Hosea 13:10 - সান্তালী বাইবেল

¹⁰ Amren raj doe okayena one uni amakʼ sanam nagrahakoe rukhiyạ daṛeatam? Amren disạm cakʼlaoicʼ doe okayena one onko reaṅem menetʼ tahẽkan, ‘iń do raj ar disạm cakʼlaoko imạńme?’

Hosea 13:10 Iomraidhean Croise

1 Rapajko 12:20

Jerobiamakʼ ruạṛ hijukʼ reakʼ khobor ańjomkate Israelko do hoṛ kolkate akoakʼ sabhareko hoho ạgukedea ar sanam Israelko cetanre uniko rajkedea. Ar eken Jihudạ gusṭikoren hoṛkoge Dạudakʼ bõsre pạtiạrko tahẽyena.

2 Rapajko 17:4

Menkhan Asurren raj doe baḍaekeda, Hosea do mitʼṭen badmas hoṛkanae mente, ente uni do Misorren raj So ṭhen goḍetkoe kolletʼkoa ar Asurren raj do jao bochor oka khajnae emaekan tahẽkan ona do ar bae emokʼkana. Ona iạte Salmaneser do Hoseae sapʼkedete hajotreye bhoraokedea.

Sereńko 10:16

Probhu Isorge jaejugren raj kanae; uniyakʼ disạm khon eṭakʼ jạtren doko maraokʼa.

Sereńko 149:2

Israel do acʼren sisirjạuicʼ iạteye rạskạkʼma, Sionren hoṛko do onkoren raj iạteko kusikʼma.

Sereńko 44:4

E Isor, ińren raj do amge; Jakobakʼ jitạukʼ reakʼ do amgem bebosta akada.

Sereńko 74:12

Enrehõ E Isor, ạd khonge am do ińren raj kanam; amge noa dhạrtire babańcao reakʼem kạmikana.

Sereńko 89:18

Aboren raj do Israelren uni sonoticʼe bahal akadea; aboakʼ ona ḍhal do Probhu Isorgeye bahal akadea.

Jesaea 33:22

Probhu Isorge aboren hokren bikʼcạricʼ ar aboren cakʼlaoyicʼ do; Probhu Isorge aboren raj, unige abo doe rukhiyạbona.

Jesaea 43:15

Iń kangeạń Probhu Isor do, aperen uni sonoticʼ; ińge Israelren sisirjạuicʼ ar aperen raj do.”

Jirimiạ 2:28

E Jihudạ, apnar lạgitʼ okoe debotakom benao akawan onko do unre okareko tahenkana? Muhinrem paṛaolenre amko bańcao daṛeam khan doko hecʼocoge, ente aema nagrahako menakʼtama ar debotako hõko ḍhergetama.

Jirimiạ 8:19

Sạṅgiń disạm khon ińren hoṛko do noa rakʼko ańjommeda, “Probhu Isor do cetʼ Sionre bạnuiya? Uniren raj do cetʼ onḍe do bạnuiya?” Probhu Isore roṛ ruạṛkeda, “Onko do onkoren sanam boṅga muṭhạnko ar onkoren eṛe boṅgakote cedakʼko ạṛis ocoyediń kana?”

Rak̕joṅ 4:20

Aboakʼ mũ reakʼ sahẽtʼ Probhuren ojokʼicʼ do, onkoakʼ khạnreye sapʼ ocolena; menkhan abo dobon hudisokʼkan tahẽkana uniyakʼ umulre jạt jạtrenko talare bon girobasokʼa.

Hosea 10:3

Unre onko do khạṭigeko mena, “Probhu Isor bale botorade tahẽkante aleren do cele rajge bạnukʼkotalea. Menkhan raje tahẽlenre hõ uni do ale lạgitʼ cetʼe cekakea?”

Hosea 13:4

Probhu Isore meneda, “Misor khoniń oḍok ạgu akatʼme khon ińkangeạń amren Probhu Isor do. Iń chaḍa ar eṭakʼ Isor do bạnukʼkoa; iń chaḍa ar cele babańcaoko hõ bạnukʼkoa.

Hosea 3:4

Ṭhik nonkage Israelko do ḍher din hạbicʼ rapajko, mukhiyạko, samaṅokʼakʼ porobko, pujạ reakʼ dhiriko, ephod ar boṅgako chaḍageko tahena.

Hosea 7:7

Ar jotokoge culhạ lekako dhipạuena ar akoren disạm cakʼlaoko do seṅgel lekako jeretʼ cabaketʼkoa. Onkoren rapaj do sanamgeko gocʼena; ar onko do okoege bako hohowạdińa.

Hosea 8:4

Ińakʼ hukum chaḍage onko do rapajko bahal akatʼkoa; ińakʼ hukum chaḍage onko do mukhiyạko bachao akawana. Onko do sona ar rupạren boṅgako benaoetʼkote sorbonasreko paṛaokʼkana.

Sakariạ 14:9

Ar goṭa dhạrtiren raj do Probhu Isorgeye hoyokʼa. Enhilokʼ manwa do Probhuge Isor menteko aṅgocea, eken uniyakʼ ńutumgeko sewawakʼa.

Johan 1:49

Noate Nathanael do Jisui metadea, “E Guru, am do Isorren Hopon kanam ar amge Israelkoren raj do.”

1 Samuel 8:7

Unre Probhu Isor do uniye metadea, “Hoṛ okako metamkan onage onkaeme. Ente am do bako nihạ̃t giḍi akatʼmea, menkhan onko do ińgeko nihạ̃t giḍi akadińạ jemon onko cetanre aloń rajokʼ.