Ibriko 11:9 - সান্তালী বাইবেল

⁹ Isor do okaṭakʼ disạm Abraham emae lạgitʼe gokʼade tahẽkana uni do biswạs iạtege bedisiạ hoṛ lekate onḍeye berelena. Ar uni sãote okoe do inạ mitʼ gokʼakʼren bhor reakʼ bhạgiạdarko tahẽkan Isạhak ar Jakob leka uni hõ tạmbukoreye ḍerakʼkan tahẽkana;

Santali Common Language New Testament

⁹ Isor do okaṭakʼ disạm Abraham emae lạgitʼe gokʼade tahẽkana uni do biswạs iạtege bedisiạ hoṛ lekate onḍeye berelena. Ar uni sãote okoe do inạ mitʼ gokʼakʼren bhor reakʼ bhạgiạdarko tahẽkan Isạhak ar Jakob leka uni hõ tạmbukoreye ḍerakʼkan tahẽkana;

Ibriko 11:9 Iomraidhean Croise

Genesis 12:8

Ar ona tayom onḍe khon Bethel nagraha reakʼ purub secʼre menakʼ buru ṭoṭha secʼe calao idiyena ar pạchimre Bethel ar purubre Ae nagraha reakʼ tala jaegareye ḍerayena. Uni do Probhu Isor lạgitʼ onḍe hõ mitʼṭecʼ pinḍe benaokeda ar Probhu Isore sewawadea.

Genesis 13:18

Unre Abram do acʼakʼ tạmbukoe uṭhạukeda ar Hebron ṭoṭha reakʼ Mamre ńutuman mitʼṭen hoṛakʼ sonot dareko ṭhene ḍerayena. Ar onḍehõ uni do Probhu Isor lạgitʼ pinḍe benaokeda.

Genesis 17:8

Okaṭakʼ Kanan disạmre upriạ menam ona reakʼ jotoge jaejug hạbicʼ sompotti lekate am ar amren bõskoń ematʼkoa. Ar iń do onko sanamkoren Isoriń hoyena.

Genesis 18:6

Abraham do tạmbu bhitrite bolokate Sarae metadea, “Ma usạra gel irạl keji holoṅ sipime ar piṭhạ benaome.”

Genesis 18:9

Onko do Abrahamko kulikedea, “Amren bạhu Sara do okare menaea?” Uniye menkeda, “Tạmbu bhitrire menaea.”

Genesis 21:34

Abraham do Philistikoakʼ disạmre ḍher dine tahẽyena.

Genesis 23:4

“Iń do eṭakʼ disạm khon upriạ lekate apeko talareń girobasokʼ kana. Ona iạte dayakate topa ṭạnḍi benao lạgitʼ ape talare thoṛa jaega aṛakʼ ạńpe jemon ińren bạhuń topa daṛeae.”

Genesis 25:27

Nukin hoponkin harayen khan Esau do gạkhuṛ sikạriại hoyena. Ar bir pakaṛkore ạcur baṛaye ehopʼena, menkhan Jakob do mạ̃hirgeye tahẽkana. Uni do tạmbukore tahengeye kusiyena.

Genesis 28:4

Okaṭakʼ ạsirbad Abrahame emade tahẽkan ona ạsirbadge uni do am ar am bõsren hoṛkoe emakoa. Ar okaṭakʼ disạm Abrahame emade tahẽkan, ar onḍe ńitokʼ porjạtrenko leka menakʼme, ona disạm hõ amakʼ ạidạrire hijukʼa.”

Genesis 31:25

Jakob okare tạmbu ṭaṅgaokateye ḍera akan tahẽkan, onḍege Laban do senkate uniye sapʼ tiyokʼkedea. Laban ar uniren peṛa-pạrbhạko hõ Gilead reakʼ ona bururege tạmbuko ṭaṅgaokeda.

Genesis 35:27

Mucạtʼre Jakob do Kiriat-Arab, metakʼme Hebron ṭhenakʼ Mamre nagrahare acʼ apat Isạhak ṭhene hecʼena. Noa ṭoṭharege Abraham ar Isạhak dokin girobasokʼkan tahẽkana.

Genesis 36:7

Esau ar Jakobren mĩhũ-merom palko do nunạkʼ ḍherko tahẽkana, unkin lạgitʼ mitʼ ṭhen girobasokʼ do muskilge tahẽkana; ar okarekin tahẽkan onḍe unkinren pal janwarko mitʼ ṭhen ạtińko leka jaega hõ baṅ tahẽkana.

Genesis 47:9

Jakobe menkeda, “Noa dhạrtire thoṛa dinren hoṛ lekate ińakʼ umer do mitʼ sae pegel bochor paromena. Menkhan onako din reakʼ lekha do ḍher din baṅkana, ona do duktege parom akana. Tobe thoṛa dinren hoṛ lekate ińren hapṛamko tinạkʼ dinko khemao akatʼ unạkʼ din iń do bạń khemao akada.”

Sereńko 105:12

Onko do thoṛako tahẽkanre, hẽ ạḍi thoṛako tahẽkana, ar onḍe do porjạtrenko lekako tahẽkana,

Jirimiạ 35:7

Ona chaḍa ape do tishõ oṛakʼ duạr alope benaojoṅa, ir hõ alope ira se darkha bagwan hõ alope kirińjoṅa ar cas hõ alope casa; menkhan jao okte tạmburege girobasokʼpe. Enḍekhan oka disạmre bidisiạko lekape tahen onḍe do ḍher dinpe tahẽdaṛeakʼa.’

Ibriko 6:17

Isor oka emokʼ lạgitʼe gokʼletʼ, ar okoe onako ńam, onko do noa kiriạ hotete ạḍi pusṭạute udukʼakoe menleda je, uni okaṭakʼe ṭhik akatʼ ona do ar baṅ bodolokʼa. Onate uni do kiriạ hoteteye sạbudkeda okae ṭhik dohoakatʼ ona do hoyokʼgea mente.