Hosea 2:5 - সান্তালী বাইবেল

⁵ Onkoren eṅgattetʼ doe laṭghaṭ akada ar okoe uniyakʼ kukhireye hoyakan uni do lajao paṛaoakʼgeye kạmi akada. Uniye menkeda, ‘ińren dulạṛiạkoń pańjakoa; onkoge ińakʼ jomakʼ ar ńũiyakʼ, bhiḍi upʼ, mĩhĩ musnạ jạ̃ṛĩ sutạm, sunum ar ńũńũakʼko emạńkana.’

Hosea 2:5 Iomraidhean Croise

Jesaea 1:21

Hae, kũạri nagraha, ona do kusumbi leka hoyakana! Mitʼ okte uni do hok reakʼ bicạrte perecʼe tahẽkana; unire dhorom tahẽkana, menkhan ńitokʼ do khũniạhikoko girobasokʼ kana.

Jesaea 50:1

Probhu Isore meneda, “Eṅgamakʼ bapag dolel do okare menakʼa, one okaṭakʼteń bạgikede? Ińren mahajonko modre okoe ṭheniń ạkhriń akatʼpea? Apeakʼ kại iạtege ape dope ạkhriń akana; apeakʼ behokakʼ lạgitʼge aperen eṅgam doe bạgi ocoakana.

Jirimiạ 11:13

Jihudạre tinạkʼ nagraha ar atoko menakʼ unạkʼge debotako hõ menakʼkoa, ar Jerusalemre tinạkʼ kulhiko menakʼ uniye lajao ocokʼ Bakʼal debota ńutumte dhup jered lạgitʼ pinḍko hõ unạkʼge benao akana.

Jirimiạ 13:22

Am apnartetʼem kulilen khan, ‘ińre noa do cedakʼ hoyena?’ Enḍekhan ona reakʼ roṛ ruạṛ do hoyokʼkana, ạḍi utạr kạiko iạte amakʼ kicricʼko do oṛecʼ akantama arem jorbojor ocoakana.

Jirimiạ 2:20

“Ḍher din laharege am do amakʼ arãṛem rạputʼ giḍi akada ar amakʼ tonolem topakʼ akada; arem meneda, ‘am do bạń sapʼ sorama.’ Am do mimitʼ usul buru ar hạṛiạṛ dare buṭạkore kusumbi leka ombakʼkatem laṭghaṭetʼ kana.

Jirimiạ 6:8

E Jerusalem, sontorokʼ reakʼ katha ańjomme, ar baṅkhan am ṭhen khon ruạṛ senkate amakʼ disạmiń jarkhar cabaytama ar baṅ berelokʼ disạmgeń hoeocoya.”

Jeheskel 16:35

E laṭghaṭicʼ maejiu, Probhu Isorakʼ katha ańjomme.

Jeheskel 16:39

Ona tayom do amren dulạṛiạkoakʼ tireń soprotmea; onko do amren boṅga muṭhạnkoakʼ duṛupʼakʼko marao giḍikakʼa. Onko do amakʼ kicricʼko bhạnduṛtama ar amakʼ mońj mońj gohnako hataoa ar am do uluṅ ar laṅgaṭgeko bạgi oṭowama.

Jeheskel 16:4

Ar oka hilokʼem janamlen enhilokʼ amakʼ bukạ do bako getʼletʼtama, dakʼte hõ bako ạrupʼ saphaletʼmea, hoṛmore buluṅ hõ bako gasaoatʼme tahẽkana ar kicricʼte hõ bako oyoletʼmea.

Hosea 1:2

Hosea hotete pạhil dhao katha roṛ jokhecʼ Probhu Isor do uniye metadea, “Am do senkate mitʼṭen kusumbi ayo baplayem. Ar laṭghaṭren hoponko omonjoṅme, ente disạmren hoṛko do ạḍitetʼko laṭghaṭeda Probhu Isorko bạgi akadete.”

Hosea 2:2

“Aperen gogo nehõraepe, unige ruhedepe, ente ińren bạhu doe baṅkana ar ińhõ uniren jãwãe doń baṅkana. Uni do acʼakʼ mẽtʼãhã khon laloce ocokʼ giḍikakʼma ar acʼakʼ ontor khon laṭghaṭ hõe sạṅgiń giḍikakʼma.

Hosea 2:8

Uni do bae aṅgocetʼ tahẽkana, ińge anaj, nãwã darkha rasa ar sunumiń emaekan tahẽkana, sona ar rupạko hõ ḍher okocʼiń emaekan tahẽkana, one oka uni do Bakʼal debota lạgitʼe beboharetʼ tahẽkan.

Hosea 3:1

Probhu Isor do ińe metadińạ, “Amren bạhu do eṭakʼ hoṛ sãoteye loṭghuṭi akatʼre hõ enhõ senkate arhõ dulạṛem. Israelko do debotako secʼko ạcur akanre hõ ar pujạ reakʼ kismis piṭhạko kusiyakʼkanre hõ enhõ Probhu Isor cetʼlekae dulạṛetʼko, ṭhik onkage am hõ amren bạhum dulạṛea.”

Hosea 4:5

E naekeko, ape do siń ar ńindạpe tohodokʼkana ar ape sãote nạbiko hõko tohodokʼkana. Onatege iń do aperen gogo Israel doń marao utạrea.

Hosea 8:9

Onko do eskar eskar ạcur baṛaekan bir gadha leka Ạsur hạbicʼko sen akana. Ar Ephrayim do ṭakate dulạṛiạkoe ạgu akawana.

Hosea 9:10

Probhu Isore meneda, “Hahaṅkarre darkha nạ̃ṛĩ leka Israel doń ńamledea; pạhil dhao jo emokʼkan loa dare reakʼ pạhilakʼ jo lekage aperen hapṛamkoń ńelletʼkoa. Menkhan onko do Bakʼal-Piyạr ṭhen senkate apnartetʼko ạkhrińena ar akoren dulạṛiạ boṅga lekage onko do hirkhạwankoko hoylena.

Amos 8:13

Enhilokʼ ńelokʼte mońj juạn kuṛiko ar daṛean juạn koṛako do ona katha lạgitʼ tetaṅteko loraokʼa.

Bikʼcạrko 16:23

Inạ tayom Philisṭikoren disạm cakʼlaoko do akoren debota Dagon ạḍi okocʼ dãṛẽ teṅgenae lạgitʼ ar rạskạkʼ lạgitʼ mitʼ ṭhenko jarwayena. Onkoko menkeda, “Aboren Isor do aboakʼ tire aboren bạiri Samsone jimạ akadea.”