Hosea 5:1 - সান্তালী বাইবেল

¹ Probhu Isore meneda, “E naekeko, noa katha ańjompe. E Israelren hoṛko, moneyakʼpe. E raj bõsko, luturakʼpe baṛe. Noa ray do ape upạrtege emocokʼkana, ente ape do Mispare jhãmpa leka ar Taborre do tase akatʼ jhạli lekape hoylena.

Hosea 5:1 Iomraidhean Croise

Jirimiạ 11:7

Aperen hapṛamko tinre Misor disạm khoniń oḍok ạguletʼkoa unkhon teheń hạbicʼ ạḍi dhao sontorkateń metatʼko tahẽkana, ‘ape do ińakʼ aṛaṅ ańjomtińpe.’

Jirimiạ 13:18

Probhu Isor do ińe metadińạ, “Am do raj ar uniren eṅgatem metaea, ‘siṅghạson ṭhen khon pheḍ hijukʼ ben, ente abenakʼ ṭhonokanakʼ mukuṭ do abenakʼ bohokʼ khon ńur akana.

Jirimiạ 46:18

Phạdkoren Probhu Isor doe lại jạhiretʼkana, “Iń ńutumteń kiriạkʼ kana, nonkan mitʼ hoṛe hijukʼa okoe do buruko tala reakʼ Tabor leka, Jalapuri aṛe reakʼ Karmel leka.

Hosea 10:15

E Bethel, amre onkage hoyokʼa, ente amakʼ dusṭạmi do ḍhergetama. Aṅgalen khange Israelren raj do purạteye marao ocokʼa.

Hosea 13:8

Hoponko recʼakade bana eṅga leka iń do onko cetanre jhãpiń ema ar koṛamiń or cirạitakoa. Kul eṅga lekań utʼgotʼkakoa; ar bir janwarko lekań khanḍa khunḍi cabakoa.

Hosea 4:1

E Israelko, ape do Probhu Isorakʼ katha ańjomtaepe, ente okoe disạmreko tahenkan onko upạrte Probhu Isor do mitʼṭecʼ mambla menakʼtaea. Ona do hoyokʼkana, disạmre pạtiạr ar asambheṛ dulạṛ do bạnukʼa ar Isor do okoehõ sạriyakʼ lekate bako baḍaeyede kana;

Hosea 6:9

Ḍạkuko cetʼleka manwa lạgitʼko tãṛãkʼkokʼ, onkage naekeko hõ tãṛãkʼ akaeko tahenkana; onko do Sikem calakʼ horre manwako khũnetʼkoa ar heṛan bạṛicʼakʼko kạmikana.

Hosea 9:8

Nạbi do ińren Isor sãote Ephrayimren hohorhoyicʼe hoyakanre hõ uniyakʼ sanam horrege pạsi do oḍao akana ar uniren Isorakʼ oṛakʼre uni upạrte do kurudge.

Joel 1:2

E murubbiko, ape do noa katha ańjompe; E disạmre girobasokʼ kan hoṛko, apehõ ańjompe. Ape se aperen hapṛamkoakʼ oktere nonkan ghoṭna do cetʼ jãhãtis hoylena?

Amos 3:1

E Israelren hoṛko, ape upạrte, metakʼme Probhu Isor okoe do Misor disạm khone oḍok ạgu akatʼko onko jạtren sanamko upạrte uni okae menakatʼ ona ańjompe:

Amos 7:9

Isahak bõsren hoṛkoakʼ than boṭkocʼko ar Israelakʼ koejoṅ reakʼ eṭakʼ ṭhạ̃iko do maraokʼ giḍikʼa. Iń do tarwaṛete Jerobiam bõsrenko upạrteń teṅgona.”

Mikạ 3:1

Iń Mikạgeń meneda, E Jakobren mukhiyạko, metakʼme Israel bõsren disạm cakʼlaoko, ape do ańjompe. Ape do cetʼ hok reakʼ bicạr babotre baḍae baṅ lek kantapea?

Mikạ 3:9

E Jakob bõsren mukhiyạko, ar Israelren bõsren disạm cakʼlaoko, ańjompe. Ape do dhorom reakʼ bicạrpe nihạ̃tetʼkana ar sojheakʼ dope konḍea ocoyetʼa.

Mikạ 7:2

Disạm khon Isor botorae kan hoṛ doko meṭao ocoakana; dhoromicʼ do mitʼ hoṛ hõ bạnugicʼan. Sanamkoge mãyãm joroy lạgitʼko tãṛãkʼ akana; onko jotoge akoakʼ pạsire jhạlikoko khojkana.

Malaki 1:6

Phạdkoren Probhu Isore meneda, “Hopon do acʼren apattetʼ ar guti do arcʼren kisạ̃ṛe manotea. Apatiń hoyakan khan ińakʼ manot do okare? Ar kĩsạ̃ṛiń hoyakan khan ińakʼ manot do okor? E naekeko, apege ińpe nihạ̃t giḍi akadińạ. Arpe meneda, ‘cekate ale do amle nihạ̃tetʼmea?”

Malaki 2:1

Phạdkoren Probhu Isore meneda, “E naekeko, ńitokʼ ape ṭhen noa sontor kathań koleda. Ińakʼ katha bape ańjom ar iń bape manotiń enḍekhan ape cetanre sarapiń paṛao ocoya ar apeakʼ sanam ạsirbad do sarapakʼ iń hoeocoya. Hẽ, iń do lahate hõń onkaleda, ente manotiń secʼ do bape moneyakʼ kana.

Bikʼcạrko 4:12

Sisera do tinre niạ khobore ańjomkeda baṅma Abinoamren hopon Barak do Tabor buruteye rakapʼ akana unre uni do are sae mẽṛhẽtʼ reakʼ rãt gạḍiko ar uniren sanam hoṛko jarwakate Haroset-hagoyim khon Kison gaḍa aṛeteye senena.

Bikʼcạrko 4:6

Uni do Napthali disạm reakʼ Kedes nagraha khon Abinoam hopon Barake hoho ạgu ocokedeteye metadea, “Israelkoren Probhu Isor do niạ hukume emamkana, ‘Napthali ar Sebulon gusṭirenko khon gel hajar hoṛko hataokom ar soṅgekate Tabor burute idikom.

1 Samuel 7:16

Uni do jao bochor Bethel, Gilgal ar Mispare senkate Israelkoakʼ bicạretʼkan tahẽkana.

1 Samuel 7:5

Unre Samuele menkeda, “Mispare sanam Israelko jarwakope. Iń do ape lạgitʼ Probhu Isor ṭheniń nehõrokʼa.”

1 Samuel 7:6

Onate onko joto do Mispareko jarwayena. Onko do dakʼ lo rakapʼkate Probhu Isor samaṅreko dulkeda ar enhilokʼ onḍe upạskateko menkeda, “Ale do Probhu Isor upạrtele kại akada.” Samuel do Mispa khon Israelkoakʼe bicạretʼkan tahẽkana.