Hosea 9:3 - সান্তালী বাইবেল

³ Onko do Probhu Isorakʼ disạmre bako tahena; Ephrayim do Misorteye ruạṛ calakʼa ar Ạsur do besaphawakʼ jomakʼgeye joma.

Hosea 9:3 Iomraidhean Croise

1 Rapajko 9:7

enḍekhan Israelko okaṭakʼ disạmiń emakatʼko ona khon doń laga oḍokpea. Ar okaṭakʼ mundil do ińakʼ tahen oṛakʼ lạgitʼ iń begar dohoakatʼ ona hõ ińakʼ mẽtʼãhã samaṅ khoniń sạṅgiń giḍikakʼa. Unre Israel do eṭakʼ eṭakʼ jạtrenko ṭhen kạhtuk ar cigạri lekako hoyokʼa.

2 Rapajko 17:6

Hoseawakʼ rajokʼ areyakʼ bochorre Asurren raj do Samariạ hatkate Israelko Asurteye bondi idiketʼkoa. Uni do Halare, Haber gaḍa aṛe Gosan ṭoṭhare ar Mediạkoakʼ nagrahakoreye girobas ocoketʼkoa.

Jirimiạ 16:18

Onkoakʼ dusṭạmi ar kại gunạkʼte onko do doboṛageń hala ruạṛakoa, ente ińakʼ disạm doko bhonḍ akada ar akoren dhiri murti ar boṅga muṭhạnkote ińakʼ ona ạidạriko tuhetʼ akada.”

Jirimiạ 2:7

“Iń do mitʼṭecʼ asecʼ tasecʼ hoyokʼ disạmtegeń ạguletʼpea jemon onḍenakʼ jo ar bhage bhage jiniskope jom daṛeakʼ; menkhan ape do hecʼkate ińakʼ disạmpe bhonḍ akada, ar ińakʼ ạidạriyakʼko do kurudanakʼ jinisgepe hoyocoakada.

Rak̕joṅ 5:6

Ale do jomakʼko ńama iạte Misor ar Ạsurrenko gobolrenkole hoyakana.

Jeheskel 4:13

Ar okoe do boṅgan hoṛ jạtrenko talare Israelkoń laga ńirko onko talare tahen jokhecʼ onko do nonkage besaphawakʼ jomakʼko joma.” Noa katha do Probhu Isorgeye meneda.

Daniel 1:8

Daniel do menkhan mone moneteye goṭakeda, rajakʼ jomakʼ ar darkha rasate apnar do bae besaphakʼa. Ar apnar jemon aloe besaphakʼ onate uni cạkrạkoren sordar ṭhene arojkeda.

Hosea 11:11

Misor khon cẽṛẽ leka, ar Ạsur khon do potam leka onko do thar tharaokʼ tulucʼ iń ṭhenko hijukʼa. Ar iń do onkoakʼ oṛakʼregeń dohokoa. Iń Probhu Isorge noa katha doń meneda.”

Hosea 11:5

Israelko mon ạcur bako rebenlente Misorte do bako ruạṛ calakʼa, bickom Ạsurrenko do onko cetanreko rajokʼa.

Hosea 7:11

“Ephrayim do mitʼṭen bebuj parwa leka kanae; uni doe lelhagea. Uni do ghane Misore hohoaekana ar ghane do Ạsur ṭhene calakʼkana.

Hosea 7:16

Onko do Bakʼal secʼko ạcur akana; onko do peṛta akʼ lekako hoyakana. Onkoren mukhiyạko do tarwaṛeteko gujukʼa, ar onate Israelko do Misor disạmre landa dhutʼkoko hoyokʼa.

Hosea 8:13

Iń ńutumte janwar samaṅkate onko do ona reakʼ jelko jojomkana menkhan iń Probhu Isor do onkore kusi bạnuńa. Ńitokʼ iń do onkoakʼ dusṭạmi reakʼ kathań disạite kại reakʼ sạjạiyiń emakoa; ar onko do Misorteko ruạṛ calakʼa.

