Hosea 4:18 - সান্তালী বাইবেল

¹⁸ Onko do bubulakʼko tinreko ńũ sạta unre onko do loṭghuṭiko ehoba; onkoren disạm cakʼlaoko do lajao paṛaoakʼ colongeko kusiyakʼa.

Hosea 4:18 Iomraidhean Croise

Genesis 38:24

Noa pe cando tayom Jihudạ doe ańjom ńamkeda, kimintetʼ doe laṭghaṭ akada ar onateye bhạrti hoṛmo akana. Noa katha ańjomkate Jihudạ doe menkeda, “Uni do oḍokete seṅgelreye khadle ocokʼma.”

Sereńko 47:9

Jạt jạtrenko modre okoe doko maraṅ hudạren kan, onko do mitʼ ṭhenko jarwakʼa, Onko do Abrahamren Isorren hoṛ menkategeko jarwakʼa. Dhạrtiren sanam disạm cakʼlaokoge Isor gobolren kanako, uni do sanamko khone maraṅgea.

Exodus 23:8

Ghus alom joma, ente okoeyakʼ mẽtʼ menakʼ uni hõ ghusteye kãṛã ocokʼa. Ghus do dhorom hoṛakʼ katha hõe ulṭạu ocoya.

Jirimiạ 2:21

Iń do bachao akatʼ itạ khon janamakʼ bhage darkha reakʼ cara lekań rohoeketʼmea; enḍekhan cekate am do bạṛicʼ bir darkha nạ̃ṛĩ dom hoyena?

Jeheskel 16:15

“ ‘Menkhan am dom namḍakente amakʼ mońjtetʼrem bhorsayena arem laṭghaṭkeda. Ar jãhãege am aṛeteko parom calakʼkan tahẽkan uni sãotegem laṭghaṭetʼ tahẽkana ar amakʼ mońjtetʼ do uniyakʼge hoyokʼkan tahẽkana.

Hosea 4:10

Onko doko jomgea menkhan bako tirpitokʼa; onko doko laṭghaṭa menkhan lekhare bako ḍherokʼa, ente onko do boṅgako iạte Probhu Isorko bạgi giḍi akadea.

Hosea 4:2

eken eṛe kiriạ, eṛe katha, khũn, kombṛo ar laṭghaṭ menakʼtakoa. Onko do ạn bako manaoeda ar mãyãm cetan mãyãmko joro ocoyetʼkana.

Hosea 9:10

Probhu Isore meneda, “Hahaṅkarre darkha nạ̃ṛĩ leka Israel doń ńamledea; pạhil dhao jo emokʼkan loa dare reakʼ pạhilakʼ jo lekage aperen hapṛamkoń ńelletʼkoa. Menkhan onko do Bakʼal-Piyạr ṭhen senkate apnartetʼko ạkhrińena ar akoren dulạṛiạ boṅga lekage onko do hirkhạwankoko hoylena.

Amos 5:12

Ińiń baḍaea apeakʼ behokʼakʼko do tinạkʼ ḍhertapea ar apeakʼ ghạṭko hõ tinạkʼ bạ̃ṛtitapea mente! Ape do dhorom hoṛpe santaoetʼkoa ar ghuspe jomeda; ar nagraha reakʼ phaṭok duạr ṭhen reṅgecʼ hoṛkoakʼ hok reakʼ do bape bicạretʼa.

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

Mikạ 7:3

Onkoakʼ banar ti do behokakʼ kạmi lạgitʼ gạkhuṛgetakoa. Mukhiyạko do sandesko khojkana, bikʼcạrko do ghusko jomeda, ar kisạ̃ṛko okako khojkan onako baḍae ocokana; ar onko jotoge mitʼ domte phundiko aṭaoetʼkana.

Dosar Biboron 16:19

Behok lekate alope bicạra se okoeyakʼ mẽtʼãhã hõ alope beṅgetʼakʼa. Ghus hõ alope hataoa, ente ghus do ạkilankoakʼ mẽtʼe kãṛã ocoytakoa ar bin dusạn hoṛakʼ katha hõe ulṭạu ocoya.

1 Samuel 8:3

Menkhan unkin do ạkinren apattetʼ leka do bạkin calakʼkan tahẽkana. Unkin do behok secʼte dhon hameṭjoṅ reakʼ aste dhorom reakʼ horkin bạgiyatʼ tahẽkana. Unkin do ghus hataokate hok reakʼakʼ kin behok ocoyetʼ tahẽkana ar behok do hok reakʼ lekakin hoyocoyetʼ tahẽkana.