Hosea 7:2 - সান্তালী বাইবেল

² menkhan onko do bako bujhạueda je, onkoakʼ sanamakʼ kạmi reakʼ iń disạ dohoyeda mente. Onkoakʼ kại do purạtegeye gherao esetʼ akatʼkoa; onako do jao oktege iń samaṅre menakʼa.

Hosea 7:2 Iomraidhean Croise

Jobakʼ 34:21

“Isorakʼ mẽtʼ do hoṛakʼ horkorege menakʼtaea; onkoakʼ mimitʼ taṛamko uni doe ńeletʼtakoa.

Sereńko 10:11

Uni do mone moneteye meneda, “Isor doe hiṛiń akada; uni doe dea giḍiakada, ar tishõ bae ńeńela.”

Sereńko 25:7

Ińakʼ koṛa umer reakʼ kại ar am upạrte hul reakʼ katha do alom disạ dohokakʼa; amakʼ asambheṛ dulạṛ iạte disạyińme baṛe, ente E Probhu Isor, am dom bhagegea.

Sereńko 50:22

“Okoe Isorpe hiṛiń akade ape do hudisokʼpe; ar baṅkhan iń doń or cirạpea, ar ape bańcaope lạgitʼ do cele hõ bako tahena.

Sereńko 9:16

Dhorom bicạr hotetege Probhu Isor doe baḍae ocokʼkana; bedhoromko do akoakʼ kạmitegeye jhạliyetʼkoa. (Sela)

Sereńko 90:8

Aleakʼ ghạṭko do am samaṅrem dohoakada; amakʼ mẽtʼãhã reakʼ marsalte aleakʼ oko danaṅ kạiko sodorokʼ kana.

Jesaea 1:3

Ḍaṅgra do acʼren kisạ̃ṛe oromedea, gadha hõ acʼren mạlikakʼ nandware oromeda, menkhan Israel do acʼren mạlik bae baḍaeyede kana, ar ińren hoṛ hõ iń do bako bujhạu edeńkana.”

Jesaea 26:16

E Probhu Isor, kosṭokʼre onko do amko ńam baṛaketʼmea; ar amakʼ sạjại paṛaoatʼkore onko do nehõrate khae khoe koejoṅko phuṭạuatʼmea.

Jesaea 44:19

Okoe hõ bae hudisokʼkana; ar okoeyakʼ hõ bud ar ạkil baṅ do bạnukʼte oneye men, “Iń do niạ reakʼ mitʼ hĩste seṅgel iń jol akada, ar ona reakʼ koela seṅgelte piṭhạń rapakʼ akada ar jel hõń rapakʼkeda ariń jom biyena. Enḍekhan niạ reakʼ sarecʼ hĩste do cetʼ hirkhạwanakʼ jinisiń benaoa? Kaṭ munḍhạtʼ samaṅre cetʼ iń doń ombagokʼa?”

Jesaea 5:12

Onkoakʼ bhojre do peṛesaṅ ar binạ banam, kortal, tiriyạ ar darkha rasa tahenkana; menkhan Probhu Isorakʼ kạmi reakʼ do cetʼge bako moneyakʼ kana, ar uniyakʼ ti teakʼ kạmi reakʼ hõ bako ńeletʼkana.

Jirimiạ 14:10

Probhu Isor do noko hoṛko reaṅgeye meneda, “Onko do ạcur baṛaeko kusiyakʼ kana; onko do jaṅga bako jirạuetʼtakoa. Onate iń do bạń ataṅetʼkoa; ar ńitokʼ do onkoakʼ dusṭạmi reaṅ iń disạ ruạṛa ar kại reakʼ sạjạiyiń emakoa.”

Jirimiạ 16:17

Onkoakʼ dãṛãn cetanre ińakʼ mẽtʼ do menakʼa; ińakʼ mẽtʼ khon danaṅre do bạnukʼkoa ar onkoakʼ ghạṭ hõ iń khon do baṅ okokʼtakoa.

Jirimiạ 17:1

Probhu Isore meneda, “Jihudạ reakʼ kại do mẽṛhẽtʼ kolomte ol akana, hirạ reakʼ surshạtege onkoakʼ ontorre, onkoakʼ pinḍ reakʼ dereńre ol gạḍiạu akana.

Jirimiạ 2:19

Am do amakʼ bạṛicʼakʼgeye sạjạimea; ar bạṛicʼ hortem calao akante uni do ame dusimea. Enḍekhan baḍaekakʼme ar hudiskate ńelme, amren Probhu Isorem bạgi giḍiyae ar uni bam botorae ona do am lạgitʼ tinạkʼ bạṛicʼakʼ ar haṛhatʼakʼge hoyokʼa. Noa katha do iń phạdkoren Probhu Isorgeń meneda.

