Hosea 6:9 - সান্তালী বাইবেল

⁹ Ḍạkuko cetʼleka manwa lạgitʼko tãṛãkʼkokʼ, onkage naekeko hõ tãṛãkʼ akaeko tahenkana; onko do Sikem calakʼ horre manwako khũnetʼkoa ar heṛan bạṛicʼakʼko kạmikana.

Hosea 6:9 Iomraidhean Croise

Genesis 12:6

Kanan disạm talate calakʼ jokhecʼ Abram do Sikem nagraha ṭhenakʼ More reakʼ sonot dare hạbicʼe sen idiyena. Unre Kananrenko do ona disạmreko girobasokʼ kan tahẽkana.

1 Rapajko 12:25

Ona tayom Jerobiam do Eprayim buru ṭoṭha reakʼ Sikem do gaṛ nagraha lekae benaokeda ar onḍe girobasokʼe ehopʼena. Uni do onḍe khon senkate Penuel hõ gaṛ lekae benaokeda.

Esra 8:31

Pạhil cando reakʼ gelbarakʼ dinre ale do Jerusalem calakʼ lạgitʼ Ahawa soḍokʼ ṭhen khonle mohnḍayena. Ar aleren Isorakʼ ti do ale cetanre tahẽkana ar uni do horre bạiri ar ḍạkukoakʼ ti khone rukhiyạketʼlea.

Jirimiạ 11:9

Ona tayom Probhu Isor doe metadińạ, “Jihudạ ar Jerusalemren hoṛko talare mitʼṭecʼ soṛojontro calakʼkana.

Jeheskel 22:25

Ona disạmren nạbiko doko soṛojontrokana; onko do hạnḍrạukʼ kan dhạcri kul leka kanako. Onko do hoṛko jomkoa, dhon-durib ar damanakʼ jinisko hataoa ar disạm talare ḍher maejiuko rạnḍi ocokoa.

Jeheskel 22:27

Hunḍạr cetʼleka sikạrko sapʼko onkage onḍenko rajkạmiyạko do mãyãmko joro ocoyeda ar behok lekate lab iạte manwako khũnetʼkoa.

Jeheskel 22:9

Am talare nonkan hoṛ menakʼkoa okoe do eṭakʼkoakʼ bodnamko lại baṛaete onkoakʼ mãyãmko joro ocoyetʼkan, buru cetan than boṭkocʼreko jom-ńũiyetʼkan ar kharap kharapakʼko kạmikan.

Jeheskel 23:27

Okaṭakʼ laṭghaṭ kạmi Misor disạmrem ehopʼletʼ ona do nonkageń cabaytama. Onate am do onko hoṛko secʼ bam beṅgeda ar Misor hõ bam disạyea.

Hosea 2:10

Ar acʼren dulạṛiạwakʼ mẽtʼãhã samaṅrege uniyakʼ lajao paṛaoakʼ kạmi reakʼ iń sodortaea; ińakʼ ti khon uni do celege bako bańcao daṛeaea.

Hosea 4:2

eken eṛe kiriạ, eṛe katha, khũn, kombṛo ar laṭghaṭ menakʼtakoa. Onko do ạn bako manaoeda ar mãyãm cetan mãyãmko joro ocoyetʼkana.

Hosea 5:1

Probhu Isore meneda, “E naekeko, noa katha ańjompe. E Israelren hoṛko, moneyakʼpe. E raj bõsko, luturakʼpe baṛe. Noa ray do ape upạrtege emocokʼkana, ente ape do Mispare jhãmpa leka ar Taborre do tase akatʼ jhạli lekape hoylena.

Hosea 5:2

Huhulko do heṛan botorko santao kana, menkhan onko sanamkogeń sạjạikoa.

Hosea 7:1

Ińren hoṛkoakʼ dosa tinre ạcur ruạṛtakoń mena, ar tinre Israel bogeye reakʼ iń khoja, unrege Ephrayimakʼ kại do ńelokʼkantaea ar Samariạwakʼ do behokakʼko sodorokʼkana. Onko doko ekʼṛegea, oṛakʼre kombṛo doe bolokʼkana ar ḍạkuko do bahrereko luṭjoṅ kana;

Mikạ 3:9

E Jakob bõsren mukhiyạko, ar Israelren bõsren disạm cakʼlaoko, ańjompe. Ape do dhorom reakʼ bicạrpe nihạ̃tetʼkana ar sojheakʼ dope konḍea ocoyetʼa.

Mikạ 7:2

Disạm khon Isor botorae kan hoṛ doko meṭao ocoakana; dhoromicʼ do mitʼ hoṛ hõ bạnugicʼan. Sanamkoge mãyãm joroy lạgitʼko tãṛãkʼ akana; onko jotoge akoakʼ pạsire jhạlikoko khojkana.

Sephaniạ 3:3

Uniren rajren kạmiyạko do hạnḍrạukʼkan dhạcri kul leka ar disạm cakʼlaoko do ńindạren hunḍạr leka kanako; one setakʼ lạgitʼ cetʼge bako sarecʼ dohokakʼ kan.

Mark 14:1

Unre sen parom porob ar bin khạmiyanakʼ piṭhạ porob do ar bar din bạki tahẽkana. Ar maraṅ naekeko ar sostor baḍaeko do Jisu hape hapete sapʼkate goje reakʼ ạtko ńam baṛayetʼ tahẽkana.

Johan 11:47

Unre maraṅ naekeko ar Phạrusiko do maraṅ bạisiren hoṛkoko jarwaketʼkoteko metatʼkoa, “Ńitokʼ do cetʼ bo cekaea? Nui hoṛ do ạḍi utạr hahaṛa kạmikoe kạmikana.

Aposkạmi 4:24

Noa katha ańjomkate onko do mitʼ monte Isor ṭhen nonkako koekeda,” E Probhu Isor, am do serma ar ot ar jalapuri ar onare menakʼ jotowakʼem sirjạu akada.