Hosea 2:18 - সান্তালী বাইবেল

¹⁸ Enhilokʼ uni lạgitʼ do janwarko, cẽṛẽko ar leńokʼ ṭunḍạṅokʼ jiwiyanko sãote bondobosiń bandhaoaea. Ar disạm khon akʼ-sar, tarwaṛe ar lạṛhạikoń sạṅgiń gidikakʼa jemon sanamko nirạiteko giticʼ jirạu daṛeakʼ.

Hosea 2:18 Iomraidhean Croise

Jobakʼ 5:22

Jarkhar ar akalre landa joṅme; ar bir janwarko do alom botorakoa.

Jobakʼ 5:23

Amakʼ jumire jãhãn dhirige baṅ tahena; ar bir janwarko do bako hạn mea.

Sereńko 148:10

E bir janwar ar sanam ạsul janwarko ar lacʼte taṛamko ar phạ̃kṛãkʼan jiwiyanko, uni sarhaoepe.

Sereńko 23:2

Uni do ạtiń ṭạnḍi reakʼ legecʼ ghãsreye aḍeńkana, ar jirạu joṅ reakʼ dakʼ ṭhene ạyuredeń kana.

Sereńko 46:9

Uni do dhạrti reakʼ joto lạṛhạiye thir ocoyeda, uni do akʼe rạputʼ kaca kucạyeda, ar borlom doe kaṭra kuṭrạyeda, ar rãt gạḍi do seṅgelreye atar giḍiyeda.

Jesaea 2:11

Ar gorbokʼkan hoṛakʼ beṅgetʼ do tumbutʼ hape ocokʼa hoṛkoakʼ bạḍại do copotʼ ocokʼa.

Jesaea 2:17

Manwakoakʼ gorbokʼ do copotʼ ocokʼtakoa ar hoṛkoakʼ bạḍại hõ copotʼ ocokʼa. Enhilokʼ do eken Probhu Isorgeye manot ocokʼa,

Jesaea 2:4

Uni do boṅgan hoṛ jạtrenko talareye bicạra; ar aema jạtrenko talare hok reakʼe bicạr chinḍạutakoa. Onko do akoakʼ tarwaṛe rạputʼkate nahel reakʼ phalko benaojoṅa ar borlom rạputʼkate do datromkoge. Mitʼ jạtrenko do eṭakʼ jạtrenko upạrte tarwaṛe ar bako rakaba; onko do lạṛhại hõ ar bako lạṛhạiya.

Jesaea 26:1

Enhilokʼ Jihudạ disạmre niạ sereńko sereńa: Jihudạ disạmre kajak nagraha menakʼ tabona; Isorakʼ babańcaoge hoyokʼa ona reakʼ pạcri ar gaṛko do.

Jesaea 32:18

Ińren hoṛko do sulukte perecʼ jaegare, khạtirjomako tahen jaegare ar nirdạndi tahen jaegare girobas akanko tahena.

Jesaea 54:5

Amren sisirjạuicʼge amren jãwãe do, uniyakʼ ńutum do phạdkoren Probhuge; Israelren uni sonoticʼge amren chakʼḍaoicʼ do. Unige goṭa dhạrtiren Isore ńum ocokʼkana.

Jesaea 65:25

Hunḍạr ar bhiḍi hopon do mitʼtekin ạtińa, dhạcri kul do ḍaṅgra leka busupʼe joma ar dhuṛi do bińakʼ jomakʼge hoyokʼa. Onko do ińakʼ sonot burure okare hõ bako hạhạna se bako nonosṭowa.

Jirimiạ 23:6

Unre Jihudạ do rukhiyại ńama ar Israelko do khạtirjomako girobasokʼa. Ar uni do noa ńutumgeye hoho ocokʼa ‘Probhu Isorge aboakʼ dhorom do.’

Jirimiạ 30:10

“Onate E ińren golam Jakob, am do alom botorokʼa; E Israel, alom as chuṭạukʼa. Iń do sạṅgiń ṭhạ̃i khon am ar bondi idi ocoakan amren hoponko khạṭigeń bańcaokoa. Jakob do arhõ suluk ar nirạiteye tahena ar okoehõ bako botor ocoyea.

Jirimiạ 33:16

Ona jokhecʼ Jihudạren hoṛ do bańcaoko ńama ar Jerusalemren hoṛ do khạtirjomako girobasokʼa. Uni do niạ ńutumgeye hoho ocokʼa, ‘Probhu Isorge aboakʼ dhorom do.’

Jeheskel 34:25

“ ‘Iń do onko lạgitʼ bhạlại reakʼ mitʼṭecʼ bondobosiń dohoya ar disạm khon botoran janwarkoń marao utạrkoa jemon ińren bhiḍiko do khạtirjomako tahente bir-gajaṛkore hõko jạpitʼ daṛeakʼ.

Jeheskel 39:1

“E manwa hopon, Gog upạrte am do noa nạbi katha roṛme, Probhu Isore menetʼkana, ‘E Mesok ar Tubạlren maraṅ disạm cakʼlaoyicʼ Gog, am secʼ do bạnuńa.

Sakariạ 14:4

Enhilokʼ uni do hecʼkate Jerusalem purub secʼ reakʼ jạitun buru cetanreye teṅgona; onate jạitun buru do purub secʼ khon pạchim hạbicʼ paṛagokʼa ar adha do utạr secʼ ar adha do dạkhin secʼ ocogokʼte mitʼṭecʼ maraṅ buru nalage benaokʼa.

Sakariạ 14:9

Ar goṭa dhạrtiren raj do Probhu Isorgeye hoyokʼa. Enhilokʼ manwa do Probhuge Isor menteko aṅgocea, eken uniyakʼ ńutumgeko sewawakʼa.

Sakariạ 2:11

Enhilokʼ jạt jạtrenko do iń sãoteko midokʼa ar ińren hoṛko hoyokʼa. Ar iń do ape talareń girobasokʼa.” Ar tinre ona hoyokʼa unrepe baḍae daṛeakʼa, phạdkoren Probhu Isor do ape ṭhen ińe kol akadińạ.

Sakariạ 3:10

Enhilokʼ ape mimitʼko do apeakʼ darkha nạ̃ṛĩ ar loa dare buṭạre duṛubokʼ lạgitʼ ape ạḍepaseren hoṛkoń neotakoa. Iń phạdkoren Probhu Isorge noa katha doń meneda.’ ”

Sakariạ 9:10

Iń Ephrayimge rãt gạḍi ar Jerusalemren lạṛhại sadom jotogeń maraokoa ar lạṛhại reakʼ akʼ iń rạputʼ giḍikatakoa. Uni do jạt jạtrenko ṭhen suluke lại sodora. Uniyakʼ ḍanṭao do doreão khon doreão hạbicʼ, Phurạt gaḍa khon dhạrti reakʼ ses simạnako hạbicʼ hoyokʼtaea.