Hosea 9:10 - সান্তালী বাইবেল

¹⁰ Probhu Isore meneda, “Hahaṅkarre darkha nạ̃ṛĩ leka Israel doń ńamledea; pạhil dhao jo emokʼkan loa dare reakʼ pạhilakʼ jo lekage aperen hapṛamkoń ńelletʼkoa. Menkhan onko do Bakʼal-Piyạr ṭhen senkate apnartetʼko ạkhrińena ar akoren dulạṛiạ boṅga lekage onko do hirkhạwankoko hoylena.

Hosea 9:10 Iomraidhean Croise

1 Rapajko 16:31

Nabatren hopon Jerobiam okakoe kạiletʼ onako do thoṛawakʼgeye metakʼkan tahẽkana. Eken ona do baṅa, uni do Sidonkoren raj Et-bakʼalren hoponera Esebele baplakedea ar Bakʼ-al debota sewawaye ehopʼena.

2 Rapajko 17:11

Probhu Isor do okoe jạtrenko onko samaṅ khone laga ńirletʼko onko leka noko hõ than boṭkocʼkore dhupko jeretʼetʼ tahẽkana. Ona chaḍa onko do arhõ bạṛicʼakʼ kạmikate Probhu Isorko khĩs ocoyede tahẽkana.

Sereńko 115:8

Okoe onkoko benao akatʼko ar okoe onko cetanreye pạtiạukʼ are bhorsakʼ onko hõ murhutʼ lekako hoyokʼa.

Sereńko 81:12

Ona iạte onkoakʼ mon do kạṭhuạ lekageń dohokatʼtakoa, jemon onko do akoakʼ kusi lekako calao daṛeakʼ.

Soros sereń 3:6

Hahaṅkar secʼ khon hijukʼkan tutʼ tutʼ dhũạ khunṭi lekanicʼ doe okoekana? Ona dhũạ khunṭire do beparikoakʼ joto lekanakʼ, gondhoros ar kundurute mahkaokʼ jut so mosolako menakʼa.

Jesaea 28:4

Ephrayim reakʼ ṭhonok mosotʼ akan mala oka do buru-nala otet reakʼ muthnire menakʼ, ona do bele loa leka pạhilrege caba utạrokʼa; one jãhãege ona ńelkate hataokateye jomke.

Jirimiạ 11:13

Jihudạre tinạkʼ nagraha ar atoko menakʼ unạkʼge debotako hõ menakʼkoa, ar Jerusalemre tinạkʼ kulhiko menakʼ uniye lajao ocokʼ Bakʼal debota ńutumte dhup jered lạgitʼ pinḍko hõ unạkʼge benao akana.

Jirimiạ 24:2

Mitʼṭecʼ khạclạkʼre do pạhil beleakʼ loa leka bhage loa tahẽkana, ar eṭakʼ khạclạkʼre do ạḍi bạṛicʼ loa jo tahẽkana, ona do nunạkʼ bạṛicʼ tahẽkana je, okoege bako jom daṛeakʼa.

Jirimiạ 3:24

Aboakʼ juạn jokhecʼ khonge aboren hapṛamkoakʼ khaṭaoteakʼ jo, metakʼme onkoren gại-ḍaṅgra, bhiḍi merom palko ar onkoren hopon ar hoponerako do onko lajao ocokʼkan debotageko utʼ akatʼkoa.

Jirimiạ 3:25

Dela hijukʼpe, abo do aboakʼ lajaoakʼre bon kunḍlạṅokʼma,, aboakʼ lajao do aboko danaṅ esetʼbon ma. Juạn okte khon teheń hạbicʼ abo do aboren Probhu Isor upạrte bon kạiyeda, ar aboren hapṛamko hõ onkageko kạmileda. Abo do aboren Probhu Isorakʼ bon bebatao akada.”

Jirimiạ 31:2

Probhu Isor do arhõe meneda, “Israelko jirạu ńam lạgitʼko calakʼkan tahẽkanre tinạkʼ do tarwaṛe khonko paskaolen onko do hahaṅkarre ińakʼ dayako ńamleda.”

Jirimiạ 5:31

Nạbiko do eṛeyakʼko nạbiyeda, naekeko do akoakʼ tirege ạidạri dohokateko ḍanṭao kana, ar ińren hoṛko do nonkageko dulạṛkana. Menkhan E ińren hoṛko, ona reakʼ mucạtʼ hecʼlenre cetʼpe cekaea?”

Jeheskel 20:8

“ ‘Menkhan onko do iń upạrteko hulkeda, ińakʼ katha ańjom do bako rạjilena. Okoe hirkhạwan boṅga murhutʼko bhageko hudisetʼko tahẽkan onko do bako sạṅgiń giḍiletʼkoa ar Misorren boṅga muṭhạnko hõ bako bạgiyatʼkoa. Onatege ińiń menkeda Misorre onko cetanre ińakʼ edre ar khĩs do onkoreń dula.

