Hosea 9:6 - সান্তালী বাইবেল

⁶ Onko do ḍahao maraokʼakʼ ti khon tinreko ńir pharakokʼa unre Misor do onkoe jarwakoa ar Memphis nagraha doe topakoa. Seṅgelsiń do onkoakʼ rupạ reakʼ damanakʼkoe hameṭjoṅa; ar rạṅgạiniko do onkoakʼ tạmbui jạpudtakoa.

Hosea 9:6 Iomraidhean Croise

2 Rapajko 13:7

Mõṛẽgel aswariko, gel goṭecʼ rãt gạḍi ar gel hajar palṭonko chaḍa Jehoahasren lạṛhại phạdren do ar celege bako tahẽkana, ente Aramren raj do sarecʼ sanamkoe marao giḍi utạrletʼkoa. Uni do ot lekage jaṅgateye lebetʼ gańjaoletʼkoa.

Sereńko 107:34

Ar phosol hoyokʼkan jumi do buluṅ ṭạnḍigeye hoyocoyeda. Okoe onḍeko girobasokʼ kan onkoakʼ bedhorom iạtege uni do noakoe hoyocoyeda.

Kạhtukko 24:31

ńelkedạń sanam jaega do rạṅgạinite perecʼ akana, ar rạṅgạinite baṛge hõ esetʼakana, ar dhiri reakʼ pạcri hõ lạnduṛ akana.

Jesaea 11:11

Enhilokʼ Probhu Isor do acʼren sarecʼ jiwetʼ hoṛko Ạsur khon, Misor khon, Pathros khon, Kus khon, Elam khon, Babel khon, Hamath ar jalapuri ḍhip reakʼ disạm khon bańcaoko lạgitʼ dosar dhao tiye tiyạrtaea.

Jesaea 19:13

Soanren cetan hudạren kạmiyạko do bebuj lekako hoyakana, ar Memphisren mukhiyạko doko ạnḍicʼakana; ar Misorren khũṭkoren mathako do bạṛicʼ horteko sen akana.

Jesaea 27:12

E Israelko, enhilokʼ ạtu calakʼkan phurạt gaḍa khon Misor reakʼ rohoṛ gaḍa hạbicʼ Probhu Isor do anaj lekae en pea ar ape mimitʼko dope samṭao ocokʼa.

Jesaea 32:13

Jạnum ar rạṅgạinite perecʼ ińren hoṛkoakʼ disạm lạgitʼ koṛam ceṭagtape. Hẽ rạskạ ar hulạste perecʼ oṛakʼ duạr ar andoṛte perecʼ nagraha lạgitʼ koṛam ceṭagtape.

Jesaea 34:13

Ona doṅgolre do jạnum jhonḍako hara rakapʼa, seṅgel siń ar rạigạini do ona reakʼ gaṛkore. Ona disạm do toyokoakʼ dander ar ũṭ cẽṛẽkoakʼ tahen jaega hoyokʼa.

Jesaea 5:6

Iń do mitʼṭecʼ dhaṅ dhaser jaegageń hoeocoya; nạ̃ṛĩ hõ baṅ kamanokʼa ar jumi hõ baṅ casokʼa, onḍe do rạṅgạini ar aṭkuṭige hara perejokʼa. Rimil hõń hukumakʼa onare jemon dakʼ aloe jạṛiyakʼ.”

Jesaea 7:23

Enhilokʼ okako jaegare gelbar keji rupạ reakʼ dam mitʼ hajar goṭecʼ darkha nạ̃ṛĩ tahẽkan onḍe do eken jạnum ar rạṅgạinige tahena.

Jirimiạ 2:16

Ona chaḍa Noph ar Tahaphones nagraharen hoṛko hõ am akʼ bohokʼ khạpriko posakʼ akatʼtama.

Jirimiạ 42:22

Onate ńitokʼ baḍaekakʼpe, okaṭakʼ ṭhạ̃ite senkate girobasokʼpe menetʼkan onḍe do lạṛhạite, akalte ar mahamaritepe gujukʼa.”

Jirimiạ 44:1

Misor disạmre okoe Jihudiko do Migdolre, Tahpanhesre, Naphre ar Pathros ṭoṭhareko girobasokʼ kan tahẽkan onko reaṅ Probhu Isorakʼ noa katha do Jirimiạ ṭhen hecʼena.

Jirimiạ 44:12

Jihudạren sarecʼ hoṛko okoe do Misorte senkate upriạ hoṛko leka girobasokʼ lạgitʼko goṭa akatʼ onko upạrte nonka bebostań hataoa onko jotoge Misorreko marao utạrokʼa. Onko do lạṛhạite ar baṅkhan akalteko gujukʼa. Ar landa dhutʼako jạtrenko hoyokʼa; onkoakʼ dosa ńelte hoṛko botorokʼa, ar onkoakʼ ńutumko sarapakʼa.

