Hosea 2:23 - সান্তালী বাইবেল

²³ Iń lạgitʼge uni do disạmre itạ lekań ereya; ar okoeyiń metade tahẽkan, ‘ińren dayayicʼ hoṛ dom baṅkana’ unre unigeń dayawaea. Ar okoekoń metatʼko tahẽkan, ‘ińren hoṛ doko baṅkana,’ onko doń metakoa, ‘ape do ińren hoṛ kanape’ ar onko doko mena, ‘am kangeam aleren Isor do.’ ”

Hosea 2:23 Iomraidhean Croise

Sereńko 118:28

Amge ińren Isor do, iń do amgeń sarhaomea; amge ińren Isor do, amgeń gun manao joharama.

Sereńko 22:27

Dhạrti reakʼ ses simạren hoṛko hõ monko ạcurtakote Probhu Isor ṭhenko ruạṛ hijukʼa; ar eṭakʼ jạtren sanam gusṭirenko do uniko sewawaea.

Sereńko 68:31

Misor khon rajren goḍet doko hijukʼa; ar Kusren hoṛko do hare phare Isor secʼ tiko tiạr takoa.

Sereńko 72:16

Disạmre ạḍi uṭạr phosolko hoyokʼma, buru reakʼ cuṛạkore hõ ona do hoyokʼma. Khet reakʼ phosolkore do Lebanon bir reakʼ sae sae saḍege rakabokʼma; nagraha khon oḍokʼ hijukʼkan hoṛ do ṭạnḍi reakʼ ghãs leka ḍherko bạḍokʼma.

Soros sereń 2:16

Dulạṛiạtiń doe ińren kangea ar ińhõ unirenge; uni do sikiyạm baha bagwan talareye gukʼpikana.

Jesaea 44:5

Mitʼṭen doe mena, uni doe Probhu Isor kana; ar dosaricʼ do Jokob ńutumteye ńumogokʼa, ar eṭagicʼ do acʼakʼ tireye ola, uni doe Probhu Isorren kana, ar Israelakʼ ńutumteye pạrisokʼa.’ ”

Jirimiạ 16:19

E Probhu Isor, ińakʼ daṛe ar ińakʼ aotan gaṛ, ar gạr hilokʼre ińakʼ hirlạ! dhạrti reakʼ ses simạ khon eṭakʼ jạtren hoṛ do am ṭhen hecʼkateko mena, “Aleren hapṛamko do eṛe debotako ar ạuṛiyakʼren boṅga murtiko ạidạrian tahẽkana, ar onate onkoakʼ do jãhãn porhoge baṅ hoylentakoa.

Jirimiạ 30:22

Onatege ape do ińren hoṛpe hoyokʼa ar iń do aperen Isoriń hoyokʼa.”

Jirimiạ 31:27

Probhu Isore meneda, “Okte hijukʼ kana one unre iń do Israelko ar Jihudạren hoṛko ar janwarko itạ lekań erkoa.

Jirimiạ 32:38

Onko do ińren hoṛko hoyokʼa, ar iń do onkoren Isoriń hoyokʼa.

Jirimiạ 33:26

enḍekhan Jakob ar ińren guti Dạud bõsrenko hõń nihạ̃t giḍikakoa ar Abraham, Isạhak ar Jakobakʼ bõsrenko cetanre rajokʼ lạgitʼ Dạud bõsrenko khon mitʼ hoṛ hõ bạń bachaojoṅa. Iń do khạṭige onkoakʼ bhage dosań ruạṛkatakoa ariń mãyãwakoa.”

Jeheskel 36:29

Iń do apeakʼ sanam besaphawakʼ khoniń rukhiyạpea. Ar aema phosolkoń emapea ar apeakʼ disạmre akal do ar bạń kola.

Hosea 1:6

Gomer do arhõe bhạrti hoṛmoyena ar uniren do armitʼṭen kuṛi hopone janamena. Unre Probhu Isor do Hoseae metadea, “Kuṛi hoponakʼ ńutum do Lo ruhamah. (metakʼme ‘Mãyãwạnicʼ do baṅa’) ente Israelren hoṛko do ar bạń dayawakoa, ar onko do baṅgeń ikạkoa.

Hosea 8:2

Israel do iń ṭhen rakʼ rakʼteye menetʼkana, ‘E ińren Isor, ale do amle aṅgocetʼmea.’

Sakariạ 10:9

Ar jạt jạtrenko talareń pasnao akatʼkore hõ sạṅgiń disạmre onko do ińko disạyińạ. Onko ar onkoren hopon ar hoponerako jiwetʼko tahena ar onko doko ruạṛ hijukʼa.

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

Sakariạ 14:16

Tayomte onko sanam jạtren sarecʼ tahen hoṛ do uni rajakʼ, metakʼme phạdkoren Probhu Isorakʼ sewae lạgitʼ ar chạuni porob manao lạgitʼ jao bochor Jerusalemteko rakapʼ hijukʼa.

Sakariạ 14:9

Ar goṭa dhạrtiren raj do Probhu Isorgeye hoyokʼa. Enhilokʼ manwa do Probhuge Isor menteko aṅgocea, eken uniyakʼ ńutumgeko sewawakʼa.

Sakariạ 2:11

Enhilokʼ jạt jạtrenko do iń sãoteko midokʼa ar ińren hoṛko hoyokʼa. Ar iń do ape talareń girobasokʼa.” Ar tinre ona hoyokʼa unrepe baḍae daṛeakʼa, phạdkoren Probhu Isor do ape ṭhen ińe kol akadińạ.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

Romiko lạgitʼ Pạul Apostolakʼ ciṭhi 3:29

Isor do cetʼ eken Jihudikoren kangeae, boṅgan hoṛ jạtrenko doe baṅkana? Hẽ, uni do boṅgan hoṛ jạtkoren hõ Isor kanae,

Jakob 1:1

Isor ar Probhu Jisu Mạsiren golam iń Jakob do dhạrti reakʼ sanam jaegareko chirchạtur akan Jihudikoren gelbar bõsrenko johariń emakokana.