Hosea 2:12 - সান্তালী বাইবেল

¹² Oka darkha nạ̃ṛĩ ar loa dare reaṅe roṛakatʼ baṅma, acʼakʼ kuṛại iạtege acʼren dulạṛiạkoko em akawadea, ona doń nosṭoetaea; ar onako do bir gajaṛ iń hoeocoya ar bir janwarko do onako joma.

Hosea 2:12 Iomraidhean Croise

Sereńko 80:12

Cedakʼ ona rurukhiyạ pạcri dom rạputʼ giḍikada, horte sen paromokʼkan sanamkoge coṅ ona reakʼmako gotʼetʼ tahẽkan?

Jesaea 29:17

Ar thoṛa din khange cetʼ Lebanon do jo bahakʼkan bagwan leka baṅ hoyokʼa? Ar jo bahakʼkan bagwan do bir gajaṛ tulni baṅ lekhakʼa?

Jesaea 5:5

Ińakʼ darkha bagwan cetanre okań cekae ona do ńitokʼ iń lạiyapea: iń do ona reakʼ eṭetʼakʼ iń ocoga onate bagwan doko jom ṭhuṭkuya; ar ona reakʼ pạcriń rạputʼ giḍikakʼa onate ona doko lebetʼ gańjaoa.

Jesaea 7:23

Enhilokʼ okako jaegare gelbar keji rupạ reakʼ dam mitʼ hajar goṭecʼ darkha nạ̃ṛĩ tahẽkan onḍe do eken jạnum ar rạṅgạinige tahena.

Jirimiạ 13:26

Amakʼ kicricʼ do mẽtʼãhã hạbicʼ iń rakabtama jemon amakʼ lajaoteakʼ ńelokʼtam.

Jirimiạ 26:18

“Jihudạren Hiskiạ raj oktere Moresetren Mikạ do nạbi lekate kathae roṛetʼ tahẽkana. Uni do Jihudạren hoṛkoe metatʼko tahẽkana, ‘phạdkoren Probhu Isore meneda, Sion do khet baṛge lekae cas ocokʼa, Jerusalem do dhaṅ dhaserakʼ ḍhipi leka hoyokʼa ar koejoṅ oṛakʼ reakʼ buru do jhạuạkote dapal esedokʼa.’

Jirimiạ 5:17

Onko do apeakʼ phosol ar jomakʼko jomtapea, aperen hopon ar hoponerakoko jomkoa; onko do aperen bhiḍi-merom-ḍaṅgra palko jomkoa, ar apeakʼ sanam darkha bagwan ar loa dareko jom cabaetapea. Ar okaṭakʼ gaṛ nagraharepe bhorsakʼkan ona do tarwaṛeteko dhaṅdhasera.”

Jirimiạ 8:13

Probhu Isore meneda, “Iń do onkoń maraokoa. Darkha nạ̃ṛĩre jãhãn joge baṅ tahena, loa darere loa hõ baṅ tahena ar onako reakʼ sakam do tolmojokʼa. Ar okań em akawatʼko ona hõ onko khon sahaṛ akan tahena.”

Hosea 13:8

Hoponko recʼakade bana eṅga leka iń do onko cetanre jhãpiń ema ar koṛamiń or cirạitakoa. Kul eṅga lekań utʼgotʼkakoa; ar bir janwarko lekań khanḍa khunḍi cabakoa.

Hosea 2:5

Onkoren eṅgattetʼ doe laṭghaṭ akada ar okoe uniyakʼ kukhireye hoyakan uni do lajao paṛaoakʼgeye kạmi akada. Uniye menkeda, ‘ińren dulạṛiạkoń pańjakoa; onkoge ińakʼ jomakʼ ar ńũiyakʼ, bhiḍi upʼ, mĩhĩ musnạ jạ̃ṛĩ sutạm, sunum ar ńũńũakʼko emạńkana.’

Hosea 5:14

Ephrayim ṭhen ar Jihudạ ṭhen do dhạcri kul lekageń hoyokʼa. Unkin doń or cirạkinạ ar kaṭra kuṭrạkateń bạgi oṭoạkinạ. Iń do unkiniń idikinạ ar unkin bańcaokin lạgitʼ do celege bako tahena.

Hosea 9:1

E Israel, eṭakʼ jạtrenko leka do alom hulạs porobokʼa. Am do amren Isor bạgikate unire bepạtiạricʼem hoyakana; ar mitʼke mitʼ khạrạire kusumbi reakʼ kuṛại ńamkate am dom kusi akana.

Mikạ 3:12

Onatege Sion do ape iạte khet baṛge lekae cas ocokʼa, ar Jerusalem do dhaṅ dhaserakʼ ḍhipi leka hoyokʼa, ar koejoṅ oṛakʼ reakʼ buru do jhạuạkote dapal esedokʼa.