Hosea 3:4 - সান্তালী বাইবেল

⁴ Ṭhik nonkage Israelko do ḍher din hạbicʼ rapajko, mukhiyạko, samaṅokʼakʼ porobko, pujạ reakʼ dhiriko, ephod ar boṅgako chaḍageko tahena.

Hosea 3:4 Iomraidhean Croise

Genesis 31:19

Unre Laban do acʼren bhiḍikoakʼ upʼ kạpciy tako lạgitʼe calao akan tahẽkanre Rahel do acʼ apatakʼ gharońjren murhutʼkoe kombṛoketʼkoa.

Genesis 31:34

Rahel do menkhan onko boṅga murhutʼko ũṭ reakʼ godi latarreye oko dohoakatʼko tahẽkana ar unre uni do ona godi cetanreye duṛupʼ akan tahẽkana. Laban do uniyakʼ tạmbu reakʼ sanam jaegareye sendraketʼkoa menkhan onḍehõ celege bae ńam letʼkoa.

Genesis 49:10

Ar Silote uni ạuriye hijukʼ hạbicʼ jạt jạtrenko uniyakʼ hukum ạuriko bataotae hạbicʼ, uniyakʼ raj ṭheṅga do Jihudạ bõsrege tahena; ar cakʼlao ṭheṅga do uniyakʼ gunṭhikin talare.

2 Samuel 6:14

Dạud do Musnạ reakʼ ephod horokʼkate Probhu Isor samaṅre uniyakʼ sanam daṛete enejokʼe ehopʼena.

2 Rapajko 23:24

Ona chaḍa okoe do bhutko tulucʼ ar okoe do bạṛicʼ jiuko tulucʼ helmelko dohoyetʼ tahẽkan Josiạ do onko hõe sạṅgiń giḍikatʼkoa. Uni do gharońjren murtiko, boṅgako, Jihudạ ar Jerusalemre oka bạṛicʼakʼ jiniskoe ńelketʼ onako sanamakʼe sạṅgiń giḍikada. Ar naeke Hilkiạ do Probhu Isorakʼ oṛakʼre ạn-ạri reakʼ oka puthiye ńamletʼ ona reakʼ sanam katha jemon ṭhik lekate manao idikʼ ona lạgitʼ Josiạ do noakoe kạmikeda.

2 Bõsbudạ 15:2

Unre Asariạ do Asa tulucʼ ńapamokʼ lạgitʼe oḍok senenteye menkeda, “E Asa, E Jihudạ ar Benjạminren sanam hoṛko, ińakʼ katha ańjompe. Ape tinạkʼ din Probhu samaṅrepe tahen unạkʼ din uni hõ ape sãoteye tahẽna. Uniyakʼ monejoṅakʼ baḍaeteakʼ menakʼtape khan ona dope daṛeakʼa, menkhan unipe bạgiyae enḍekhan uni hõ apeye bạgi giḍipea.

Exodus 28:4

Uniyakʼ noa kicricʼre jemon koṛam aḍokʼakʼ, ephod, oyon aṅgrop, onol bonol kicricʼ kuṭrạ, dạhṛi ar ḍanḍare paṭheteakʼ tahen. Ar amren dadam Aron ar uniren hoponko hõ jemon naeke lekate ińko sewawạń onate onko lạgitʼ sonot kicricʼkom benao ocoya.

Exodus 28:6

“Ephod do sona, nil, beguni ar jeṅgetʼ arakʼ sutạm ar uńakʼ mĩhĩ musnạ sutạmtem benao ocokoa. Noa do mitʼṭen gạkhuṛ kạrigolakʼ ti reakʼ kạmige baṛe hoyokʼma.

Rak̕joṅ 2:9

Ona reakʼ phaṭok duạrko do otre danaṅ akana; huṛkạṛko doe rạputʼ giḍiakada. Uniren raj ar mukhiyạko do jạt jạtrenko talareko bondi ocoakana; ạn-ạri mente cetʼge bạnukʼa; uniren nạbiko do Probhu Isor ṭhen khon dorson do bako ńameda.

Jeheskel 19:14

Ona reakʼ mul nạ̃ṛĩ khon seṅgel do oḍokena; ar ona reakʼ ḍạr ar jokoe jomkeda. Disạm cakʼlaokoakʼ ṭheṅga lạgitʼ onare mitʼṭecʼ ḍạr hõ baṅ tahelena. “Noa do mitʼṭecʼ homor halaṅ kana; duk reakʼ sereń lekate noa do beoharokʼa.”