Jirimiạ 44:13

Iń do cetʼleka Jerusalem iń sạjại akadea, ar okoe Misorreko girobasokʼ kan onko hõ onkage lạṛhại, akal ar mahamạriteń sạjạikoa.

Jirimiạ 46:14

Uniye metade tahẽkana, “Ape do Misorre porcarpe, Migdolre lại jạhirpe, Naph ar Tophnhesre lại sodorpe, ‘ar ṭhạ̃ire teṅgokʼpe ar sapṛaokʼpe, ente tarwaṛe do ape beṛhaeteye jojomkana.’

Jirimiạ 46:19

E Misorrenko, sạṅgińte bondi idiocokʼ lạgitʼ apeakʼ jinisko sapṛaotape, ente Naph do ujạṛakʼ ar dhaṅ dhaserakʼge hoyokʼa.

Jeheskel 30:13

“ ‘Iń do Memphisren boṅga muṭhạnkoń marao utạrkoa, ar uniren murhutʼkoń cabakoa. Misorre do cele disạm cakʼlaokoge bako tahena ar disạm reakʼ sanam ṭhạ̃irege iń do botoriń paṛao ocoya.

Jeheskel 30:16

Misorre do seṅgeliń lagaoakʼa; ar Pelusium nagraha do hasote eṛseń toṛseńokʼa. Thebes nagraha cetanre ackage muhin hijukʼa; ar ona do banbạsite unumokʼa.

Hosea 10:8

Beth-Aben reakʼ than boṭkocʼko, metakʼme Israelakʼ kại reakʼ ṭhạ̃iko do maraokʼ ocokʼa. Onḍe do rạṅgạini jạnumko janam rakabokʼte onkoakʼ pinḍkoe danaṅ esedtakoa. Unre onko do maraṅ maraṅ buruko metawakʼa, “De danaṅ esetʼlepe” ar huḍiń buruko doko metawakʼa, “De ale cetanre ńurokʼpe.”

Hosea 11:11

Misor khon cẽṛẽ leka, ar Ạsur khon do potam leka onko do thar tharaokʼ tulucʼ iń ṭhenko hijukʼa. Ar iń do onkoakʼ oṛakʼregeń dohokoa. Iń Probhu Isorge noa katha doń meneda.”

Hosea 2:6

Ona iạte iń do jạnumkote uniyakʼ horiń esedtaea; ar uni beṛhaete hõń pạcri eseda jemon acʼakʼ hor aloe sendra ńam daṛeakʼ.

Hosea 7:11

“Ephrayim do mitʼṭen bebuj parwa leka kanae; uni doe lelhagea. Uni do ghane Misore hohoaekana ar ghane do Ạsur ṭhene calakʼkana.

Hosea 7:13

Hae onko do, ente onko do iń ṭhen khon bạṛicʼ horteko calao akana. Onko do sorbonas hoyokʼtako ma, ente iń upạrteko hul akada. Onko chaḍaokoń khojkangea menkhan onko do iń upạrte eṛe kathako roṛeda.

Hosea 7:16

Onko do Bakʼal secʼko ạcur akana; onko do peṛta akʼ lekako hoyakana. Onkoren mukhiyạko do tarwaṛeteko gujukʼa, ar onate Israelko do Misor disạmre landa dhutʼkoko hoyokʼa.

Hosea 8:13

Iń ńutumte janwar samaṅkate onko do ona reakʼ jelko jojomkana menkhan iń Probhu Isor do onkore kusi bạnuńa. Ńitokʼ iń do onkoakʼ dusṭạmi reakʼ kathań disạite kại reakʼ sạjạiyiń emakoa; ar onko do Misorteko ruạṛ calakʼa.

Hosea 9:3

Onko do Probhu Isorakʼ disạmre bako tahena; Ephrayim do Misorteye ruạṛ calakʼa ar Ạsur do besaphawakʼ jomakʼgeye joma.

Levitikus 26:33

Ar eṭakʼ jạtrenko talareń chirchạturpea ar tarwaṛeteń khudạu baṛapea. Apeakʼ disạm reakʼ sanam jumiko, atoko ar nagrahako do jarkharokʼtapea.

Sephaniạ 1:11

E Motteserre tahenkan hoṛko, ape do homor halaṅpe, ente aperen bepariko ar ṭaka poesa karbạriạko do jotogeko marao ocokʼa.

1 Samuel 13:6

Israelren lạṛhại phạdko do ạḍi muhinreko paṛao akana menteko ńelketʼ khan onko do danderkore, jhupuṭoṛokore, buru khorloṅkore, cạṭạni lopakʼkore, ḍonḍhorkore ar khạ̃yukʼkoreko okoyena.