Hosea 8:4 - সান্তালী বাইবেল

⁴ Ińakʼ hukum chaḍage onko do rapajko bahal akatʼkoa; ińakʼ hukum chaḍage onko do mukhiyạko bachao akawana. Onko do sona ar rupạren boṅgako benaoetʼkote sorbonasreko paṛaokʼkana.

Hosea 8:4 Iomraidhean Croise

1 Rapajko 12:28

Unre Jerobiam raj do sopolhakate sonaren barea mĩhũi benao ocoketʼkinạ. Ar ona tayom do hoṛkoe metatʼkoa, “Jerusalemte calakʼ do ape lạgitʼ ạḍi kosṭogea. E Israelko, nokin kangeakin aperen debota do, nokinge Misor disom khon apekin oḍok ạgu akatʼpea.”

1 Rapajko 13:34

Niạko kạmi Jerobiam bõsrenko lạgitʼ do kại hoyena jemon onko doko ḍahao maraokʼte dhạrti khonko caba utạrokʼ.

1 Rapajko 16:31

Nabatren hopon Jerobiam okakoe kạiletʼ onako do thoṛawakʼgeye metakʼkan tahẽkana. Eken ona do baṅa, uni do Sidonkoren raj Et-bakʼalren hoponera Esebele baplakedea ar Bakʼ-al debota sewawaye ehopʼena.

Jirimiạ 16:20

Hoṛko do cetʼ apnar lạgitʼ debotako benao daṛeakoa? Arko benaolekore hõ onko do isor doko baṅkana.”

Jeheskel 18:31

Apeakʼ sanam ghạṭko ape khoniń sạṅgiń giḍikatapea ar apeakʼ mon ar ontor do nãwãte benao rakabtape. Cedakʼpe gujukʼa?

Daniel 3:1

Nebukadnesar raj do turuigel moka usul ar turui moka osar sonaren mitʼṭecʼ boṅga murhutʼe benaokedete Babel disạm reakʼ Dura bilạn ṭạnḍireye dohokedea.

Hosea 13:1

Ephrayim kathae roṛlere hoṛko doko thar tharaokan tahẽkana; Israel gusṭirenko modre uni do maraṅ utạrice hoylena. Menkhan Bakʼal debota sewawae iạte dusiyente uni doe gocʼena.

Hosea 13:11

Onate iń do edrete mitʼṭen rajiń ematʼme tahẽkana ar raṅgaote uni doń uṭhạukedea.

Hosea 13:2

Ńitokʼ uniren hoṛko do arhõ ḍherko kại akada; akoakʼ rupạte onko do ako lạgitʼ dul boṅga muṭhạn, metakʼme gạkhuṛ tite boṅgako benao akadea; ar onako do jotoge kạrigolkoakʼ kạmikana. Nui boṅga reaṅ onkoko mena, “Okoe dãṛẽko samaṅetʼkan onko do mĩhũren boṅgako cokʼae ma.”

Hosea 2:8

Uni do bae aṅgocetʼ tahẽkana, ińge anaj, nãwã darkha rasa ar sunumiń emaekan tahẽkana, sona ar rupạko hõ ḍher okocʼiń emaekan tahẽkana, one oka uni do Bakʼal debota lạgitʼe beboharetʼ tahẽkan.

Hosea 8:3

Menkhan okaṭakʼ bhageakʼ kan Israel do onae nihạ̃t giḍi akada, onate bạiri do uniko khudạu baṛayea.

Mathae 25:12

Unre Jãwãe beṭa doe roṛ ruạṛatʼkoa, ‘sạrigeń metapekana, iń do bạń orom akatʼpea.’ ”

Luk 13:25

Unre oṛakʼren kisạ̃ṛ beretʼkate silpińe siń esetʼlere ape do bahrere teṅgokate silpiń ṭhopʼ ṭhopʼkatepe mena, ‘E Probhu, jhicʼ aleme.’ Menkhan uni doe roṛ ruạṛ apea, ‘bạń baḍaeyetʼpea okaren kan coṅpe.’

Luk 13:27

Unreye metapea, ‘oka khon coṅpe hecʼakan, iń do bạń baḍae akatʼpea. E phạsiạrako, men iń khon ńirjoṅpe.’

Johan 10:14

“Ińge boge gupiyicʼ. Baba do cetʼleka ińe baḍaeyediń onkage iń hõ Babań baḍaeyedea ar ińren bhiḍiko hõń baḍaeyetʼkoa ar onko hõ ińko baḍaeyediń kana. Iń do ińren bhiḍiko lạgitʼ ińakʼ jiwiyiń alayetʼtińạ.

Galathiko lạgitʼ Pạul Apostolakʼ ciṭhi 4:9

Menkhan ńitokʼ do Isorpe baḍae akadea; ar hẽ, Isorge apeye baḍaeketʼpea. Enḍekhan cekate arhõ dhạrti reakʼ ạḍi lekan nijor ar ạuṛiyakʼ ạri-cạli secʼpe ạcur ruạṛokʼ kana? Ape do cetʼ arhõ onkoren golam hoyokʼpe menjoṅ kana?