Jeheskel 20:32

“ ‘Ape dope menetʼ kana, dhạrtiren eṭakʼ jạtren hoṛko lekape hoyokʼa okoe do kaṭ ar dhiri reakʼko pujạwakʼkan. Menkhan apeakʼ monre oka menakʼ ona do tishõ baṅ hoyokʼa.

Jeheskel 21:21

ente Babelren raj do onakin barea hor reakʼ etohopʼ ṭhen dobạṭiạreye teṅgo akana bhao ocoy lạgitʼ. Uni do sare aṛaga, ar acʼren debotako ṭhene kulijoṅkana ar jãhãn janwarkoakʼ inboroteye biḍạu aṭkara.

Jeheskel 21:31

Ińakʼ edre do ape cetanreń dula ar ape upạrte ińakʼ khĩs reakʼ seṅgeliń oṅa. Ar nonkan kurmutạha hoṛkoakʼ tireń soprotpea okoe do makʼrao kạmireko gạkhuṛge.

Daniel 11:31

Uni ṭhen khon kol ocoakan lạṛhại phạdko doko hijukʼa ar sonot ṭhạ̃i, ar aotan gaṛko bhonḍa ar din hilokʼ reakʼ samaṅokʼakʼko caba ocoya. Ona tayom onko do jarkharakʼ ujạṛakʼgeko bạisại oṭokakʼa.

Daniel 12:11

Ar din hilokʼ reakʼ samaṅokʼakʼ do enhilokʼ khon bond ocokʼa ar ujạṛ utạrakʼ jinisko bạisạu dohokʼa ar enhilokʼ khon mitʼ hajar barsae aregel din do purạukʼa.

Daniel 9:27

Ar uni disạm cakʼlaoicʼ do mitʼ hapta lạgitʼ ḍher hoṛko sãote keṭecʼ mitʼṭecʼ bondobose bandhaoa, ar tala hapta hạbicʼ uni do teṅgenokʼakʼ ar jomakʼ samaṅokʼakʼe caba ocoya; ar jarkharicʼ do hirkhạwakʼko reakʼ phạ̃kṛạ̃kʼteye hijukʼa niṭakatʼ sumạrokʼ jarkharicʼre ạuri dul bubhạukʼ hạbicʼ.”

Hosea 13:10

Amren raj doe okayena one uni amakʼ sanam nagrahakoe rukhiyạ daṛeatam? Amren disạm cakʼlaoicʼ doe okayena one onko reaṅem menetʼ tahẽkan, ‘iń do raj ar disạm cakʼlaoko imạńme?’

Hosea 13:11

Onate iń do edrete mitʼṭen rajiń ematʼme tahẽkana ar raṅgaote uni doń uṭhạukedea.

Hosea 2:11

Iń do uniyakʼ joto rạskạ reakʼ porob, molokʼ candoko, jirạukʼ mãhãko metakʼme uniyakʼ niṭ akatʼakʼ sanam porobkoń caba utạrtaea.

Levitikus 8:7

Ona tayom Aron do bhitri reakʼ kicricʼe horokʼadete ḍanḍa totolakʼteye paṭhekedea. Ar ephod latar reakʼ kicricʼ ar ona cetanre ephode horokʼadea ar ephod sãote joṛao mitʼakatʼ ḍanḍa reakʼ ḍombete ephod doe tolkada. Onate ephod do uniyakʼ hoṛmore tahẽyena.

Sakariạ 10:2

Boṅga doko phạsiaragea, ar gonokko do eṛe kathako roṛa; onko okaṭakʼ kukmũ reakʼ kathako roṛ ona do eṛegetakoa, ar eṛe jiwi raṛecʼko emokʼkana. Ar hoṛko do santaokʼkan iạte bhiḍi lekako ạcur baṛaekana, ente onkoren gukʼpiyicʼ do bạnuitakoa.

Luk 21:24

Onko do tarwaṛeteko gocʼ ocokʼa ar sanam jạtrenko talare bondi akan leka chirchạturko tahena. Ar por jạtrenkoakʼ okte ạuri purạukʼ hạbicʼ Jerusalem do onkoakʼ jaṅgate lebetʼ gańjaokʼa.

Johan 19:15

Onate onko do ãṭ aṛaṅte hohowateko menkeda, “Idiyem, idiyem ar kurus kaeme.” Pilạte metatʼkoa, “Aperen raj do cetʼ ińiń kuruskaea?” Maraṅ naekeko roṛ ruạṛadea, “Kạisạr chaḍa aleren do ar cele raj hõ bạnukʼkoa.”

