhãe biń ger hoṛge tinre uni pitạlren biń secʼe beṅgetʼetʼ tahẽkana unrege uni doe bogekʼkan tahẽkana.

Mathae 16:21

Un khonge Jisu do acʼren celako lạiyakoe ehopʼena je, acʼ do Jerusalemte calakʼ hoyokʼtaea ar murubbiko, maraṅ naekeko, ar sostor baḍaeko hotete ạḍi okocʼ duk jojom hoyokʼtaea. Are gocʼ ocokʼa ar pe mãhã hilokʼre gocʼko khon uni do jiwetʼ beredokʼ hoyokʼtaea.

Mathae 20:28

Manwa Hopon do sapʼsor ocokʼ do bae hecʼakana, bickom sapʼsosor lạgitʼge, ar ạḍi utạr hoṛko bodolte chaḍaokʼ reakʼ dam menkate acʼakʼ jiwi emokʼgeye hecʼakana.”

Mark 14:36

Uni doe menkeda, “Abba, E Baba, am ṭhen do sanamakʼge hoedaṛeakʼa. Noa duk reakʼ bạṭi iń khon ocogme baṛe. Enhõ ińakʼ sana leka do baṅa menkhan amakʼ sanage purạukʼ ma.”

Mark 15:28

Onate sonot sostor reakʼ katha noa katha purạuena: “Uni do beạiniko tulucʼe lekhayena.”

Mark 16:19

Ado joto kathae galmaraoatʼko tayom, Probhu Jisu do sermateye rakapʼ ocoyena. Ar uni do onḍe Isorakʼ jojomsa aṛereye duṛupʼena.

Mark 9:12

Jisui roṛ ruạṛatʼkoa, “Noa katha do sạrikangea je, pạhilre Eliại hijukʼa ar sanamakʼ do lahate lekae teṅgo aroya. Menkhan Manwa Hopon reaṅ sonot sostorre cekate baṅ olakan, uni do ạḍi okocʼ duk jojom hoyokʼtaea ar hoṛko do uniko nihạ̃tea?

Mark 9:24

Unre gidrạren apat do ãṭ aṛaṅateye menkeda, “Iń doń pạtiạukʼ kangea; ar ńit hõ ińre oka bepạtiạu menakʼ ona baṛe ocokʼ kạtińme.”

Luk 17:5

Onko gelbar apostolko do Probhuko metadea, “Aleakʼ biswạs baṛe bạ̃ṛti kataleme.”

Luk 23:11

Unre Herod do Jisui henostakedea are siṛogadea, ar uniren sipạhiko hõko onkawadea. Ona tayom uni do ṭhosok kicricʼe horokʼadete Pilạt ṭhene kol ruạṛkadea.

Luk 24:26

Mạsi do cetʼ noako duk jomkate ṭhonok ńam reakʼ katha baṅ tahẽkantaea?”

Johan 1:29

Dosar hilokʼ Johan do Jisu acʼ ṭhen hijukʼkane ńelkede khane menkeda, “Hạni ńelepe Isorren Bheḍa Hopon, one uni manwakoakʼ sanam kạiye gokʼ idiyetʼkan.

Johan 12:24

Sạrigeń metaben kana, guhum jaṅ hasare ńurkate baṅ gocʼlen khan ona do eskarge tahena, menkhan gocʼlen khan do ạḍi utạr gele belekʼa.

Johan 12:32

Iń do ot khon coṭteń rakapʼ ocokʼre sanamko iń ṭheniń or sorkoa.”

Johan 13:3

Jisu doe baḍaekan tahẽkana, Isor Baba do acʼakʼ tire jotowakʼe jimạ akada. Ar noa hõe baḍaekan tahẽkana, acʼ do Isor ṭhen khone hecʼakana ar uni ṭhengeye ruạṛ calao lạgidokʼ kana.

Johan 6:40

Ińren Babawakʼ sana do nõkʼõe jemon Hoponko beṅgetʼae ar unire pạtiạukʼ mitʼke mitʼ hoṛ do jaejug jion tahentako. Ińge onko do mucạtʼ dinreń jiwetʼ beretʼkoa.”

Johan 8:56

Aperen baba Abraham hõ ińakʼ dinko ńel lạgitʼe hulạslena. Menkhan uni doe ńelleda ar kusi hõe kusilena.”

Aposkạmi 2:36

“Onate sanam Israel jạtrenko do noa katha khạṭiteko baḍaema je, ape okoepe kuruslede Isor do uni Jisuge Probhu hõ ar Mạsi hõe hoyoco akedea.”

