Hosea 6:6 - সান্তালী বাইবেল

⁶ Iń do pạtiạrgeń khojkana dãṛẽ do baṅ; jeredokʼ samaṅokʼakʼ khon Isorge jemon mońjteko baḍaeye onageń khojkana.

Hosea 6:6 Iomraidhean Croise

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

Sereńko 50:8

Janwar dãṛẽ iạte do bạń dusiyetʼmea; amakʼ jeredokʼ samaṅokʼakʼ ma coṅ jaoge iń samaṅre menakʼtam.

Kạhtukko 21:3

Probhu Isor ṭhen do janwar dãṛẽ samaṅko khon dhorom ar hok reakʼ kạmige ḍher bạsutakʼ kana.

Sosolhayic̕ 5:1

Isorakʼ oṛakʼte bolokʼ jokhecʼ sontorte taṛamme. Okoe apnarakʼ behokakʼ bae bujhạu akatʼ uni bebujicʼ leka samaṅokʼakʼ porob manao khon bickom Isorakʼ bataotaege bhagea.

Jesaea 1:11

Probhu Isore meneda, “Aperen jãhãn teṅgenokʼko do baṅ jạruṛạńạ. Bheḍa ar lodgopʼ posao janwarkoakʼ itil reakʼ jeredokʼ samaṅokʼakʼ iń do bạń hạ̃sakʼ kana; ḍaṅgra, bheḍa ar meromakʼ mãyãm hõ bạń kusiyakʼ kana.

Jesaea 58:6

“Iń do nonkan upạsgeń khojkana; ape do apeakʼ bedhorom reakʼ sikṛi ar arãṛ reakʼ baber raṛaetape, jorjulumko chaḍaokope ar mitʼke mitʼ arãṛ rạputʼ giḍikakʼpe,

Jirimiạ 22:16

Uni do reṅgecʼ orecʼko ar dukhạliạkoakʼ mamblae chinḍạuetʼtako tahẽkana. Probhu Isor baḍaeye do ona sanamakʼ kạmikoge.

Jirimiạ 7:22

Iń do noa kathań meneda, ente Misor disạm khon aperen hapṛamko tinreń oḍok ạguletʼkoa unre jeredokʼ ar eṭakʼ samaṅokʼakʼ reakʼ katha iń do bạń metatʼko tahẽkana se bạń hukumatʼko tahẽkana,

Daniel 4:27

Onate E maharaj, am do ińakʼ solha ańjomme. Am do bhageakʼ kạmime ar reṅgecʼ-orecʼko dayawakome ar amakʼ behokakʼ ar kại reakʼ kạmiko do bạgime; pasere pase amakʼ nirại dinko do jhạl idikʼtamge.”

Hosea 14:2

Ape do Probhu Isor ṭhen ruạṛ hijukʼpe ar uni metaepe, “Aleakʼ sanam kạiko ikạitaleme ar aleakʼ oka bhageakʼkan ona ataṅme jemon ale do damkom samaṅokʼakʼ leka aleakʼ luṭitele sarhaome.

Hosea 2:20

Iń do pạtiạr salakʼ ona jopoṛaoiń kajaka ar unre am do khạndrite Probhu Isorem baḍae daṛeaea.

Hosea 4:1

E Israelko, ape do Probhu Isorakʼ katha ańjomtaepe, ente okoe disạmreko tahenkan onko upạrte Probhu Isor do mitʼṭecʼ mambla menakʼtaea. Ona do hoyokʼkana, disạmre pạtiạr ar asambheṛ dulạṛ do bạnukʼa ar Isor do okoehõ sạriyakʼ lekate bako baḍaeyede kana;

Hosea 8:13

Iń ńutumte janwar samaṅkate onko do ona reakʼ jelko jojomkana menkhan iń Probhu Isor do onkore kusi bạnuńa. Ńitokʼ iń do onkoakʼ dusṭạmi reakʼ kathań disạite kại reakʼ sạjạiyiń emakoa; ar onko do Misorteko ruạṛ calakʼa.

Amos 5:21

Probhu Isore meneda, “Apeakʼ porobko doń hirkhạwakʼkana, ar bạń moneyakʼkana, apeakʼ sabha do bạń sahao daṛeakʼkana.

Mikạ 6:6

Iń do cetʼkoante Probhu Isor samaṅreń hijukʼa ar coṭren Isor samaṅreń omagokʼa? Iń do cetʼ jeredokʼ samaṅokʼakʼ lạgitʼ mitʼ bochor umerren mĩhũkoante uni samaṅreń hijukʼa?

Mikạ 6:8

E manwa, okaṭakʼ bhageakʼkan ona ma coṅ udukʼ akawatʼme. Hok reakʼem kạmi, dayam dulạṛ ar amren Isor tulucʼ nindhạntem taṛam chaḍa Probhu Isor do ar cetʼhõ coṅ am ṭhen khon ma bae khojkan.

Mathae 12:7

‘Iń do mãyãgeń kusiyakʼ kana, dãṛẽ do baṅ’ sostor reakʼ noa kathape baḍaele khan begor dusi hoṛ do ohope dusilekoa.

Mathae 5:7

Mãyãkʼkogeko bhạgana, ente onko do mãyãko ńama.

Mathae 9:13

Iń do mãyãgeń kusiyakʼ kana, dãṛẽ do baṅ, sonot sostorre noa katha reakʼ mane cetʼkana mente ona baṛe ḍunḍhạukate ńelpe. Ente dhorom hoṛ hohoako lạgitʼ do baṅ, menkhan kại hoṛko lạgitʼgeń hecʼakana.”

Mark 12:33

Ar goṭa ontorte, goṭa bujte ar goṭa daṛete uni dulạṛe ar am aḍepaseren hoṛ apnar leka dulạṛko do janwar ar eṭakʼ joto lekan dãṛẽko khon hõ sorosgea.”

Josuạ 5:5

Ar sanamkogeko khatna ocolen tahẽkana; menkhan Misor khon oḍok hecʼen tayom horre ar hahaṅkarre okoekoakʼ janam hoylen onko do okoehõ bako khatna ocoakan tahẽkana.

1 Johan 2:3

Uniyakʼ sanam hukumko leka bon senlen khan, enḍekhan khạṭige bon bujhạua, abo do uni bon baḍae akadea.

1 Johan 3:6

Okoe kạireko jobe akan onko do Mạsi bako ńelakadea ar baḍaehõ bako baḍae akadea.

1 Samuel 15:22

Unre Sạmuele menkeda, “Probhu Isorakʼ hukumpe batao lekhan uni tinạkʼe kusikʼ, unạkʼ do jeredokʼakʼ samaṅokʼakʼ ar janwar samaṅokʼakʼte bae kusikʼa. Janwar samaṅokʼakʼ khon uniyakʼ hukum manao ar bheḍawakʼ itil khon uniyakʼ katha bataotaege ḍher bhagea.