Hosea 5:5 - সান্তালী বাইবেল

⁵ Israelakʼ bạḍạige onko upạrte gohae emetʼkana; Ephrayim, se goṭa Israel do akoakʼ kại iạteko tohodokʼkana ar Jihudạ hõ onko sãoteye tohodotʼ bhindạṛokʼ kana.

Hosea 5:5 Iomraidhean Croise

Kạhtukko 11:21

Khạṭigepe baḍaea bedhorom hoṛko do sạjạiko ńamgea, menkhan dhorom hoṛ doko bańcaokʼa.

Kạhtukko 11:5

Khạṭi hoṛko do Isor botoraeko lạgitʼ sojhe horko benaoa, menkhan bedhoromko do akoakʼ phạsiạratetʼ iạteko maraokʼa.

Kạhtukko 14:32

Bedhoromicʼ do acʼakʼ bạṛicʼ kạmi iạteye ńurhạ ocokʼa, menkhan dhorom hoṛ do gujukʼre hõ as tahentakoa.

Kạhtukko 24:16

ente dhorom hoṛ do eae dhaoe leńjetʼlenre hõ uni do arhõe beretʼ ruạṛa, menkhan bedhorom hoṛ do ghoṭna iạteko tohotʼ bhindạṛokʼa.

Kạhtukko 30:13

onkoakʼ mẽtʼ do bạḍạite perecʼgetakoa, ar onkoakʼ beṅgetʼ hõ hirkhạte perecʼgea,

Jesaea 3:8

Jerusalem doe tohotʼ akana ar Jihudạ doe bhindạṛ akana, ente unkinakʼ katha ar kạmi do Probhu Isor birudrege hoyokʼkana; unkin do uni samaṅrege uniyakʼ ṭhonok kin nihạ̃tetʼ akada.

Jesaea 3:9

Unkinakʼ mẽtʼãhãge unkin upạrte gohae emetʼkana; unkin do Sodom reakʼ leka ạkinakʼ ghạṭkin sodoreda, ar bạkin danaṅkakʼ kana. Hae, onko hoṛko do! Onko do apnar cetanrege ghoṭnako paṛao ocoakada.

Jesaea 44:9

Okoe goṛhon muṭhạnko benao onko doko ạuṛiyakʼgea; onkoren damanakʼ jinisko do porhoanakʼ doko baṅkana. Onko muṭhạnko secʼ okoe kathako roṛ onko doko kãṛãgea, cetʼge bako baḍaea; ona iạte onko do lajaoreko paṛaokʼa.

Jesaea 59:12

E Probhu Isor, amakʼ mẽtʼre alaeakʼ behokakʼ do ḍhergetalea; aleakʼ kại do ale upạrte gohae emetʼkana. Aleakʼ bedhoromtetʼ do ale sãorege menakʼa ar aleakʼ ghạṭko reaṅ dole baḍaekangea.

Jirimiạ 14:7

E Probhu Isor, aleakʼ kại do ale upạrteye gohayetʼre hõ enhõ amakʼ ńutum iạte jãhãnakʼ baṛe cekawaleme. Ale do ḍher dhao bạṛicʼ hortele sen akana; ar am upạrtele kại akada.

Jirimiạ 2:19

Am do amakʼ bạṛicʼakʼgeye sạjạimea; ar bạṛicʼ hortem calao akante uni do ame dusimea. Enḍekhan baḍaekakʼme ar hudiskate ńelme, amren Probhu Isorem bạgi giḍiyae ar uni bam botorae ona do am lạgitʼ tinạkʼ bạṛicʼakʼ ar haṛhatʼakʼge hoyokʼa. Noa katha do iń phạdkoren Probhu Isorgeń meneda.

Hosea 14:1

E Israelren hoṛko, aperen Probhu Isor ṭhen ruạṛ hijukʼpe. Apeakʼ kại iạtege ape dope ńur akana.

Hosea 14:2

Ape do Probhu Isor ṭhen ruạṛ hijukʼpe ar uni metaepe, “Aleakʼ sanam kạiko ikạitaleme ar aleakʼ oka bhageakʼkan ona ataṅme jemon ale do damkom samaṅokʼakʼ leka aleakʼ luṭitele sarhaome.

Hosea 4:5

E naekeko, ape do siń ar ńindạpe tohodokʼkana ar ape sãote nạbiko hõko tohodokʼkana. Onatege iń do aperen gogo Israel doń marao utạrea.

Hosea 5:14

Ephrayim ṭhen ar Jihudạ ṭhen do dhạcri kul lekageń hoyokʼa. Unkin doń or cirạkinạ ar kaṭra kuṭrạkateń bạgi oṭoạkinạ. Iń do unkiniń idikinạ ar unkin bańcaokin lạgitʼ do celege bako tahena.

Hosea 7:10

Israelakʼ bạḍại do uni upạrte gohae emetʼkana, menkhan noako hoykate hõ uni do acʼren Probhu Isor ṭhen bae ruạṛ hijukʼkana.

Hosea 8:14

Israelren hoṛ do akoren sisirjạuicʼ hiṛińkate maraṅ maraṅ oṛakʼko benaojoṅ kana; Ar Jihudạren hoṛko hõ pạcrite nagrahako esetʼ ạcurakada. Menkhan Iń do onkoakʼ nagrahako cetanre seṅgeliń kola ar ona do onkoakʼ sanam gaṛkoe jarkhartakoa.”

Amos 5:2

“Kũạri kuṛi Israel doe gurena, ar tishõ bae beretʼ daṛeakʼa; uni do acʼakʼ ot reye giḍi ocoakana, ar uni berede lekan do celege bạnukʼkoa.”

Mathae 23:31

Onate apnar upạrte gohape emeda je, ape do nạbikoko khũnletʼkoren hoponko kanape mente.

Luk 19:22

“Unre raje menkeda, ‘Eya bạṛicʼ golam! Amakʼ moca reakʼ kathatege am doń bicạrmea. Am mam baḍaekan tahẽkange, iń doń kuṭhin hoṛ kana; okaṭakʼ bạń dohoakatʼ onań hataoeda ar okaṭakʼ bạń erletʼ onań ireda.