Aposkạmi 3:15

Okoe doe jionren mạlik kan unigepe gocʼkedea, menkhan Isor do gocʼko khon uniye jiwetʼ beretʼakadea; ar ale do onaren gohako kanale.

Aposkạmi 5:31

Isor do unige raj ar babańcaoicʼ menkate acʼakʼ jojomsa aṛere duṛube lạgitʼ ṭhonoke dan akawadea, jemon Israelkoakʼ mon ạcurtako lạgitʼ ạte emakote kại reakʼ ikại emako.

Aposkạmi 5:41

Apostolko do Jisu ńutumte bemanot ocokʼ lek kanako menteko bujhạuketʼ khan rạskạte maraṅ bạisi khonko oḍok calaoena.

1 Korinthiko 1:18

Okoe nosṭokʼ reakʼ horteko taṛametʼ onko ṭhen Mạsiyakʼ gujukʼ reakʼ katha do lelhawakʼ chaḍa ar cetʼge baṅkana; menkhan okoe bańcao bon ńam lạgidokʼkan abo ṭhen ona do Isorakʼ daṛekana;

1 Korinthiko 1:23

menkhan ale do kuruslen Jisu Mạsiyakʼ kathale porcareda. Ona katha Jihudiko ṭhen do mitʼṭecʼ tạkicʼakʼ kana ar boṅgan hoṛ jạtrenko ṭhen do lelhawakʼge,

Ephesiko lạgitʼ Pạul Apostolakʼ ciṭhi 2:16

Uniyakʼ monsubạ do tahẽkana jemon, acʼakʼ kurusteakʼ gujukʼte ona banar mitʼkate Isor tulucʼ arhõe mitʼ ruạṛ daṛeakʼ, ente noa banar talare oka bạiri leka tahẽkan, ona do acʼakʼ kurusteakʼ gujukʼ hoteteye maraokeda.

Ephesiko lạgitʼ Pạul Apostolakʼ ciṭhi 5:2

Mạsi cetʼlekae dulạṛaketʼ bon ar abon lạgitʼ Isor ńutumte jut so lạgitʼ samaṅokʼakʼ lekate acʼtetʼgeye emen, ṭhik onkage ape hõ dulạṛ horte taṛampe.

Philipiko lạgitʼ Pạul apostolakʼ ciṭhi 1:6

Noa pạtiạu menakʼtińạ, apeakʼ ontorre okoe bhage kạmiye ehopʼakatʼ uni do Mạsi Jisuakʼ hijukʼ din hạbicʼ onae calao iditeye mucạda.

Philipiko lạgitʼ Pạul apostolakʼ ciṭhi 3:20

Menkhan aboakʼ rajosṭi do sermare; one onḍe khon abo do aboren babańcaoicʼ Probhu Jisu Mạsiyakʼ hijukʼ bon ńel hohorkan.

2Timothi 4:8

Onate iń lạgitʼ dhorom reakʼ jit ṭupri do dohoakana. Bicạr dinre dhorom bikʼcạricʼ Probhu Isor do kuṛại lekate jit reakʼ ona malae danạńạ. Ar eken iń eskargeye danạńạ ona do baṅ, menkhan okoe soborikate uniyakʼ ruạṛ hijukʼ reakʼko koyokʼ horakatʼ onko sanamkoe danakoa.

Ibriko 1:13

Isor do tis baṅ jãhãe serma goḍet noa kathae men akawade, “Tin hạbicʼ amren bạiriko amakʼ jaṅga latarre bạń dohoko, unhạbicʼ am do ińakʼ jojomsa aṛere duṛupʼme?”

Ibriko 1:3

Isorakʼ sanam gun do uni Hopontetʼrege menakʼa; ar Hopontetʼ kangeae Isorren purạ nạmuna do. Hopon do acʼakʼ ektiạranakʼ kathate jotowakʼe calaoetʼ kana. Manwakoakʼ kại reakʼ puruchun meṭaokate Hopon do coṭ utạricʼren Isorakʼ jojomsa aṛereye duṛupʼena.

Ibriko 10:14

ente Isorakʼ monsubạ lekate okoeko begar ocoakan ona mitʼṭen dãṛẽ hotete uni do jaejug hạbicʼ onkoe sạbit ocoakatʼkoa.