Jirimiạ 32:19

amakʼ hudisko do sorosgea ar amakʼ sanam kạmiko do daṛete perecʼgea. Manwakoakʼ sanam cạl colon secʼ amakʼ mẽtʼkin do beṅgetʼ akaege menakʼa; am do mimitʼko akoakʼ cạl colon ar kạmi reakʼ kuṛạiyem emakokana.

Jirimiạ 4:18

Amakʼ colon ar amakʼ sanam kạmiko iạtege noako do am upạrteko hecʼakana. Noa do amakʼ dusṭami reakʼ sạjạikana. Noa do ạḍitetʼ haṛhatʼgea; noa do amakʼ ontorre bitʼ akana.”

Jirimiạ 44:21

“Jihudạ reakʼ atoko ar nagrahakore ar Jerusalem reakʼ ḍaharkore ape ar aperen hapṛamko, aperen rapajko, rajkạmiyạko ar disạmren eṭakʼ hoṛko okoe do dhupko jeretʼetʼ tahẽkan ona do cetʼ Probhu Isorakʼ disạ do bạnukʼtaea ar ona reaṅ uni do cetʼ bae dạndikʼ kana?

Jeheskel 21:29

E tarwaṛe onko do am reaṅ ạuṛi dorsonko ńeńelkanre hõ ar am reaṅ ạuṛiyakʼko guniyetʼkanre hõ okoeko gocʼ ocokʼ onko bedhorom bạṛicʼkoakʼ hoṭokʼ am dom giḍi ocokʼa; ente onkoakʼ din do hecʼ paṛao akana, onkoakʼ sạjại reakʼ okte do seṭer akana.

Hosea 12:2

Jihudạ upạrte Probhu Isorakʼ mitʼṭecʼ mambla menakʼtaea; Jakobakʼ colon lekate uni doe sạjạiyea ar uniyakʼ kạmi lekate kuṛạiye emaea.

Hosea 4:9

Hoṛko cetʼlekań sạjạiko onkage naekeko hõko sạjại ocokʼa; onkoakʼ colon iạte onko jotogeń sạjạikoa ar onkoakʼ kạmi lekate kuṛạiyiń emakoa.

Hosea 6:2

Thoṛa din tayom unige aboe bańcao bona, ar lahate lekae ạgu ruạṛ bona jemon uni samaṅre bon girobas daṛeakʼ.

Hosea 8:13

Iń ńutumte janwar samaṅkate onko do ona reakʼ jelko jojomkana menkhan iń Probhu Isor do onkore kusi bạnuńa. Ńitokʼ iń do onkoakʼ dusṭạmi reakʼ kathań disạite kại reakʼ sạjạiyiń emakoa; ar onko do Misorteko ruạṛ calakʼa.

Hosea 9:15

Probhu Isore meneda, “Gilgolre onko do akoakʼ joto lekan dusṭạmiko ehopʼleda, ar onḍe onko do hirkhạwakoń ehopʼena. Onkoakʼ kại iạte ińren hoṛko tala khoniń laga oḍokkoa. Onko do ar bạń dulạṛkoa; onkoren mukhiyạko doko huhulko kana.

Hosea 9:9

Gibea reakʼ dinkore okaleka tahẽkan onkage Israelko do bedhoromreko unum akana. Isor do onkoakʼ dusṭạmi reakʼ kathae disạitakoa ar onkoakʼ kại iạteye sạjạikoa.

Amos 8:7

Probhu Isor, okoe doe Jakobren ṭhonokanicʼ kan, uni do kiriạkateye meneda, “Onko okako kạmi akatʼ ona do tishõ bạń hiṛińokʼa.

Numeri 32:23

Menkhan bape onkae enḍekhan ape do Probhu Isor upạrtepe kạiya. Ar noa baḍaekakʼpe, ona iạte apeakʼ kại khon rehae do bape ńama.

Luk 12:2

Oko reakʼ sanamakʼ do sodorokʼa ar danaṅre menakʼ jotowakʼ do baḍaeyokʼa.

1 Korinthiko 4:5

Onate Probhu Isore hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.

Dosar Biboron 32:29

Ạklinanko tahẽlen khan honaṅ ona kathako bhujhạukea ses dosa cetʼ hoyokʼtakoa mente.

Ibriko 4:13

Sirjon reakʼ okaṭakʼ hõ Isor ṭhen do okoanakʼ bạnukʼ anaṅ. Okoe ṭhen aboakʼ hisạb emokʼ hoyokʼ uni ṭhen do sanamakʼge oṭakʼgea ar sodorgea.