Hosea 5:12 - সান্তালী বাইবেল

¹² Ephrayimko ṭhen do tejo leka ar Jihudạren hoṛko ṭhen do heṛ akan jinis lekageń hoyakana.

Hosea 5:12 Iomraidhean Croise

Jobakʼ 13:28

“Manwa do sea jinis lekae garao cabakʼkana ar tejoko jomakatʼ kicricʼ lekae hoyakana.

Sereńko 39:11

Kại iạte tinre manwako keṭecʼ kathatem ḍanṭaoetʼkoa, unre jạrdi leka onkoakʼ saj dom nosṭoyetʼtakoa; ente manwa do ekenko michạgea. (Sela)

Kạhtukko 12:4

Bhage ar gun menakʼtae bạhu do jãwãetetʼ lạgitʼ mukuṭ kanae, menkhan okoeṭakʼ maejiu do lajao paṛaoakʼkoe kạmikan uni do acʼren jãwãeyakʼ sea jaṅ lekanae.

Jesaea 5:24

Onatege seṅgel reakʼ alaṅ do cetʼleka busupʼe loyetʼ ar seṅgel reakʼ lepʼre rohoṛ ghãsko jarkharokʼkan, onkage onkoakʼ benaoakʼ do seakʼtakoa ar dhuṛi lekage onkoakʼ baha do oṭaṅokʼtakoa; ente onko do phạdkoren Probhu Isorakʼ hukumko bebatao akada ar Israelren uni sonoticʼakʼ kathako lebetʼ gańjao akada.

Jesaea 50:9

Probhu Isor do ińe goṛowạń kana, onate okoeye dusikińạ? Onko sanamkoge kicricʼ lekako mare cabakʼa; ar tejoko do onkoko jomkoa.

Jesaea 51:8

ente onko do kicricʼ leka jạrnḍi ṭhenko jom ocokʼa ar tejoko ṭhen do bhiḍikoakʼ upʼ lekako jom ocokʼa. Menkhan ińakʼ dhorom do jaejug hạbicʼ tahenkana; ar ińakʼ babańcao do piṛhike piṛhige.”

Jona 4:7

Menkhan dosar hilokʼ ạḍi setakʼre Isor do mitʼṭen ganḍra tejoye kolkedea; ar tejo do ona dareye ńẽtʼkeda, onate dare do tolmocʼena.