Ibriko 10:33

Oka oka okte do sanamko samaṅre tamasakope hoyocolente opoman ar santao sahaokate dukpe jomleda; ar okoeko cetanre onkan beohar hoylen onko tulucʼ hõ ape do dukpe sahaokeda;

Ibriko 11:36

Arhõ eṭakʼko do cigạri arko dal ur ocoyena, hẽ biṛikoteko tol ocolena ar hajot hõko hajot ocolena.

Ibriko 12:3

Okoe do kại hoṛkoakʼ nunạkʼ maraṅ bạiriye sahaoketʼ, uni reaṅ hudisokʼpe, jemon apeakʼ mon alo nijorokʼ ar be asko alope hoyokʼ.

Ibriko 13:13

Onate dela bon, uniyakʼ henosta bon gogte nagraha bahre uni ṭhen bon calakʼma,

Ibriko 5:9

Nonkate tinreye sạbit ocoyena unre acʼakʼko bataotae sanamko lạgitʼ jaejug bańcaokʼ reakʼ hore hoyena.

Ibriko 8:1

Abo oka bon menetʼkan ona reakʼ asol katha do noa kana je, aboren do nonkan mitʼṭen maraṅ naeke menaea one uni do sermare maraṅ Isorakʼ siṅghạson reakʼ jojomsa aṛereye duṛupʼakan.

Ibriko 9:28

Ṭhik onkage ạdi utạr hoṛakʼ kại reakʼ bojha gokʼ idi lạgitʼ Mạsi hõ mitʼ dhãogeye dãṛẽyena. Uni do dosar dhaoe hijukʼa, menkhan unre kại ńutumte gujukʼ lạgitʼ do baṅ, bickom acʼ ńel horekan hoṛko bańcaoko lạgitʼgeye hijukʼa.

Jakob 2:1

E ińren boehako, aboren ṭhonokte perecʼ Probhu Jisu Mạsirepe pạtiạu akan khan sanamko somante beṅgetʼ akope.

1 Patras 1:11

Onkoakʼ ontorre Mạsiren Jiu do laharege gohae emleda je, Mạsi do duk jojom hoyokʼtaea ar ona tayom do ṭhonoke ńama. Nạbiko baḍaejoṅko khojletʼge Mạsiren uni Jiu do oka okte ar oka dosa reakʼ kathae baḍae ocoyetʼkoa mente.

1 Patras 3:18

Mạsi hõ kại iạte mitʼ dhaogeye gocʼlena. Isor ṭhen idibon lạgitʼ uni dhorom hoṛ do kại hoṛko lạgitʼ, metakʼme, abo lạgitʼe gocʼlena. Uni do hoṛmo secʼteye gocʼ ocolena, menkhan Jiu secʼteye jiwetʼ beretʼ ocoyena ar bondi akan jiuko ṭhen hõ senkateye porcarleda.

1 Patras 3:22

Jisu do sermateye calao akana ar ńitokʼ Isorakʼ jojomsa aṛere menaea, ar sermaren goḍetko, ar ektiạrianko ar daṛeanko do uniyakʼ gobolre menakʼkoa.

Jihudạwakʼ ciṭhi 1:21

Aboren Probhu Jisu Mạsiyakʼ mãyã do jemon jaejug jion secʼe idipe ona ńel hor lạgitʼge ape do Isorakʼ dulạṛre tahenpe.

Johan sodor 1:11

Uni doe metadińạ, “Okaṭakʼem ńel ona do mitʼṭecʼ puthire olme, ar Ephesus, Smurnạ, Pergamom, Thuạtirạ, Sạrdis, Philạdelphiạ, ar Laodhar, noa eae goṭecʼ nagraha reakʼ eae goṭecʼ manḍerko ṭhen kolme.”

Johan sodor 1:17

Uni ńelte iń do gocʼicʼ leka uniyakʼ jaṅga ṭheniń bhindạṛena. Unre uni do acʼakʼ jojomtite capokedińteye metadińạ, “Alom botorokʼa. Iń kangeạń pạhilicʼ ar mucạtʼicʼ do,

Johan sodor 1:8

Probhu Isore meneda, “Ińge Alpha ar Omega, one okoe do menaege, are tahẽkan are hijukʼkan. Ar iń kangeạń sanam daṛeyicʼ do.

Johan sodor 2:8

“Smurnạ naṅgrha reakʼ manḍerren goḍet ṭhen noa katha olme: “Okoe doe etohopʼ are mucạtʼicʼkan, ar okoe doe gocʼlen are jiwetʼ beretʼen, uni do noa kathae meneda.