Hosea 5:6 - সান্তালী বাইবেল

⁶ Onko do akoren bheḍa ar ḍaṅgra palkoante Probhu Isor ṭhenko senlenre uni do bako ńamekana; onko khon acʼ doe ocogokʼkana.

Hosea 5:6 Iomraidhean Croise

Exodus 10:9

Moseye roṛ ruạṛkeda, “Aleren hopon ar hoponerako, aleren haṛam ar buḍhi hoṛko, aleren gidrạko ar aleren ḍaṅgrako-bhiḍiko jotoge ale sãoteko calakʼa, ente Probhu Isor ńutumte ale do mitʼṭecʼ poroble porobokʼa.”

Kạhtukko 1:28

“Unre bebujkoko hohoạńạ menkhan bạń moneyakoa; ińko ńam baṛayińạ menkhan bako ńam daṛeạńạ.

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

Kạhtukko 21:27

Bedhoromkoakʼ dãṛẽ Probhu Isor doe hirkhạwakʼkana, ar ona bạṛicʼ monsubạte ạgulen khan enḍekhan ona do artetʼge hirkhạwakʼ hoyokʼa.

Soros sereń 5:6

Dulạṛiạtiń lạgitʼ iń do duạriń jhicʼkeda, menkhan uni doe gusạu senena. Uni do tinre kathae roroṛkan tahẽkana unre ińakʼ jiwi do oṭaṅ lentińạ. Iń doń sendra baṛakedea, menkhan bạń ńamledea; hohowạdiyạń, menkhan bae goṅledeńa.

Jesaea 66:3

Menkhan okoe mitʼṭen ḍaṅgrae samaṅede uni do manwa khũnicʼ kanae, okoe mitʼṭen bhiḍi hopone samaṅede uni do setawakʼ hoṭokʼ rạputʼicʼ kanae, ar okoe anaje samaṅetʼkan uni do sukrikoakʼ mãyãm samaṅicʼ kanae, ar iń ńutumte dhupe jeretʼetʼkạnicʼ do boṅgako sewayicʼ kanae. Onko do apan ạpin horko bachao akawana; ar hirkhạwakʼ jinisteko tirpitokʼkana.

Jirimiạ 11:11

Onatege iń Probhu Isor doń meneda, onko cetanre nonkan muhiniń paṛao ocoya one ona khon do bako ńir bańcao daṛeakʼa. Onko do iń ṭhenko ragre hõ onkoakʼ katha do bạń ańjomtakoa.

Jirimiạ 11:14

“Noko hoṛko lạgitʼ do alom koejoṅa se onko lạgitʼ jãhãnakʼ hõ alom nehõrạńạ, onkoakʼ kosṭokʼ oktere ińko hohoạńre hõ iń do bạń ańjomtakoa.

Jirimiạ 14:12

Onkoko upạsetʼre hõ onkoakʼ rakʼ do bạń ańjomtakoa; jeredokʼ samaṅokʼakʼ ar anaj samaṅokʼakʼko samaṅre hõ iń do bạń ataṅtakoa. Ona bodolte lạṛhại, akal ar mahamạrgeń kola ar onateń maraokoa.”

Jirimiạ 7:4

Probhu Isorakʼ oṛakʼ ńutumte oka eṛe katha roṛogokʼkan onare do alope bhorsakʼa.

Rak̕joṅ 3:44

Am do rimiltem danaṅ akana jemon aleakʼ koejoṅ ona talate bae parom daṛeakʼ.

Jeheskel 8:18

Onatege iń do edre seṅgelte onko sãoteń beohara; ar mãyãte do bạń beṅgetʼakoa ar aṛakʼ hõ bạń aṛakʼkoa. Ar ińakʼ lutur ṭhen ãṭ aṛaṅteko ragrehõ bạń ańjomtakoa.”

Jeheskel 8:6

Uni doe metadińạ, “E manwa hopon, onko cetʼko kạmikan ona do cetʼem ńeletʼkangea? Israelko do onḍe napṛakʼ napṛakʼ hirkhạwakʼko kạmikana ar ona iạte iń do ińakʼ sonot ṭhạ̃i khoniń pharakokʼ kana. Menkhan am do niạ khon hõ artetʼ bạṛicʼakʼ kạmikom ńela.”

Hosea 8:13

Iń ńutumte janwar samaṅkate onko do ona reakʼ jelko jojomkana menkhan iń Probhu Isor do onkore kusi bạnuńa. Ńitokʼ iń do onkoakʼ dusṭạmi reakʼ kathań disạite kại reakʼ sạjạiyiń emakoa; ar onko do Misorteko ruạṛ calakʼa.

Amos 8:12

Hoṛko do Probhu Isorakʼ katha sendrae lạgitʼ purub khon pạchim ar utạr khon dạkhin hạbicʼko ạcur baṛaea, menkhan bako ńama.

Mikạ 3:4

Okte darakana tinre ape do Probhu Isor ṭhenpe rakʼjoṅa, menkhan uni do bae roṛ ruạṛapea. Unre uni do ape secʼ khon acʼakʼ mẽtʼãhãe danaṅtaea, ente ape do bạṛicʼakʼpe kạmikana.

Malaki 1:10

“Hae! Ape modre mitʼ hoṛ hõ mundil oṛakʼ reakʼ duạre sińlere ar ińakʼ pinḍ cetanre ạuṛiyakʼ reakʼ seṅgel bape jeretʼ lekhan iń do ạḍiń kusikokʼa. Ape cetanre iń doń khĩs akana ar samaṅokʼakʼ reakʼ jinisko hõ apeakʼ tite bạń ataṅa.

Luk 5:16

Ar Jisu do jaoge nisun jaegakore senkateye koejoṅkan tahẽkana.

Johan 7:34

Arpe ńam baṛayińạ menkhan bape ńameńa, ar okareyiń tahen onḍe hõ ohogepe sen daṛelena.”