Hosea 8:1 - সান্তালী বাইবেল

¹ “Am do siṅgạ oroṅme. Probhu Isorren hoṛko upạrte bạiri do pajhaṛ cẽṛẽ lekae hijukʼkana, ente hoṛko do iń emakʼ bondobos reakʼko bebatao akada ar ińakʼ ạn-ạri upạrteko hul akada.

Hosea 8:1 Iomraidhean Croise

2 Rapajko 18:27

Menkhan Rabsake doe roṛ ruạṛkeda, “Ińren kisạ̃ṛ do cetʼ eken aperen kisạ̃ṛ kanae ar ape ṭhen niạko katha lại lạgitʼe kol akadińạ? Pạcri cetanre duṛupʼ akan noko hoṛko, okoe ape leka akoakʼ pạikhana ar putu jojom hoyokʼtako onko ṭhen hõ cetʼ bae kol akadińạ?”

Jesaea 18:3

E dhạrtiren hoṛko, E dhạrtire girobasokʼ kanko, ape do tinre buru boṭkocʼ cetanre jhạnḍi rakabokʼa ona ńelpe, ar tinre sakwa saḍekʼa ona ańjompe.

Jesaea 24:5

Dhạrti do uniren hoṛko besonot akada. Onko do ạn-ạriko bemanot akada; ạnko rạputʼ akada ar Probhu Isorakʼ bondobos leka do bako taṛam akada.

Jesaea 58:1

Probhu Isore meneda, “Kajakte hohoeme, amakʼ goṭa daṛete hohoeme; sakwa saḍe leka ãṭ aṛaṅte hohoeme. Ińren hoṛko ṭhen onkoakʼ bedhorom reakʼ katha ar Jakobren bõsko ṭhen onkoakʼ ghạṭ akatʼ reakʼ katha baḍae ocokom.

Jirimiạ 31:32

Onkoren hapṛamko Misor disạm khon ti sapʼkateń oḍok ạguko jokhecʼ onko lạgitʼ oka bondobos iń doholetʼ noa nãwã bondobos do ona leka do baṅ hoyokʼa. Iń do unkinren jãwãe lekań tahẽkanre hõ enhõ unkin do ińakʼ bondobos kin rạputʼ akada.

Jirimiạ 34:18

Jihudạ ar Jerusalemren mukhiyạko, rajkạmiyạko, naekeko ar disạmren sanam hoṛko do kuṭrạ akade mĩhũ talate taṛam paromkate ińakʼ niạm pańjae lạgitʼko gokʼleda, menkhan onko do ińakʼ niạmko rạputʼ akada ar ona gokʼakʼ do bako purạuleda.

Jirimiạ 4:13

Ńelpe, uni do rimilko lekae oṭaṅ hijukʼkana. Uniyakʼ rãt gạḍiko do bharḍo leka hijukʼkana ar uniren sadomko do pajhaṛ cẽṛẽ khon hõko coṭkargea. Hae, hae, abo do bon jarkharena!

Jirimiạ 4:5

“Jihudạ ar Jerusalemre lại jạhirpe, ‘ar goṭa disạmre sakwa oroṅpe.’ Ar ãṭ aṛaṅte hohoate roṛpe, ‘samṭao jarwakʼpe. Dela, abo do gaṛ nagrahakote bon bolokʼ ma.’

Jirimiạ 48:40

Probhu Isore meneda, “Ńelpe, mitʼṭen hoṛ do pajhaṛ cẽṛẽ lekae ạphir hijukʼkana ar Moab upạrte acʼakʼ phạ̃kṛạ̃kʼe lap lapa akatʼtaea.

Jirimiạ 49:22

Ńelpe, onkoren bạiri do pajhaṛ leka coṭteye uḍạukʼa ar Bosra cetanre phạ̃kṛạ̃kʼe lap lapaete sã sãye pheḍ hijukʼa. Enhilokʼ Edomren lạṛhại phạdkoakʼ mon do bedonokʼkan maejiuakʼ mon leka hoyokʼtakoa.

Jirimiạ 51:27

“Ape do disạmre nisạn rakabtape. Ar jạt jạtrenko upạrte siṅgạ oroṅpe. Uni upạrte lạṛhại lạgitʼ jạtrenko sapṛao dohokope; uni upạrte Ararot, Mini ar Askenasren rajko hohoakope. Uni upạrte mitʼṭen subedar bahalepe; ar sobotʼ sobotʼ pohoko leka ạḍi utạr sadom kolkope.

Jirimiạ 6:1

Probhu Isore meneda, “E Benjạminren hoṛko, rukhiyạ ńam lạgitʼ ńir joṅpe. Jerusalem khon ńirjoṅpe. Tekoa nagrahare sakwa oroṅpe. Beth-hakeremre cinhạ tul rakabtape, ente utạr secʼ khon jarkhar ar muhin dokin samaṅ ṭhikakada.

Jeheskel 11:4

Onate E manwa hopon, am do noko upạrte nạbi lekate katha roṛme, hẽ, nạbi lekatege baṛe katha roṛme.”

Jeheskel 16:59

“Amakʼ kạmi lekage am sãoteń beohara, ente ińakʼ bondobosem rạputʼ akatʼte ińakʼ kiriạwakʼem nihạ̃t giḍi akada.

