Hosea 9:7 - সান্তালী বাইবেল

⁷ Israel do jemone baḍae ńam, sạjại reakʼ din do seṭer akana ar hisạb hatao reakʼ din hõ hecʼakana. Onkoakʼ kại do lekhare ḍhergea Isorko hirkhạwaekante, nạbiko do lelha ar jiuan hoṛ do khepako hudisetʼkoa.

Hosea 9:7 Iomraidhean Croise

2 Rapajko 9:11

Jihui oḍok hecʼen khan onko modren mitʼ hoṛ do uniye kulikedea, “Jotowakʼ bhage gea tho? Uni pagla do cetʼ lạgitʼe hecʼlena?” Jihuye roṛ ruạṛkeda, “Uni hoṛ mape baḍae akadege ar cetʼ lekan kathakoe roṛ ona hõpe baḍaegea.”

Jesaea 10:3

Sạjạiyokʼ dinre tinre sạṅgiń khon jarkharakʼ hijukʼa unre ape do cetʼpe cekaea? Goṛo ńam lạgitʼ okoe ṭhenpe ńir calakʼa? Apeakʼ dhon durib do okoe ṭhenpe doho oṭokakʼa?

Jesaea 26:11

E Probhu Isor, amakʼ ti do coṭte tul akan tahen kana, menkhan onko do ona bako ńeleda. Amren hoṛko lạgitʼ amakʼ ãṭ baṛeko ńelma arko lajaokʼma; ar seṅgel do amren bạirikoe jom cabakoma.

Jesaea 34:8

Niạko hoyokʼa, ente Probhu Isor do hala hạli reakʼ mitʼṭecʼ din menakʼtaea, Sion secʼ khon sạjại emokʼ reakʼ mitʼṭecʼ oktege menakʼa.

Jesaea 44:25

Bhonḍ nạbikoakʼ cinhạ doń ạuṛiyakʼ ocoytakoa ar ńeńelko do lelha lekań hoyocokoa. Iń do ạkilankoakʼ ạkiliń ạuṛiyakʼ ocoytakoa ar onkoakʼ bidiyạ doń bebuj ocoya.

Jirimiạ 10:15

Onako do ạuṛiyakʼgea, lajao ocokʼakʼ jiniskangea; bicạr hilokʼ onako do marao utạrokʼa.

Jirimiạ 11:23

Ar onkoren sarecʼko mente do celehõ bako tahena, ente Anathotren hoṛkoakʼ cetanre ghoṭnań paṛao ocoya onkoakʼ sạjạiyokʼ reakʼ sermare.”

Jirimiạ 16:18

Onkoakʼ dusṭạmi ar kại gunạkʼte onko do doboṛageń hala ruạṛakoa, ente ińakʼ disạm doko bhonḍ akada ar akoren dhiri murti ar boṅga muṭhạnkote ińakʼ ona ạidạriko tuhetʼ akada.”

Jirimiạ 23:13

“Samariạren nạbiko talare iń do niạkoń ńel akada, onko do Bakʼal debota ńutumte nạbi lekate katha roṛkate ińren Israel hoṛko bạṛicʼ horteko idiakatʼkoa.

Jirimiạ 25:14

Babelrenko do aema jạtrenko ar maraṅ maraṅ rajkoren golamko hoyokʼa; onkoakʼ kạmiko lekatege iń do kuṛạiyiń emakoa.’ ”

Jirimiạ 29:26

Am do Sephaniạm ol akawadea, ‘Probhu Isor do Jehoyada naeke bodolte amge naeke menteye ojokʼ bahal akatʼmea jemon Probhu Isorakʼ oṛakʼ reakʼ bhar am cetanre tahen. Jãhãe lelha hoṛ nạbi lekae kạmi khan uni dom hạṛi paṭayea ar hoṭokʼre mẽṛhẽtʼ sikṛitem tolea.

Jirimiạ 46:21

Misorren din mạjuri lạṛhại phạdko do lodgopʼ mĩhũ leka kanako. Onko hõ ruạṛkate mitʼ domteko dạṛ pharakokʼa; ar bako teṅgo ṭarhaokʼa, ente onko cetanre maraokʼ reakʼ dinge hijukʼkana, onkoakʼ sạjại ńam reakʼ okte do sor hecʼ akana.

Jirimiạ 6:14

Onko do ińren hoṛkoakʼ ghạlkoko tolkatako kana okaṭakʼ do cetʼge baṅkan. Onkoko meneda, ‘suluk, suluk,’ menkhan suluk do sạrige bạnukʼanaṅ.

Jirimiạ 8:11

Ińren hoṛkoakʼ ghạlko onko do eken cetan cetanteko bogeyetʼtakoa. Onko do ‘suluk, suluk ko,’ meneda menkhan suluk do bạnukʼtakoa.

Rak̕joṅ 2:14

Amren nạbikoakʼ dorson do ạuṛiyakʼgea ar eṛeyakʼkana; amakʼ bondi dosa jemon sạṅgińokʼtam onate onko do amakʼ ghạṭko bako udukʼ akawatʼmea. Nạbi lekate okako lạiyakatʼ ona do eṛegea; ona do bhul horteye idiakatʼpea.