Hosea 11:1

Probhu Isore meneda, “Israel do gidrạ tahẽkan khongeń dulạṛedekana ar Misor khon do ińren hopongeń hoho ạgukedea.

Hosea 13:5

Hahaṅkarre, ona rohoṛ disạmre iń do amiń ńel jutletʼmea.

Hosea 2:15

Onḍe iń do uniyakʼ darkha bagwaniń ruạṛkataea ar Akhor reakʼ buru nala do as reakʼ duạriń hoeocoyea. Uniyakʼ juạn oktere leka uni do onḍeye sereńa cetʼleka uni do Misor khon oḍok hijukʼ dinreye sereńletʼ tahẽkan.

Hosea 4:14

Aperen hoponerako do kusumbiko hoylenre ar aperen hoponkoren bạhukoko loṭghuṭilere hõ onko do bạń sạjạikoa, ente herelko do apnarge kusumbiko ṭhenko senokʼkana ar mundil kusumbiko sãote janwar dãṛẽko samaṅetʼkoa. Noko bebuj jạtrenko doko marao utạrokʼa.

Hosea 4:18

Onko do bubulakʼko tinreko ńũ sạta unre onko do loṭghuṭiko ehoba; onkoren disạm cakʼlaoko do lajao paṛaoakʼ colongeko kusiyakʼa.

Amos 4:5

Ape do gun manao reakʼ samaṅokʼakʼ lekate khạmiyanakʼ piṭhạpe samaṅetʼa ar apeakʼ monejoṅakʼ lekage samaṅokʼakʼ jiniskote bạḍạitepe perejokʼkana, ente E Israelko, ape do onagepe kusiyakʼkana. Iń Probhu Isorge noa katha doń menetʼkana.

Mikạ 7:1

Hai iń do! Iń do niron din reakʼ joko samṭao akatʼ lekageń hoyakana one joko gotʼketʼ tayomko tumạlketʼ, ar jom lạgitʼ darkha reakʼ jãhãn thopage bạnukʼa; ar pạhilre beleakʼ loa hõ bạnukʼa one oka lạgitʼ ińakʼ jiwiye gagojokʼkan.

Numeri 15:39

Dạsikope ḍuriạwakʼa jemon onakope ńellere ińakʼ sanam hukumko reakʼ kathape disại ar onape manao. Enḍekhan ape do ińre bepạtiạukʼte apeakʼ ontor ar mẽtʼ reakʼ rij roṅre bape ạkhrińokʼa.

Numeri 18:13

Probhu Isor ṭhen ạguwakʼ onkoakʼ jumi reakʼ phosol hõ apeakʼ hoyokʼa. Ar apeakʼ gharońjren okoe saphako tahen eken onkoge onako jom daṛeakʼa.

Romiko lạgitʼ Pạul Apostolakʼ ciṭhi 6:21

Lahateakʼ kạmiko reakʼ kathako hudiskate ńitokʼpe lajaokʼkan khan onako kạmi khon apeakʼ do cetʼ porho hoykokʼa? Ona reakʼ mucạtʼ jo do hoyokʼ kana moron.

Dosar Biboron 32:10

“Uni do hahaṅkar disạmreye ńamkedea, hińjrạukʼkan mitʼ nisun jaegare. Uni doe esetʼ ạcurkedea, are jotonkedea; ar mẽtʼ reakʼ joti lekage uni doe horhokedea.

Dosar Biboron 32:17

Onko do bạṛicʼ jiuko teṅgenatʼkoa. okoe do Isorko baṅkan, onko do nãwã boṅga ńutumte samaṅokʼakʼ porobko porobena, okoe do sor din lahareko upelakan, okoe do aperen hapṛamko bako botorakokan tahẽkan.

Dosar Biboron 4:3

“Probhu Isor do Bakʼal-Peorre okae cekaletʼ ona ma nijạrakʼ mẽtʼtegepe ńelakatʼ. Apeko modren okoe do Peorren Bakʼal debotako sewawae kan tahẽkan aperen Probhu Isor do onko mimitʼko ape tala khone marao akatʼkoa.

Bikʼcạrko 6:32

En hilokʼ Gideonakʼ ńutum uni do Jerubakʼale dohoketʼtaea (mane do “Bakʼalge uni tulucʼe lạṛhạima”). Ar Gideon do Bakʼal debotawakʼ pinḍe rạputʼ giḍiletʼte Joase menkeda, “Gideon upạrte Bakʼalge uni tulucʼe lạṛhạima. ”