Hosea 4:12 - সান্তালী বাইবেল

¹² Onko do kaṭren boṅgako ṭhen sopolhako hataoeda ar kaṭ reakʼ ṭheṅga do onkoe hukumakoa, ente loṭghuṭi reakʼ mon do bạṛicʼ horteye idi akatʼkoa; onko do akoren Isor ṭhen bepạtiạranko hoyakana.

Hosea 4:12 Iomraidhean Croise

2 Rapajko 17:7

Noako hoylena, ente Misor khon, Misorren raj Pharaoakʼ gobol khon okoe do onkoe oḍok ạguletʼko Israelko do akoren uni Probhu Isor upạrteko kạiletʼ tahẽkana. Onko do debotakoko sewawako kan tahẽkana ar onko samaṅ khon Probhu Isor do okoe jạtrenkoe laga ńirletʼko tahẽkan onko lekako taṛametʼ tahẽkana. Ona chaḍa Israelren rajko oka ạri cạliko benao oṭoletʼ ona lekageko calakʼkan tahẽkana.

Sereńko 106:39

Ar nonkate onko doko bhoṅḍena; akoakʼ kạmiko iạte Probhu Isor ṭhen bepạtiạrkoko hoyena.

Sereńko 73:27

Okoe am ṭhen khon pharakteko sen akan, onko doko ses utạrokʼa; ar okoe amre bako pạtiạu akan onko dom marao giḍikoa.

Jirimiạ 10:8

Onko jotoge lelha ar bebujan kanako. Onkoren boṅga do kaṭteko benao akana, onko do cetʼ jãhãn sikhnạtko em daṛeakʼa?

Jirimiạ 2:27

Onko do kaṭko metakʼa, ‘amgem ińren ạpuń kana,’ ‘ar amgem ińren eṅgạń kana.’ Onko do iń secʼ khon deako ạcur akatʼtakoa mẽtʼãhã do baṅa; enhõ muhinre doko mena, ‘dela hijukʼme, ale bańcaoleme.”

Jirimiạ 23:13

“Samariạren nạbiko talare iń do niạkoń ńel akada, onko do Bakʼal debota ńutumte nạbi lekate katha roṛkate ińren Israel hoṛko bạṛicʼ horteko idiakatʼkoa.

Jeheskel 20:32

“ ‘Ape dope menetʼ kana, dhạrtiren eṭakʼ jạtren hoṛko lekape hoyokʼa okoe do kaṭ ar dhiri reakʼko pujạwakʼkan. Menkhan apeakʼ monre oka menakʼ ona do tishõ baṅ hoyokʼa.

Jeheskel 21:21

ente Babelren raj do onakin barea hor reakʼ etohopʼ ṭhen dobạṭiạreye teṅgo akana bhao ocoy lạgitʼ. Uni do sare aṛaga, ar acʼren debotako ṭhene kulijoṅkana ar jãhãn janwarkoakʼ inboroteye biḍạu aṭkara.

Hosea 14:3

Ạsur do bae bańcao daṛealea; ale do lạṛhại sadom cetanre bale bhorsakʼkana. Aleakʼ titele benao akatʼko boṅga murhutʼko do ar tishõ bale metakoa, ‘aleren debota kanape,’ ente ṭũạr amarko do am ṭhenge dayako ńama.”

Hosea 5:4

“Onkoakʼ kạmi do onkoren Isor secʼ bae ruạṛ ocoako kana. Onkore do laṭghaṭ reakʼ mon menakʼa. Probhu Isor do sạriyakʼte bako baḍae akadea.

Hosea 6:10

Israelko talare mitʼṭecʼ bạṛicʼakʼ iń ńel akada. Ephrayim do onḍeye laṭghaṭ akada ar Israel doe bhonḍ akana.

Hosea 9:1

E Israel, eṭakʼ jạtrenko leka do alom hulạs porobokʼa. Am do amren Isor bạgikate unire bepạtiạricʼem hoyakana; ar mitʼke mitʼ khạrạire kusumbi reakʼ kuṛại ńamkate am dom kusi akana.

Levitikus 17:7

Probhu Isorre bepạtiạr iạte boda-bhutko ńutumte janwar dãṛẽkate apnartetʼ aloko ạkhrińokʼma. Noa do mitʼṭecʼ niạm leka piṛhike piṛhi manao idiy hoyokʼtakoa.

Levitikus 20:5

enḍekhan uni samaṅetʼkạnicʼ ar uni gharońjrenko do mẽtʼ ar mẽtʼteń ńelkoa. Uni ar acʼ sãotenko okoe do ińre pạtiạu baṅkate Molok debota ṭhen jamaṛ akan menakʼko onko do Israel jạtrenko khoniń meṭao giḍikoa.

Mikạ 2:11

Ar jãhãe ekʼṛeyicʼ ar ṭhok hoṛ hecʼkateye men, ‘ińiń meneda je, apeakʼ bạ̃ṛti bubulakʼ ar darkha rasa hoyokʼtapea,’ enḍekhan unige noko jạtrenko lạgitʼ lek lekanicʼ nạbiye hoyokʼa!”

Habakkuk 2:19

Jạt jạtrenko doko mena, ‘Hae uni hoṛ do, one okoe kaṭ do jiwetʼakʼe metakʼkan se jiwi bạnukʼ dhiri do beredokʼe metaekan.’ Onako do cetʼ uni sikhnạte em daṛeaea? Onako ma eken sona ar rupạte muṛạu esetʼ akan; onakore do cetʼ sahẽtʼge bạnukʼa.

Numeri 15:39

Dạsikope ḍuriạwakʼa jemon onakope ńellere ińakʼ sanam hukumko reakʼ kathape disại ar onape manao. Enḍekhan ape do ińre bepạtiạukʼte apeakʼ ontor ar mẽtʼ reakʼ rij roṅre bape ạkhrińokʼa.

Dosar Biboron 31:16

Probhu Isor do Moseye metadea, “Am do amren hapṛamko ṭhen giticʼ lạgitʼem calakʼkana, menkhan noko hoṛ okaṭakʼ disạmko bolo lạgidokʼkan onḍe onko do ạnạṛi deb debi ṭhenko ạkhrińokʼa arko laṭghaṭa. Onko do ińko bạgiyińạ ar oka bondobosiń doholetʼ ona hõko rạpuda.

Bikʼcạrko 18:5

Onko do uniko metadea, “Dayakate am do Isor ṭhen khon baḍaeme aleakʼ dãṛãn do jo bahakʼtalea se baṅa.”