Hosea 8:7 - সান্তালী বাইবেল

⁷ “Onko do hoegeko era ar sesre do hoe bharḍoko irạ. Phosol reakʼ gelere do jãhãn danage bạnukʼa; ona khon holoṅ do ohoge ńamlena. Ar onare jãhãnakʼge hoyokʼ ona do bidisiạ hoṛgeko jom cabaea.

Hosea 8:7 Iomraidhean Croise

Genesis 41:23

Ar ona tayom do eae goṭecʼ copa copa geleyena. Ar onako do purub reakʼ hoete tolmocʼena.

2 Rapajko 15:19

Inạ tayom Asurren raj Pul do Israele akromonkeda. Unre Menahem do Pulakʼ goṛote disạmre acʼakʼ rajosṭi kajaktae lạgitʼ pegel are ṭon rupại emadea.

2 Rapajko 15:29

Israelren raj Pekawakʼ oktere Asurren raj Tiglot-Pilese do hecʼkate Iyon, Abel-beth-Maka, Janoa, Kedes, Hasor, Gilead, Gạlil ar Napthali reakʼ sanam ṭoṭhae ạidạriana ar hoṛko bondikate Asurteye idiketʼkoa.

Jobakʼ 4:8

Ińiń ńelakada okoe bạṛicʼakʼko cas ar duk reakʼ itạko er onko do onakoge irjoṅa.

Kạhtukko 22:8

Okoe hoṛ bạṛicʼakʼ reakʼ itại eretʼkan uni do muhin reakʼ phosole ira; ar uniyakʼ raṅgao reakʼ ṭheṅga do ạuṛiyagokʼtaea.

Sosolhayic̕ 5:16

Niạ hõ ạḍi duk reakʼ bepar kana, manwa cetʼlekae hijukʼ onkage ruạṛ calakʼ hoyokʼtaea; onate uniyakʼ lab do cetʼtae? Uni do hoe lạgitʼgeye khaṭaokʼ kana.

Jesaea 17:11

ar enhilokʼge ona dom hara ocowakʼ kana ar setakʼ do onare bhoṭokʼem hoyocoyeda, enhõ haron kosṭo ar ruạ hasokʼ dinre irokʼ lạgitʼ jãhãn phosol do baṅ tahena.

Jesaea 55:2

Okaṭakʼ jomakʼ baṅkan ona lạgitʼ ṭaka poesa do cedakʼpe khoroca? Okaṭakʼte baṅ tirpit ona lạgitʼ do cedakʼpe khaṭaokʼ kana? Ańjompe, ińakʼ katha ańjompe, oka bhageakʼkan ona jompe; ar itilanakʼre rạskạjoṅpe.

Jesaea 66:15

Ńelpe, Probhu Isor do seṅgelteye hijukʼa ar uniyakʼ rãt gạḍiko do hoe bharḍo lekage hijukʼa. Unre uni do acʼakʼ edreye sodortaea, uniyakʼ eger do seṅgel lepʼ leka sodorokʼa.

Jirimiạ 12:13

Onko do guhumko ereda menkhan jạnumgeko ireda; onko do kạṭhinko khaṭaokʼkana menkhan cetʼge bako ńameda. Probhu Isorakʼ jolokʼkan edre iạte ape do apeakʼ phosol irpe lajaokʼ kana.”

Rak̕joṅ 5:2

Aleakʼ ạidạriko do bidisiạkoakʼ tire jimạ akana, ar aleakʼ oṛakʼ do eṭakʼ jạtren hoṛko em ocoakana.

Hosea 2:9

“Onate ińakʼ phosol belelen khan ar ińakʼ nãwã darkha rasa hoylen khan ona doń hatao ruạṛa. Ar okaṭakʼte uniyakʼ uluṅtetʼe dapal esetʼkakʼ kan tahẽkan ona ińakʼ bhiḍi upʼ ar musnạ jạ̃ṛĩ sutạm hõń ạguiytińạ.

Hosea 7:9

Bidisiạko do uniyakʼ daṛeko jom akatʼtaea, menkhan uni do ona bae bujhạu daṛeakʼkana. Uniyakʼ bohokʼ reakʼ upʼ do hanḍe nanḍe ponḍ akantaea, ar ona hõ bae kheyal akada.

Hosea 9:16

Ephrayim doe ńẽtʼ akana, onkoakʼ rehetʼ do rohoṛ akana, onare jo do baṅ sabokʼkana. Ar onkoren hoṛko do gidrạko janamlekore hõ iń do onkoren dulạṛiạ gidrạkoń gocʼ cabakoa.”

Nạhum 1:3

Probhu Isor do usạrate bae edrekʼa ar daṛete hõe maraṅgea. Uni do begor sạjạite bae aṛakʼa. Uniyakʼ hor do birbão ar hoere tahenkana, ar rimil do uniyakʼ jaṅga reakʼ dhuṛikana.

Hagae 1:6

Ape do ḍhergepe eretʼkana, menkhan thoṛagepe ireda. Jom dope jometʼgea, menkhan bape bikʼ kana. Darkha rasape ńũiyetʼkangea, menkhan ḍher do bape ńameda. Kicricʼpe horokʼetʼgea, menkhan bape lolokʼ kana. Ar beton ńamkate do bhugạkʼ thạilạkʼrepe dohoyetʼkana.

Galathiko lạgitʼ Pạul Apostolakʼ ciṭhi 6:7

Ape do alope bulạukʼa, Isor do ohoe siṛog ocolena; ente okoe okaṭakʼe era; uni do inạgeye ira.

Galathiko lạgitʼ Pạul Apostolakʼ ciṭhi 6:8

Okoe acʼakʼ jel lạgitʼe era; uni do jel khonakʼ maraoakʼgeye irạ. Menkhan sonot Jiu lạgitʼe er khan uni do jaejug jiongeye ir joṅa.

Dosar Biboron 28:33

Bin oprom jạtren hoṛko do apeakʼ jumi reakʼ phosol ar apeakʼ khaṭaoakʼ reakʼ kuṛạiko joma ar ape do jiwetʼ jonompe santao ocokʼa.