Hosea 4:8 - সান্তালী বাইবেল

⁸ Ińren hoṛkoakʼ kại gunạkʼte onkoakʼ do lab hoyokʼ kana ar ińren hoṛko kại lạgitʼko udgạuetʼkoa.

Hosea 4:8 Iomraidhean Croise

2 Rapajko 12:16

Dos ńutumte samaṅokʼakʼ ar kại ńutumte samaṅokʼakʼ reakʼ ṭaka do Probhu Isorakʼ oṛakʼ reakʼ baksare bako dohoyetʼ tahẽkana; ona do naekekoakʼ bakhra kana.

Sereńko 24:4

Eken uni kangeae lekicʼ do, okoeyakʼ ti do miridosgetae, ar ontor hõ khạṭigetae, ar eṛeyakʼ secʼ mon hõ bạnukʼtae. Ar mocare eṛe kiriạ hõ bạnukʼtae.

Sereńko 25:1

E Probhu Isor, ińakʼ jiwi do am secʼ iń rakapʼetʼ tińạ.

Jesaea 56:11

Onko do lebṛa seta lekanako, onko do bikʼ bako baḍaea. Onko do bebuj gukʼpiko lekanako; jotokoge apan ạpin horteko ruạṛ calao akana ar apnarakʼ lab reakʼko kurumuṭu kana.

Jeheskel 14:3

“E manwa hopon, noko hoṛ do akoakʼ ontorre boṅga muṭhạnko bạisạu akawante kạire ńurokʼ lekan jinis ako samaṅreko dohoakada. Ona iạte iń ṭhen jãhãnakʼ reakʼko kulijoṅ khan onko do cetʼge bạń roṛ ruạṛakoa.

Jeheskel 14:7

Jãhãe Israel hoṛ se Israel disạmre girobasokʼ kan jãhãe bidisiạ hoṛ iń ṭhen khone begarokʼ ar acʼakʼ monre boṅga muṭhạne bạisạute kạire ńurokʼ lekan jinis uni samaṅreye dohoy ar ona tayom iń ṭhen kulijoṅ lạgitʼ jãhãe nạbi ṭhene hijukʼ, enḍekhan iń Probhu Isorge uni doń roṛ ruạṛaea.

Hosea 10:13

Menkhan ape do dusṭạmigepe laṭkao akawana, ar bạṛicʼakʼ reakʼ phosolpe getʼ akada ar eṛeteakʼ jo hõpe jom akada. Ape do apeakʼ daṛe ar ḍher lạṛhạiko cetanrepe bhorsa akana;

Hosea 12:8

Uniye mena, ‘iń do ạḍiń kisạ̃ṛ akana, ḍher dhon duribgeń jogaṛ akada. Ińakʼ sanam kạmiko talare hoṛko do ińakʼ dos se kại do bako sendra ńamtińạ.’

Hosea 14:1

E Israelren hoṛko, aperen Probhu Isor ṭhen ruạṛ hijukʼpe. Apeakʼ kại iạtege ape dope ńur akana.

Levitikus 6:22

Aron tayom uniren okoeṭakʼ hopon do maraṅ naeke hudạ lạgitʼe ojokʼ bahal ocokʼ uni hõ noa porobe hoeocoya. Noa do Probhu Isorakʼ kana, ar ona do jotoge atar cabae hoyokʼa.

Levitikus 6:26

Okoeṭakʼ naeke noa samaṅokʼakʼ reakʼe kạmi uni do noa reakʼ jele joma. Uni do jãhãn sonot ṭhạ̃ire, metakʼme ńapamokʼ tạmbu reakʼ racare ona jojom hoyokʼtaea.

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

Malaki 1:10

“Hae! Ape modre mitʼ hoṛ hõ mundil oṛakʼ reakʼ duạre sińlere ar ińakʼ pinḍ cetanre ạuṛiyakʼ reakʼ seṅgel bape jeretʼ lekhan iń do ạḍiń kusikokʼa. Ape cetanre iń doń khĩs akana ar samaṅokʼakʼ reakʼ jinisko hõ apeakʼ tite bạń ataṅa.

Romiko lạgitʼ Pạul Apostolakʼ ciṭhi 16:18

ente nonkanko hoṛ do aboren Probhu Mạsiren golam hoyokʼ baṅkate apnar lacʼgeko moneyakʼkana. Onko do sebel ar luhum suhum kathate sojhe monan hoṛko bulạuetʼkoa.

Titus lạgitʼ Pạul Apostolakʼ ciṭhi 1:11

Noko hoṛkoakʼ moca do tubetʼkatako jạruṛa, ente labjoṅ lạgitʼ baṅ ganokʼakʼko cetʼako kana; ar nonkate onko do gharońjkoko ạulạueda.

2 Patras 2:3

Lalocte eṛeteakʼ katha menkate akoakʼ porho lạgitʼ onko do kạmireko lagaopea. Onkoakʼ sạjại do ḍher din khonge jhulạu akana, ar onkoakʼ nosṭokʼ do bae duṛupʼ thirakana.

1 Samuel 2:29

Enḍekhan ińakʼ oṛakʼre okako samaṅokʼ reakʼ hukumiń emakatʼ ape do cedakʼ ona janwar dãṛẽ ar eṭakʼ samaṅokʼakʼkope bemanoteda? Ińren hoṛ Israelkoakʼ samaṅokʼakʼko reakʼ joto khon bhageakʼ hạṭińte apnartetʼko jom tirpitokʼkante cedakʼ am do iń khon hõ amren hoponkin bạ̃ṛtim manotetʼkinạ?’