Hosea 4:6 - সান্তালী বাইবেল

⁶ Isor reaṅ ạkil begorte ińren hoṛko doko maraokʼkana. Ona ạkil bape moneyakʼkante iń hõ ińren naeke menkate bạń moneyape kana. Ape do aperen Isorakʼ ạn-ạrikope hiṛińakada, onate ińhõ aperen hopon ar hoponera koń hiṛińkotapea.

Hosea 4:6 Iomraidhean Croise

2 Bõsbudạ 15:3

Israelko do ḍher din hạbicʼ sạri Isor chaḍa, naeke chaḍa ar ạn-ạriko chaḍageko calakʼkan tahẽkana.

Jobakʼ 36:12

Menkhan onko bako ańjom, enḍekhan tarwaṛeteko marao ocokʼa ar bebuj lekako gujukʼa.

Sereńko 119:139

Ińren bạiriko do amakʼ kathako hiṛiń akatʼte amakʼ manot rukhiyại lạgitʼ khạndri udgạu iń doe ńam akadińạ.

Sereńko 119:153

Ińakʼ duk beṅgetʼakʼme ar rukhiyạyińme, ente iń do amakʼ hukumko bạń hiṛińakada,

Sereńko 119:61

Bạṛicʼ hoṛkoakʼ baberte iń doń tol akana menkhan amakʼ hukum do bạń hiṛińakada.

Sereńko 18:27

Am do nacar jạtrenkom rukhiyạyetʼkoa ar bạḍạiko dom tumbutʼ ocoyetʼkoa.

Kạhtukko 10:21

Isor botoraekoakʼ luṭi do ḍher hoṛgeye ńeljutkoa, menkhan ạkil begorte bebuj hoṛ doko gujukʼa.

Kạhtukko 19:2

Ạkil baṅ tahen hõ baṅ bhagea; okoe hoṛ usạrate joto kạmiye menjoṅ uni doe bhulgea.

Jesaea 1:3

Ḍaṅgra do acʼren kisạ̃ṛe oromedea, gadha hõ acʼren mạlikakʼ nandware oromeda, menkhan Israel do acʼren mạlik bae baḍaeyede kana, ar ińren hoṛ hõ iń do bako bujhạu edeńkana.”

Jesaea 17:10

Am do amren babańcaoicʼ Isorrem hiṛiń akadea; ar ona asrayokʼ buru hõm hiṛińakada. Ar am do mońj mońj cara ar eṭakʼ disạm khon ạguwakʼ darkha nạ̃ṛĩkom rohoejoṅ kana,

Jesaea 27:11

Ona reakʼ ḍạrko rohoṛlen khan ona do rạputʼ giḍikʼa ar maejiuko do hecʼkate seṅgelre onako khadlea. Noko do mitʼṭen lelha jạtren kanako, onate okoe onkoe benao akatʼko onko cetanre uni do jãhãnakʼ bae mãyãkʼa; onkoren sisirjạuicʼ hõ onkore bae dayakʼa.

Jesaea 28:7

Menkhan Ephrayimren naekeko ar nạbiko do ńitokʼ darkha rasa ńũkateko bul akana arko guṛdạu baṛaekana; onko do kiḍạkaḍe akan tahenrege dorsonko ńela ar inạ dosarege rayko ema.

Jesaea 29:12

Ar paṛhao baṅ baḍaeyicʼ niạ puthi emkate metae khan, “Dayakate ma niạ paṛhaome,” Enḍekhan uni doe roṛ ruạṛa, “Iń do paṛhaokʼ bạń baḍaea.”

Jesaea 3:12

Okoe ińren hoṛko santaoetʼko onko do gidrạko leka, ar okoe onkoko ḍanṭaoetʼko onko do maejiuko leka. E ińren hoṛko, aperen hor udukʼ hoṛkoge bạṛicʼ secʼko idiyetʼpea; onko do ṭhik hor khon bhul horteko idiyetʼpea.

Jesaea 45:20

“Jarwakʼpe ar hijukʼpe, ma hecʼ sorokʼpe, E ape boṅgan hoṛ jạtren paskao akanko. Onko do cetʼ hõ bako baḍaea, one okoe do akoakʼ kaṭ reakʼ goṛhon muṭhạnko gokʼ baṛayetʼ. Onko do nonkan debota ṭhenko koejoṅa okoe do bae bańcao daṛeako.

Jesaea 5:13

Onate buj bạnukʼtako iạte ińren hoṛko do eṭakʼ disạmre bondi akanko tahena. Onkoren manotan hoṛ do reṅgecʼteko gujukʼa, ar onkoren eṭakʼko hoṛ do tetaṅteko chaṭ chaṭaokʼa.

Jirimiạ 2:8

Naekeko hõ bako kuliyana, ‘Probhu do okare menaea mente?’ Okoeyakʼ tire ạn-ạri tahẽkan onko hõ bako oromledeńa; onko do iń upạrteko hulkeda. Nạbiko hõ ạuṛiyakʼren boṅgako tayomte senkate Bakʼal debota ńutumteko nạbiyetʼ tahẽkana.

Jirimiạ 4:22

Probhu Isore meneda, ‘Ińren hoṛko doko lelhagea; onko do bako baḍae akadińạ. Onko do bebuj hopon ar hoponera kanako; onko do bujhạu reakʼ daṛege bạnukʼtakoa. Bạṛicʼakʼ kạmiren guruko kanako, menkhan bogeakʼ kạmi do bako baḍaea.”