Hosea 9:6

Onko do ḍahao maraokʼakʼ ti khon tinreko ńir pharakokʼa unre Misor do onkoe jarwakoa ar Memphis nagraha doe topakoa. Seṅgelsiń do onkoakʼ rupạ reakʼ damanakʼkoe hameṭjoṅa; ar rạṅgạiniko do onkoakʼ tạmbui jạpudtakoa.

Levitikus 18:28

Ape hõ disạmpe besaphae enḍekhan laha jạtrenko leka disạm hõ apeye ulạ giḍikapea.

Levitikus 20:22

“Oka disạmteń idiyetʼpe ona disạm jemon aloe ulạ giḍikape ona lạgitʼ ińakʼ niạm ar ạn-ạriko manao hoyokʼtapea.

Levitikus 25:23

“Jaejug lạgitʼ okoeyakʼ jumi hõ baṅ ạkhrińokʼa, ente joto jumi do ińakʼ kana ar iń samaṅre ape do porjạtrenko lekape girobasokʼa.

Amos 7:17

Ar onatege Probhu Isor doe meneda, ‘amren bạhu do nagrahare kusumbiye hoyokʼa, ar amren hopon ar hoponerako do tarwaṛeteko gujukʼa. Amakʼ disạm do jokha baberteko hạṭińjoṅa ar am do mitʼṭecʼ bhonḍ disạmrem gujukʼa. Israelren hoṛ do khạṭige akoakʼ disạm khon eṭakʼ disạmteko bondi idi ocokʼa.’ ”

Mikạ 2:10

Ape do beredokʼte, calakʼpe, ona do apeakʼ jirạukʼ jaega do baṅkana; ente ape do disạmpe bhonḍakada, ona iạtege ona do marao utạrokʼa.

Aposkạmi 10:14

Patrase menkeda, “Baṅa, E Probhu, ohoge hoedaṛelena. Besapha ar chutakʼ do tis hõ bạń jomakada.”

Dosar Biboron 28:63

Ar okaṭakʼ rạskạte Probhu Isore bhạlại akatʼpe ar aperen hoṛkoakʼ lekhae saṅge ocoakatʼtape ona reakʼ rạskạtege uni doe marao caba utạrpea. Ar okaṭakʼ disạmpe dokhol lạgidokʼkan ona disạm khon rehetʼ sudhạpe totʼ giḍi ocokʼa.

Dosar Biboron 28:68

Misorte calakʼ reaṅ iń metatʼpe tahẽkana, tishõ ona horte do taṛam baṅ lagao apea; menkhan Probhu Isor do unre jahajte Misor disạmteye kol ruạṛpea. Onḍe do guti ar kạ̃ṛmĩ lekate bạiriko ṭhen kiriń ocokʼpe khoja menkhan celege bako kirińpea.

Dosar Biboron 4:26

enḍekhan teheńge iń do un okte lạgitʼ serma ar ot do ape upạrte goha dohokateń meneda, ape do jordan gaḍa paromkate okaṭakʼ disạmpe ạidạri lạgidokʼkan ona disạmre thoṛa dintegepe ses utạrokʼa. Ar onḍe ḍher din do bape girobas daṛeakʼa, khạṭigepe marao utạrokʼa.

Josuạ 23:15

Menkhan aperen Probhu Isorakʼ emakʼ bondobos bape manao, ar senkate debotakope sewawako arpe ḍobokʼako, enḍekhan aperen Probhu Isor do okaṭakʼ bhạlạiype reakʼe gokʼ akatʼ ar cetʼleka onako reakʼ purạu akan onkage Probhu Isor do baṅ bhạlạiype reakʼ oka botore udukʼ akatʼpe ona joto do apereye paṛao ocoya ar okaṭakʼ mońj disạme emakawatʼpe sesre ona khone marao giḍikapea. Ar Probhu Isorakʼ edre do ape upạrte jolokʼtege tahena, ar okaṭakʼ mońj disạme emakawatʼpe ona khon ạḍi usạragepe marao utạrokʼa.”