Ibriko 10:26

Isorakʼ sạriyakʼtetʼ baḍaekate hõ dikhitege bon kại khan, enḍekhan kại ńutumte ar jãhãn dãṛẽ do bạnukʼ anaṅ;

Bikʼcạrko 17:5

Mikạwakʼ do mitʼṭecʼ mundil tahẽkana. Uni do mitʼṭecʼ ehpod ar debota muṭhạnko benaokate acʼren mitʼṭen hopon do naeke hudạreye dohokedea.

Bikʼcạrko 18:14

Ar okoeko hoṛ do Layisre senkate khoj khoborko ạguletʼ tahẽkan onko do akoren hoṛko metatʼkoa, “Apepe baḍaegea, niạ oṛakʼre do mitʼṭecʼ ehpod, debotakoakʼ muṭhạn rokʼ bekʼnao muṭhạnko ar dulakʼ muṭhạnko menakʼa? Onate ńitokʼ cetʼpe cekaea ma hudispe.”

Bikʼcạrko 8:27

Gideon do onako sonate mitʼṭecʼ ephode benao ocoketʼa ar acʼakʼ ato Ophrareye dohokeda. Ar Israelko do onḍe ona ephod sewawakʼko ehopʼena arko laṭghaṭkeda. Gideon ar uniyakʼ gharońjrenko lạgitʼ onage mitʼṭecʼ jhampa leka hoyena.

1 Samuel 14:3

onko modre do Ahiạ ńutuman mitʼ hoṛe tahẽkana ar uniyakʼ hoṛmore do ephod tahẽkantaea. Ahiạ do Ehiṭubren hopone tahẽkana, ar Ahiṭub do Ikabotren boehae tahẽkana, ar Ikabot do Pinehasren hopone tahẽkana ar Pinehas do Eliren hopone tahẽkana; ar Eli do Silore Probhu Isorren naekeye tahẽkana. Unre Jonathanakʼ oḍok calakʼ reakʼ katha do okoege bako baḍaekan tahẽkana.

1 Samuel 15:23

Huhul ar gunidari kạmi do inạ mitʼ lekan kạikangea; bebatao ar boṅga sewa hõ inạ lekan kại kangea. Am do Probhu Isorakʼ hukum bam batao akatʼte uni hõ am do raj lekateye nihạ̃t giḍi akatʼmea.”

1 Samuel 2:18

Menkhan huḍiń gidrạ Samuel do mĩhĩ musnạ sutạm reakʼ ephod horokʼkate Probhu Isore sapʼsorae kan tahẽkana.

1 Samuel 21:9

Naekeye menkeda, “Ela buru nalare Philisṭikoren okoe Goliạtem gocʼlede uniyakʼ tarwaṛe menakʼa. Ona do kicricʼte bedhao akatʼ ehpod danaṅre aka doho menakʼa. Am do onam hatao daṛeakʼa. Ona chaḍa ar jãhãn tarwaṛe nonḍe do bạnukʼa.” Dạude menkeda, “Ona lekan tarwaṛe ar jãhãre menakʼa? Menakʼ khan ona hõ imạńme.”

1 Samuel 22:18

Unre raj do Doege metadea, “Enḍekhan amge senkate naekeko gocʼkom.” Edomren Doeg do enhilokʼ irạlgel mõṛẽ naekeye gocʼketʼkoa. Unre naekekoakʼ hoṛmore do mĩhĩ musnạ kicricʼ reakʼ ephod tahẽkana.

1 Samuel 23:6

Ahimelekren hopon Abiathar do Dạud ṭhen Kayilateye dạṛketʼ oktere soṅgete maraṅ naekewakʼ ehpod hõe idi daraleda.

1 Samuel 23:9

Dạud do tinreye baḍaekeda, Sạul do uni upạrteye soṛojontro kana unre uni do naeke Abiathare metadea, “Amakʼ ephod nonḍe ạguiyme.”

1 Samuel 30:7

Unre Dạud do Ahimelekren hopon maraṅ naeke Abiathare metadea, “Iń ṭhen Ephod ạguiyme.” Ar ona ạgu hoyen khan Dạud do Probhu Isore kulikedea, “Iń do cetʼ onko hạhạnkoń khudạukoa? Onko do cetʼ iń sapʼ tiyokʼ daṛeakoa?” Probhu Isore roṛ ruạṛadea, “Hẽ, do khudạukom. Ar khạṭigem sapʼ tiyokʼkoa ar sanamkom bańcao daṛeakoa.”