Biblia Todo Logo
Bìoball air-loidhne

- Sanasan -




Hosea 12:8 - সান্তালী বাইবেল

8 Uniye mena, ‘iń do ạḍiń kisạ̃ṛ akana, ḍher dhon duribgeń jogaṛ akada. Ińakʼ sanam kạmiko talare hoṛko do ińakʼ dos se kại do bako sendra ńamtińạ.’

Faic an caibideil Dèan lethbhreac




Hosea 12:8
29 Iomraidhean Croise  

“Hạni ńelepe, uni hoṛ Isor do acʼakʼ gaṛ bae hoyocoadea; uni do dhon sompotti cetanreye bhorsa akana, ar acʼakʼ bạṛicʼ sana reakʼ daṛete daṛeanicʼe hoyakana.”


Ape do jor julumre alope bhorsakʼa; ar ona luṭakʼre as alope dohojoṅa; ar baḍhaokʼkan dhonre mon hõ alope gaḍaotapea.


Eṛe tulạ do Probhu Isore kurudakʼa, menkhan hok reakʼ baṭkhara doe kusiyakʼ kana.


Arhõ nonkan hoṛ menakʼkoa okoe akoakʼ nońjorreko khạṭige, menkhan akoakʼ mạilạ khon bako saphakʼ kan,


Noakangea laṭghaṭ maejiuakʼ colon do; uni do laṭghaṭ tayom ḍạbrạ saphakateye meneda, “Iń do cetʼ bạṛicʼ hõ bạń kạmi akada.”


Ar cekatem meneda, iń do bạń bhõnḍ akana, am do cetʼ Bakʼal debota tayomte bam ńir sen akana? Buru nalakore amakʼ horko beṅgetʼatam; ar am okam ceka akatʼ ona hõ hudisokʼme. Am do mecka mecki baṛaekan phẽṭaṛ ũṭ leka hante natem piḍgạu baṛaekana.


Khańca do cẽṛẽkote cetʼleka perecʼge onkage onkoakʼ oṛakʼ hõ eṛe cholkote perecʼgea. Onate onko do kisạ̃ṛ ar daṛeanko hoyakana,


amakʼ maraṅ ạkil reakʼ bạnij hotete amakʼ dhonem baḍhao ocoakada, ar ona dhonkote amakʼ mon do bạḍạite perecʼ akantama;


Ar amren hoṛiń jom ocoletʼko tayom onko doko tirpitlena; ar tirpitente onko do bạḍạiteko perecʼena, ar ona tayom do ińko hiṛińkedińa.


E Israelren hoṛko, aperen Probhu Isor ṭhen ruạṛ hijukʼpe. Apeakʼ kại iạtege ape dope ńur akana.


Ińren hoṛkoakʼ kại gunạkʼte onkoakʼ do lab hoyokʼ kana ar ińren hoṛko kại lạgitʼko udgạuetʼkoa.


Ape dope menetʼkana, “Molokʼ cando do tis baṅ cabakʼ jemon jomakʼle ạkhriń daṛeakʼ? Sabath din baṅ tis paromokʼ jemon bajarre senkate guhumle ạkhriń daṛeakʼ? Ale do sosoṅakʼ baṭkharale komaotalea, ar damle ḍhera, ar ṭhoka reakʼ tulạkole beohara,


Onko do akoakʼ jhạli ńutumte janwar dãṛẽko samaṅetʼkoa ar or jhạli ńutumte dhupko jeretʼeda, ente jhạli iạtege onko do ḍherko laba ar bhage bhage jomakʼko joma.


Okoe onkoko kirińetʼko onko doko guretʼkogea menkhan apnar do bin dusạn mente bako hudisokʼkana. Ar okoe onkoko ạkhrińetʼko onko doko mena, ‘Probhu Isorakʼge sarhao baṛe hoyokʼtaema, iń doń kisạ̃ṛ akana.’ Onkoren gukʼpiko do onko cetanre bako dayakʼ kana.


Ape do apeakʼ katha hotete Probhu Isorpe laṅga ocoyede kana. Enhõpe meneda, “Cekate ale do unile laṅga ocoakadea?” Ape dope nonkayeda, arpe meneda, “Okoeko behoketʼkan onko sanamkoge Probhu Isorakʼ mẽtʼreko bhagegea ar uni hõ onko cetanreye kusigea,” Sepe meneda, “Okare menaea uni Isor do one uni dhorom reakʼe bicạretʼkan?”


Probhu Isor do arhõe meneda, “Ape do iń upạrte keṭecʼ keṭecʼ kathape roṛeda, menkhan apepe meneda, ‘am upạrte do cetʼle menakada?’


Uni dhorom guru do dhorome ṭarhaokʼa mente Jisui kulikedea, “Okoe kanae iń aḍepaseren hoṛ do?”


Ar ińakʼ jiwiń metawakʼa, E jiwi ḍher bochor lạgitʼ bae dohoakan acel pacel dhon menakʼtama. Onate ma jirạukʼjoṅme, jomme, ńũiyme ar hesecʼ sekrecʼjokʼte din ṭalaome.’


“Okoe hõ barea kisạ̃ṛ ṭhen guti do ohoe khaṭao daṛelena, ente mitʼ hoṛ doe kurudaea ar eṭakʼicʼ doe dulạṛea, se mitʼ hoṛ doe manotea ar eṭakʼicʼ doe neṅghaoea. Isor ar dhon ṭhen guti do ohogepe khaṭao daṛelena.”


Unre Jisui metatʼkoa, “Ape do hoṛko samaṅre dhorompe udugokʼ kana, menkhan Isor do apeakʼ mon reakʼe baḍaegea. Ente manwa ṭhen okaṭakʼ manotakʼkan, Isor samaṅre ona do hirkhạwakʼ kana.


Ape do mone montepe menkea, ‘ińakʼ nij daṛete, ińakʼ tite kạmikate niạko dhon doń hoyocoakada.’


Noa puriren kisạ̃ṛko hukumakome jemon onko do aloko usul monokʼ ar nasaokʼ dhonre aloko bhorsakʼ, menkhan Isorrege bhorsa akaeko tahenma. Unige mạṅgnite jotowakʼe kulạu anṭao abon kana rạskạte beoharjoṅ lạgitʼ.


ar mon baṅgla bhat akantako hoṛko talare mitʼ talao gulmal. Ar noko hoṛkore Isorakʼ sạritetʼ do bạnukʼa; Mạsiyakʼ dhorom pạtiạu onko do dhạrti secʼte mitʼṭecʼ lab reakʼ upại menteko bujhạueda.


Am dom meneda, kisạ̃ṛgeạń; ar maraṅ hoṛiń hoyakana, onate ińakʼ do cetʼ reakʼ reṅgecʼ hõ bạnukʼtińạ. Bogegea, menkhan bam baḍaea je, am dom reṅgecʼgea, kãṛãgea arem laṅgaṭgea mente.


Lean sinn:

Sanasan


Sanasan