Hosea 8:9 - সান্তালী বাইবেল

⁹ Onko do eskar eskar ạcur baṛaekan bir gadha leka Ạsur hạbicʼko sen akana. Ar Ephrayim do ṭakate dulạṛiạkoe ạgu akawana.

Hosea 8:9 Iomraidhean Croise

2 Rapajko 15:19

Inạ tayom Asurren raj Pul do Israele akromonkeda. Unre Menahem do Pulakʼ goṛote disạmre acʼakʼ rajosṭi kajaktae lạgitʼ pegel are ṭon rupại emadea.

Jesaea 30:2

Iń sãote sopolha baṅkate Misorteko calakʼ kana; onko do goṛo ńam lạgitʼ Pharaoakʼ asrayko hataoeda ar Misor reakʼ umulreko hirlạkʼ kana.

Jesaea 30:6

Dạkhin disạmren janwarko reaṅ nạbi katha: onko goḍetko do kosṭo ar durdosate perecʼ disạm talate ar dhạcri kul ar kul eṅga, bisan biń ar uḍạukʼkan bińkoakʼ disạm talateko calakʼa. Onko do akoakʼ dhon-duribko gadhare ladekate ar damanakʼ jinisko do ũṭ deare ladekate onko jạtrenko ṭhenko idiya one okoe hotete jãhãn labge baṅ hoyokʼtako.

Jirimiạ 2:24

Am do hahaṅkarren mitʼṭen bir gadha eṅga leka kanam, okoe do otoṅokʼ lạgitʼ hoeye ji baṛayetʼ. Uniyakʼ ritiạṅ do okoeye khento daṛeketaea? Uni ńam bakʼṛako do laṅga haronokʼ baṅ jạruṛtakoa; otoṅokʼ jokhecʼ uni doe ńamokʼgea.

Hosea 12:1

Ephrayim do hoeye jomeda; uni do goṭa din purub reakʼ hoeye khudạueda ar eṛe katha ar bedhorome ḍhereda. Uni do Ạsurrenko sãoteye bondoboseda ar Misor do jạitun reakʼ sunume kolae kana.”

Hosea 12:2

Jihudạ upạrte Probhu Isorakʼ mitʼṭecʼ mambla menakʼtaea; Jakobakʼ colon lekate uni doe sạjạiyea ar uniyakʼ kạmi lekate kuṛạiye emaea.

Hosea 2:10

Ar acʼren dulạṛiạwakʼ mẽtʼãhã samaṅrege uniyakʼ lajao paṛaoakʼ kạmi reakʼ iń sodortaea; ińakʼ ti khon uni do celege bako bańcao daṛeaea.

Hosea 5:13

“Ephrayim do tinre acʼakʼ roge ńelkeda ar Jihudạ do acʼakʼ ghaoko unre Ephrayim do Ạsur secʼ ạcur ruạṛkate goṛo ńam lạgitʼ uni maraṅ raj ṭhen hoṛe kolketʼkoa. Menkhan uni do rog hõ bae boge daṛeataea ar uniyakʼ ghaoko hõ bae bes daṛeakʼa.

Hosea 7:11

“Ephrayim do mitʼṭen bebuj parwa leka kanae; uni doe lelhagea. Uni do ghane Misore hohoaekana ar ghane do Ạsur ṭhene calakʼkana.