Hosea 4:7 - সান্তালী বাইবেল

⁷ “Naekeko tinạkʼko saṅge idikʼkan unạkʼge onko do iń upạrteko kạiyeda, ona iạte onko do manot bodolteń bemanotkoa.

Hosea 4:7 Iomraidhean Croise

Esra 9:7

Aleren hapṛamkoakʼ okte khon ehopʼkate teheń hạbicʼ ạḍitetʼle ghạṭ akada. Aleakʼ kại gunạkʼtege ale ar aleren rapajko, ar naekeko do eṭakʼ rajakʼ tireko bondi ocoakana arko gocʼ ocoakana, onko doko luṭ ocoakana arko bemanot ocoakana ar teheń hõ inạ dosarege menakʼa.

Hosea 10:1

Israel doe alak balakokʼkan darkha nạ̃ṛĩ kana; onare do ḍher joge sapʼlena. Uni do joko tinạkʼ saṅge idiyentae unạkʼge pinḍko hõe ḍherkeda; ar disạm hõ tinạkʼ sahre idiyentae unạkʼge uni do mońj mońj boṅga khunṭikoe benaokeda.

Hosea 10:6

Ona do Ạsurte idi ocoakana ar maharajakʼ khajna lekate emakana. Ona iạte Ephrayim do bae manot ocokʼa, ar Israel do acʼakʼ goṭawakʼ lạgitʼe lajao ocokʼa.

Hosea 13:14

“Seoul reakʼ daṛe khon ińge damte uniń chaḍao ạguiyea. Ar gocʼko khon hõń bańcaoea. E gujukʼ, okortam hul? E Seoul, okortam amakʼ moron do? Iń do bạń mãyãkʼa.

Hosea 13:6

Ar amren hoṛiń jom ocoletʼko tayom onko doko tirpitlena; ar tirpitente onko do bạḍạiteko perecʼena, ar ona tayom do ińko hiṛińkedińa.

Hosea 4:10

Onko doko jomgea menkhan bako tirpitokʼa; onko doko laṭghaṭa menkhan lekhare bako ḍherokʼa, ente onko do boṅgako iạte Probhu Isorko bạgi giḍi akadea.

Hosea 5:1

Probhu Isore meneda, “E naekeko, noa katha ańjompe. E Israelren hoṛko, moneyakʼpe. E raj bõsko, luturakʼpe baṛe. Noa ray do ape upạrtege emocokʼkana, ente ape do Mispare jhãmpa leka ar Taborre do tase akatʼ jhạli lekape hoylena.

Hosea 6:9

Ḍạkuko cetʼleka manwa lạgitʼko tãṛãkʼkokʼ, onkage naekeko hõ tãṛãkʼ akaeko tahenkana; onko do Sikem calakʼ horre manwako khũnetʼkoa ar heṛan bạṛicʼakʼko kạmikana.

Hosea 9:11

Ephrayimakʼ gorbo do cẽṛẽ lekage uḍạu calakʼtaea; unre gidrạwakʼ janam do baṅ hoyokʼa, celege bako bhạrti hoṛmokʼa ar onko do bạńjhiko hoyokʼa.

Habakkuk 2:16

Am do manot bodolte lajaotem perejokʼa. Ar ńitokʼ do amakʼ pạlikana. Am do bubulakʼ ńũkatem konḍa manḍekʼ kana. Probhu Isorakʼ jojomti reakʼ edrete perecʼ bạṭi do am secʼge hijukʼkana; ar bemanotakʼte amakʼ manot do dapal esedokʼa.

Malaki 2:9

Ape do ińakʼ horte bape senlena bickom ạn-ạriko babotre hoṛko sãote ape hõ mẽtʼãhãpe beṅgetʼakʼ kan tahẽkana. Ona iạte sanam hoṛko samaṅre nihạ̃t ocokʼ ar bemanot ocokʼkoń hoyoco akatʼpea.”

Dosar Biboron 32:15

“Menkhan Jisurun doe moṭayena are phandakeda. E Jisurun, am do ḍher jomte ạḍim moṭayena. Ona tayom uni do acʼren sisirjạuicʼ Isore bạgi giḍiadea, ar acʼakʼ asrayokʼ buru hõe nihạ̃t giḍikada.

Philipiko lạgitʼ Pạul apostolakʼ ciṭhi 3:19

Onkoakʼ mucạtʼtetʼ do nosṭokʼge; lacʼgetako Isor do; ar oka do lajao paṛawakʼkan onatege onko doko sarhaokʼ kana; onko do eken dhạrti reakʼakʼgeko moneyakʼ kana.

1 Samuel 2:30

“Ona iạte Israelkoren Probhu Isore meneda, ‘iń doń khạṭigeń menleda, am ar amren hapṛamakʼ bõsren hoṛ do jaejug iń sewawạń reakʼko kạmiya;’ menkhan ńitokʼ Probhu Isore meneda, ‘ona do ar baṅ hoyokʼa. Okoe ińko manotiń iń hõ onkogeń manotkoa ar okoe ińko nisṛạuiń onko do ako hõko nisṛạu ocokʼa.