Hosea 9:12 - সান্তালী বাইবেল

¹² Onkoren gidrạkoko ạsul haralekore hõ onko gidrạ doń gocʼkoa; onkoren mitʼṭen hõ bako tahena. Hae onko do, tinre onko ṭhen khoniń calakʼa.

Hosea 9:12 Iomraidhean Croise

2 Rapajko 17:18

Onate Israelren hoṛko cetanre Probhu Isor do ạḍi bạṛicʼe edreyena ar acʼ samaṅ khon onkoe ocokʼketʼkoa. Ar eken Jihudạ gusṭiren sarecʼko tahẽyena,

2 Rapajko 17:23

Mucạtʼre Probhu Isor do acʼren sanam gutiko, metakʼme nạbiko hotete emakʼ sontor katha lekate acʼ samaṅ khone ocokʼ giḍikatʼkoa. Ona iạte Israelren hoṛko do akoakʼ disạm khonko bondi ocoyente Asur disạmteko idi ocoyena, ar teheń hõ onko do onḍege menakʼkoa.

Jobakʼ 27:14

Onkoren gidrạko saṅge lenrehõ onko lạgitʼ do botoranakʼ gujukʼ ṭhik dohoakana. Onkoren hoponko do tishõ lacʼ bicʼ jomakʼ bako ńama.

Jirimiạ 15:7

Disạm reakʼ phaṭok duạrkore amren hoṛ do haṭakʼteń gumkoa. Ińren hoṛko cetanre hoponkoakʼ gujukʼ reakʼ homor halaṅ iń paṛao ocoya ar onko doń marao utạrkoa, ente onko do akoakʼ hor khon bako ruạṛ akana.

Jirimiạ 6:8

E Jerusalem, sontorokʼ reakʼ katha ańjomme, ar baṅkhan am ṭhen khon ruạṛ senkate amakʼ disạmiń jarkhar cabaytama ar baṅ berelokʼ disạmgeń hoeocoya.”

Rak̕joṅ 2:20

E Probhu Isor, ma beṅgedme, ar hudisme, am do okoe cetanrehõ nonka do bam beohar akada? Maejiuko do cetʼ akoren hoponko jomkoa one onkoko joton harayetʼko? Probhu Isorakʼ sonot ṭhạ̃ire do cetʼ naekeko ar nạbikoko gocʼ ocokʼa?

Rak̕joṅ 2:22

Porob reakʼ dinre cetʼ leka hoṛkom jarwako onkage iń beṛhaete aema lekan botorakʼkom jarwa akada. Probhu Isorakʼ edre hilokʼ do cele hõ bako paskaokʼa ar celehõ bako sarejokʼa; iń do okoe joton ariń ạsul haraletʼko ińren bạiri do onkogeko marao akatʼkoa.

Hosea 7:13

Hae onko do, ente onko do iń ṭhen khon bạṛicʼ horteko calao akana. Onko do sorbonas hoyokʼtako ma, ente iń upạrteko hul akada. Onko chaḍaokoń khojkangea menkhan onko do iń upạrte eṛe kathako roṛeda.

Hosea 9:13

Ephrayim do Tur reakʼ rosaṛ jaegare rohoe akaniń ńel akadea. Menkhan Ephrayim do acʼren gidrạko gogocʼicʼ ṭhen idiko hoyokʼtaea.”

Hosea 9:16

Ephrayim doe ńẽtʼ akana, onkoakʼ rehetʼ do rohoṛ akana, onare jo do baṅ sabokʼkana. Ar onkoren hoṛko do gidrạko janamlekore hõ iń do onkoren dulạṛiạ gidrạkoń gocʼ cabakoa.”

Malaki 2:12

Okoe nonkako kạmikan onko do phạdkoren Probhu Isor ńutumte samaṅokʼakʼ jinisko ạguiyre hõ enhõ Probhu Isor do Jakob bõsrenko hotete onko sanamkoe marao giḍikoa.

Numeri 14:34

Disạm cikʼyạre oka pongel din lagaolen ona mimitʼ din reakʼ mitʼ bochorkate jotote pongel bochor hạbicʼ ape do apeakʼ behokakʼ lạgitʼ kosṭope joma arpe bujhạua daṛeakʼa, ape upạrteń teṅgolen khan oka hal hoyokʼtapea mente.

Numeri 26:65

Probhu Isor do noko Israeko reaṅgeye menleda, onko do khạṭige hahaṅkarreko gujukʼa. Onko modre Jephunren hopon Kaleb ar Nunren hopon Josuạ chaḍa ar okoe hõ jiwetʼ do bako tahẽkana.

Dosar Biboron 28:18

“Ape hõ Sarapankope hoyokʼte apeakʼ gharońjre hopon ar hoponerako hõko komaokʼa, khetre phosol hõ komaokʼa, mĩhũ-meromko ar bhiḍiko hõ komgeko hoponokʼtapea.

Dosar Biboron 28:32

Aperen hopon ar hoponerako do eṭakʼ jạtren hoṛ ṭhenko soprotkoa. Onko lạgitʼ koyokʼ hor iạte apeakʼ mẽtʼ do kãṛãkʼtapea, menkhan jãhãnakʼ cekae reakʼ cetʼ daṛege baṅ tahentapea.

Dosar Biboron 31:17

Ar unre onko upạrte ińakʼ edre jolokʼtińa ariń bạgi giḍiyakoa ar onko khon ińakʼ mẽtʼãhãń danaṅtińạ; arko marao utạrokʼa. Unre onko cetanre duk-kosṭo ar muhinko hecʼ paṛaokʼa. Ar enhilokʼko mena, ‘aleren Probhu Isor ale sãore bạnuite alere noa muhin do paṛao akana.’

Dosar Biboron 32:25

Onkoren hopon ar hoponerako do nagraha bahrere tarwaṛe reakʼ hạnteko gujukʼa, ar oṛakʼ bhitrire botorteko udạsokʼa. Onkoren juạn koṛa ar kuṛiko, kạṭicʼ gidrạko ar haṛam buḍhiko doko marao utạrokʼa.

Bikʼcạrko 4:16

Barak do menkhan Haroset-hagoyim hạbicʼ onkoakʼ rãt gạḍiko ar lạṛhại phạdkoe khudạu idiketʼkoa. Uni do Siseraren sanam lạṛhại phạdkoe gocʼ cabaketʼkoa, mitʼ hoṛ hõ sarecʼ do bae doholetʼkoa.

1 Samuel 16:14

Unre Probhu Isorren Jiu do Sạule bạgiyadea ar Probhu Isor ṭhen khon mitʼṭen bạṛicʼ jiu hecʼkate maraṅ botor udukʼaye ehopʼena.