Hosea 7:8 - সান্তালী বাইবেল

⁸ “Ephrayim do eṭakʼ jạt jạtrenko sãoteye mesaokʼkana; uni do baṅ ulṭạu akatʼ piṭhạ kanae.

Hosea 7:8 Iomraidhean Croise

1 Rapajko 18:21

Eliạ do hoṛko samaṅre senkateye menkeda, “Ar tinạkʼ din barea lạukạre lebetʼ akanpe tahena? Probhu doe Isorkan khan unige sewawaepe, ar Bakʼalgeye Isorkan khan enḍekhan unige sewawaepe.” Menkhan hoṛko do cetʼge bako roṛ ruạṛleda.

Esra 9:1

Niạko kạmi sạten khan mukhiyạko do iń ṭhen hecʼkateko menkeda, “Israelko ar onkoren naekeko ar Liwiko do onkoakʼ disạmre girobasokʼ kan judạ judạ jạtrenko khon apnartetʼ do bako begar dohoakan tahẽkana. Onko do Kananiko, Hittiko, Perisiko, Jebusiko, Amoniko, Moabiko, Misriko ar Amoriko leka hirkhạwakʼko kạmikana.

Esra 9:12

Ona iạte aperen kuṛiko do onkoren hoponko sãote alope baplakoa se aperen koṛako lạgitʼ hõ onkoren kuṛiko alope hataokoa ar tishõ onkoakʼ bhạlại se rakapʼko reakʼ do alope kurumuṭuiya. Onate ape do daṛeankope hoyokʼa ar jumi reakʼ bhage bhage jiniskope jom daṛeakʼa ar jaejug ạidạri lekate disạm do aperen hopon ar hoponerako lạgitʼpe doho oṭo daṛeakʼa.’

Sereńko 106:35

bickom onko jạtrenko sãoteko mesalena ar onkoakʼ ạri cạliko hataoana.

Hosea 5:13

“Ephrayim do tinre acʼakʼ roge ńelkeda ar Jihudạ do acʼakʼ ghaoko unre Ephrayim do Ạsur secʼ ạcur ruạṛkate goṛo ńam lạgitʼ uni maraṅ raj ṭhen hoṛe kolketʼkoa. Menkhan uni do rog hõ bae boge daṛeataea ar uniyakʼ ghaoko hõ bae bes daṛeakʼa.

Hosea 5:7

Onko do Probhu Isor ṭhen bepạtiạranko hoyakana; onko do bidhuạ gidrạko janametʼkoa. Ar onatege ńitokʼ molokʼ cando do onkoakʼ porobkoe lakopʼtakoa akoakʼ khet baṛge sudhạ.

Hosea 7:9

Bidisiạko do uniyakʼ daṛeko jom akatʼtaea, menkhan uni do ona bae bujhạu daṛeakʼkana. Uniyakʼ bohokʼ reakʼ upʼ do hanḍe nanḍe ponḍ akantaea, ar ona hõ bae kheyal akada.

Hosea 9:3

Onko do Probhu Isorakʼ disạmre bako tahena; Ephrayim do Misorteye ruạṛ calakʼa ar Ạsur do besaphawakʼ jomakʼgeye joma.

Sephaniạ 1:5

Sermaren sanam ipilko sewawako lạgitʼ okoe do chat cetanre decʼkateko ḍobokʼetʼkan ar okoe do Probhu Isor ńutume kiriạ tayom hõ Milkom debota ńutumteko kiriạkʼ kan onko hõń marao utạrkoa.

Malaki 2:11

Jihudạ doe phạsiạragea. Israel ar Jerusalemre do bạṛicʼakʼ kạmiko hoyakana. Jihudạren hoṛ do boṅgan hoṛkoren hoponerako baplaletʼko iạte Probhu Isore dulạṛetʼko hoṛko besapha ocoakatʼkoa.

Mathae 6:24

“Okoe hõ barea kisạ̃ṛ ṭhen guti do ohoe khaṭao daṛelena, ente mitʼ hoṛe dulạṛea ar eṭagicʼ doe kurudaea. Mitʼ hoṛakʼe ańjomtaea ar eṭagicʼ doe neṅghaoea. Isor ṭhen ar dhon ṭhen guti do ohogepe khaṭao daṛelena.