Jeheskel 13:10

“ ‘Tinre jãhãn suluk baṅ tahena unre nạbikoko mena, suluk menakʼgea, ar nonkate onko do ińren hoṛko bạṛicʼ horteko idikoa. Onko do hoṛko gathao rakapʼ akatʼ nonkan pạcri bhit cetanre cunteko potao akada one oka do kajakakʼ baṅkan.

Jeheskel 13:3

Probhu Isore meneda, ‘Hae, onko bebuj nạbiko do, okoe do jãhãn dorson baṅ ńamkate hõ ạuṛiyakʼte nạbi kathako roṛetʼkan.

Jeheskel 25:17

Iń do raṅgao reakʼ ḍanṭaore maraṅ hala hạli onko upạrteń purạua. Ar tinre onko cetanreń hala hạliya unreko baḍae daṛeakʼa, iń kangeạń Probhu Isor do.’ ”

Jeheskel 38:23

Ar nonkate iń do jạt jạtrenkoakʼ mẽtʼãhã samaṅreń sodorokʼa; ar dhorom ar sonotgeń sodora. Unre onkoko baḍae daṛeakʼa, ińkangeạń Probhu Isor do.’

Jeheskel 9:10

Ona iạte onko do mãyãte bạń beṅgetʼakoa, ar aṛakʼ hõ bạń aṛakʼkoa; ar okako cekayetʼ ona reakʼ kuṛại do onkoreń dula.”

Hosea 14:1

E Israelren hoṛko, aperen Probhu Isor ṭhen ruạṛ hijukʼpe. Apeakʼ kại iạtege ape dope ńur akana.

Hosea 5:9

Sạjại emakʼ dinre Ephrayim do ujạṛokʼakʼ hoyokʼa. Ar okaṭakʼ do hoyokʼte hõ hoyokʼge ona do Israel gusṭirenko talareń lại sodoretʼkana.

Hosea 8:13

Iń ńutumte janwar samaṅkate onko do ona reakʼ jelko jojomkana menkhan iń Probhu Isor do onkore kusi bạnuńa. Ńitokʼ iń do onkoakʼ dusṭạmi reakʼ kathań disạite kại reakʼ sạjạiyiń emakoa; ar onko do Misorteko ruạṛ calakʼa.

Hosea 9:8

Nạbi do ińren Isor sãote Ephrayimren hohorhoyicʼe hoyakanre hõ uniyakʼ sanam horrege pạsi do oḍao akana ar uniren Isorakʼ oṛakʼre uni upạrte do kurudge.

Amos 8:2

Uni doe kulikedińa, “Amos, am do cetʼem ńeleda? Iń doń roṛ ruạṛkeda, “Mitʼ ḍạlicʼ jo.” Unre Probhu Isor do ińe metadińạ, “Ińren hoṛ Israelakʼ okte do caba hecʼakana; iń do ar bạń sa paromkoa.

Mikạ 2:11

Ar jãhãe ekʼṛeyicʼ ar ṭhok hoṛ hecʼkateye men, ‘ińiń meneda je, apeakʼ bạ̃ṛti bubulakʼ ar darkha rasa hoyokʼtapea,’ enḍekhan unige noko jạtrenko lạgitʼ lek lekanicʼ nạbiye hoyokʼa!”

Mikạ 7:4

Onko modren sanamko khon bhage hoṛ do rạṅgạini lekako hoyakana, ar joto khon dhorom hoṛ do kuṛitʼrama reakʼ beṛha lekage. Aperen pahradarko lạiyakope, apeakʼ sạjại reakʼ din do sor akana mente. Ar andesalekʼ reakʼ okte do ńitokʼkangea.

Sephaniạ 3:4

Uniren nạbiko do ṭhok arko bepạtiạrgea. Uniren naekeko do sonotakʼko besonot ocoakada ar ạn-ạri upạrteko kạmikana.

Mark 3:21

Ado Jisuren peṛako noa khoborko ańjomketʼ khan oḍok ạguiye lạgitʼko hecʼena. Onkoko menkeda, “Uni doe koṅka akana.”

Luk 21:22

ente noako din do sạjạiyokʼ dinge hoyokʼa, ar onate sonot sostorre oka ol menakʼ ona do purạukʼa.

2 Korinthiko 5:13

Alele pagla akan khan enḍekhan do Isor lạgitʼgele hoyakana, ar napae monankole hoyakan khan enḍekhan ape lạgitʼgele hoyakana.

Johan sodor 16:19

Ar ona maraṅ nagraha do pe hạṭińte hạṭińena ar jạt jạtrenkoakʼ nagrahako do lạnduṛena. Tayomte ona maraṅ nagraha Babel reakʼ katha Isor do disạ hecʼadea, uni do acʼakʼ edre reakʼ botoranakʼ bubulakʼte perecʼ bạṭi reakʼ ńũi lạgitʼ Babele emadea.