Jirimiạ 5:21

“E lelha ar bebuj hoṛko, okoe do mẽtʼ tahen tulucʼ bape ńeńelkan, lutur tahen tulucʼ bape ańjomkan, ape do luturakʼtińpe.

Jeheskel 44:23

Iń ńutumte okaṭakʼ begar dohoakan ar oka baṅ begar akan ona tala reakʼ ińren hoṛko cetʼakoa ar okaṭakʼ saphawakʼ ar okaṭakʼ baṅ saphawakʼ onako udukʼakoa.

Hosea 13:6

Ar amren hoṛiń jom ocoletʼko tayom onko doko tirpitlena; ar tirpitente onko do bạḍạiteko perecʼena, ar ona tayom do ińko hiṛińkedińa.

Hosea 2:13

Tinạkʼ din Bakʼal debota ńutumte dhupkoe jered ar mundạm ar abhrankote sajkate acʼren dulạṛiạkoe pańjako ar ińe hiṛińiń unạkʼ dinge uniń sạjạiyea. Iń Probhu Isorge noa katha doń meneda.

Hosea 4:1

E Israelko, ape do Probhu Isorakʼ katha ańjomtaepe, ente okoe disạmreko tahenkan onko upạrte Probhu Isor do mitʼṭecʼ mambla menakʼtaea. Ona do hoyokʼkana, disạmre pạtiạr ar asambheṛ dulạṛ do bạnukʼa ar Isor do okoehõ sạriyakʼ lekate bako baḍaeyede kana;

Hosea 4:12

Onko do kaṭren boṅgako ṭhen sopolhako hataoeda ar kaṭ reakʼ ṭheṅga do onkoe hukumakoa, ente loṭghuṭi reakʼ mon do bạṛicʼ horteye idi akatʼkoa; onko do akoren Isor ṭhen bepạtiạranko hoyakana.

Hosea 4:14

Aperen hoponerako do kusumbiko hoylenre ar aperen hoponkoren bạhukoko loṭghuṭilere hõ onko do bạń sạjạikoa, ente herelko do apnarge kusumbiko ṭhenko senokʼkana ar mundil kusumbiko sãote janwar dãṛẽko samaṅetʼkoa. Noko bebuj jạtrenko doko marao utạrokʼa.

Hosea 5:4

“Onkoakʼ kạmi do onkoren Isor secʼ bae ruạṛ ocoako kana. Onkore do laṭghaṭ reakʼ mon menakʼa. Probhu Isor do sạriyakʼte bako baḍae akadea.

Hosea 6:6

Iń do pạtiạrgeń khojkana dãṛẽ do baṅ; jeredokʼ samaṅokʼakʼ khon Isorge jemon mońjteko baḍaeye onageń khojkana.

Hosea 7:11

“Ephrayim do mitʼṭen bebuj parwa leka kanae; uni doe lelhagea. Uni do ghane Misore hohoaekana ar ghane do Ạsur ṭhene calakʼkana.

Hosea 7:9

Bidisiạko do uniyakʼ daṛeko jom akatʼtaea, menkhan uni do ona bae bujhạu daṛeakʼkana. Uniyakʼ bohokʼ reakʼ upʼ do hanḍe nanḍe ponḍ akantaea, ar ona hõ bae kheyal akada.

Hosea 8:1

“Am do siṅgạ oroṅme. Probhu Isorren hoṛko upạrte bạiri do pajhaṛ cẽṛẽ lekae hijukʼkana, ente hoṛko do iń emakʼ bondobos reakʼko bebatao akada ar ińakʼ ạn-ạri upạrteko hul akada.

Hosea 8:12

Ińakʼ ạn-ạri reakʼ ḍher kathage onko lạgitʼ iń olleda, menkhan onko do bidisiạ hoṛkoakʼ jãhãnakʼ jinis menteko hudisleda.

Hosea 8:14

Israelren hoṛ do akoren sisirjạuicʼ hiṛińkate maraṅ maraṅ oṛakʼko benaojoṅ kana; Ar Jihudạren hoṛko hõ pạcrite nagrahako esetʼ ạcurakada. Menkhan Iń do onkoakʼ nagrahako cetanre seṅgeliń kola ar ona do onkoakʼ sanam gaṛkoe jarkhartakoa.”

Hosea 9:17

Ińren Isor do onkoe nihạ̃t giḍi akatʼkoa, ente onko do uniyakʼ bako bataoletʼtaea; onko do eṭakʼ eṭakʼ jạtrenko talareko ạcur baṛaea.

Mathae 1:6

Ar Jisại do Dạud raj jonome emadea. Dạud do Solomon jonome emadea; Uriạ rinicʼ hotete;

Mathae 15:14

Onko do apnartetʼko kãṛãgere hõ kãṛã ạyurko kanako. Ar kãṛã do kãṛãye ạyure khan banarge ghaḍlakʼrekin ńurokʼa.”

Mathae 15:8

noko hoṛ do mocategeko ganaoedeń kana, menkhan onkoakʼ ontor do iń khon sạṅgińgetakoa.

1 Samuel 2:12

Eliren hopon do dusṭạmi hoṛkin tahẽkana. Unkin do Probhu Isorakʼ jãhãnakʼge bạkin moneyakʼkan tahẽkana.