Jeheskel 17:3

Probhu Isore meneda, ‘Roṅ beroṅ jhạl jhạl ilte perecʼ phạ̃kṛạ̃kʼante mitʼṭen maraṅ okocʼ pajhaṛ do Lebanonre hecʼkateye apʼena. Ar onḍenakʼ mitʼṭecʼ debdạru dare reakʼ coṭ utạr ḍạr reakʼ bale ḍoge ṭuṅgạcʼketʼte beparikoakʼ disạmte idikate beparikoakʼ nagrahareye rohoekeda.

Jeheskel 7:14

Hoṛko do sakwa oroṅkate sanamakʼko sapṛao dohoakada, menkhan lạṛhại lạgitʼ do celege bako oḍok calakʼkana, ente ińakʼ jaljalao edre do disạmren sanam hoṛko cetanre menakʼa.

Hosea 4:6

Isor reaṅ ạkil begorte ińren hoṛko doko maraokʼkana. Ona ạkil bape moneyakʼkante iń hõ ińren naeke menkate bạń moneyape kana. Ape do aperen Isorakʼ ạn-ạrikope hiṛińakada, onate ińhõ aperen hopon ar hoponera koń hiṛińkotapea.

Hosea 5:8

“Ape do Gibiạre siṅgạ ar Ramare do pẽpṛẽtʼpe oroṅeda. Ar Beth-Abnere do hohoatepe meneda, ‘E Benjamin, lạṛhại baṛe ạyur bonme.’

Hosea 6:7

Adam leka ińiń bandhao akatʼ bondobos do bape manaoleda; ape do ińrepe bepạtiạrena.

Hosea 9:15

Probhu Isore meneda, “Gilgolre onko do akoakʼ joto lekan dusṭạmiko ehopʼleda, ar onḍe onko do hirkhạwakoń ehopʼena. Onkoakʼ kại iạte ińren hoṛko tala khoniń laga oḍokkoa. Onko do ar bạń dulạṛkoa; onkoren mukhiyạko doko huhulko kana.

Joel 2:1

Sionre sakwa oroṅpe, ińakʼ sonot burure muhin reakʼ soṅket baṛe ruipe. Disạmreko girobasokʼ kan sanam hoṛ doko thar tharaokʼ ma, ente Probhu Isorakʼ din do hijukʼkana; ona din do hecʼ sorakana.

Joel 2:15

Ape do Sionre sakwa oroṅpe, ar sonot upạs reakʼ bebostaepe, ar mitʼṭecʼ sabha hoeocoype;

Amos 3:6

Nagrahare sakwa reakʼ saḍe ańjomle khan hoṛ do cetʼ bako botorokʼa? Probhu Isor bae hoyocole khan nagrahare cetʼ muhin do paṛaokʼa?

Amos 8:3

Enhilokʼ mundil reakʼ sereńko do jare jare hoyokʼa, ar ‘mạ̃ṛĩko do aemage hoyokʼa; ar onako do hape hapete goṭa ṭạnḍi giḍi akan tahena.’ ”

Amos 9:1

Probhu Isor do pinḍ aṛere teṅgo akaniń ńelkedea. Uniye metadińa, “Khunṭi chatnako kuṭạmme jemon duạr saṅgako daldalaokʼte sanam hoṛkoakʼ bohokʼ cetanre rạputʼ ńurokʼ. Okoe jiwetʼko tahen onko do tarwaṛeteń gocʼkoa. Onko do celege bako ńir phoṛokʼa ar celege bako dạṛ paskaokʼa.

Habakkuk 1:8

Onkoren sadomko do hunḍạr khon hõ usạrateko calakʼa, ar ạyupʼ jokhecʼ do hunḍạr khon hõko botorangea. Onkoren aswariko do sạṅgiń khon tạpisteko hijukʼa; ar onko do jojom lạgitʼ pajhạṛ lekako ạphir hijukʼkana.

Sephaniạ 1:16

Ona do pạcrite esetʼ joto nagrahako upạrte ar konac reakʼ sanam khon usul pahra oṛakʼ upạrte sakwa reakʼ saḍe ar lạṛhại reakʼ hoho dinge hoyokʼa.

Sakariạ 11:1

E Lebanon, amakʼ duạrko jhicʼ dohokam, jemon seṅgel do amakʼ debdạru darekoe jom daṛeakʼ.

Sakariạ 9:14

Ona tayom Probhu Isor do acʼren hoṛko talareye sodorokʼa; uniyakʼ sar do bijli leka malkaokʼtaea. Probhu Isor do sakwae oroṅa ar dạkhin reakʼ birbão hoe lekae laha calakʼa;

Mathae 24:28

Jãhãrege mạ̃ṛĩ tahen onḍege gidi hõko jarwakʼa.

Dosar Biboron 28:49

“Probhu Isor do sạṅgiń khon, dhạrti reakʼ ses simạna khon nonkan mitʼ jạtrenko ape upạrteye ạgukoa one onkoakʼ pạrsi bape bujhạutako. Onko jạtrenko do pajhaṛ cẽṛẽ leka ape cetanre sã menteye uḍạu ạgukoa.