Hosea 12:10 - সান্তালী বাইবেল

¹⁰ Iń do nạbiko ṭhen kathań roṛ akada, onko do ḍher dorsoniń emakatʼkoa ar onko hotete aema kathageń roṛakada.”

Hosea 12:10 Iomraidhean Croise

1 Rapajko 13:1

Jerobiam do janwar samaṅko lạgitʼ tinre pinḍ aṛereye teṅgo akan tahẽkana unre Probhu Isorakʼ katha leka Isorren mitʼṭen hoṛ do Jihudạ khon Bethelteye seṭerena.

1 Rapajko 17:1

Gilead reakʼ Tisbe atoren Eliạ do Ahabe metadea, “Iń okoeyiń sewawaekan Israelren uni jiwetʼ Probhu Isorre kiriạkateń meneda, iń ạuriń men hạbicʼ darakan bochorkore sisir hõ baṅ ńurokʼa, ar dakʼ hõ bae daga.”

1 Rapajko 19:10

Uni doe roṛ ruạṛkeda, “Sanam daṛeanicʼ Probhu Isor do jemon acʼakʼ paona bhotiye ńam onate ạḍiń gagojokʼ kana, ente Israelko do amakʼ teṅgoakʼ bondobosko bạgi akawada, ar amakʼ pinḍkoko rạputʼ giḍi akada ar amren nạbikoko gocʼ akatʼkoa. Ar iń eskarge sarecʼ minạńa ar nitokʼ do ińhõ gojeń reakʼko kurumuṭu kana.”

2 Rapajko 17:13

Probhu Isor do acʼren sanam nạbiko ar ńeńelko hotete Israelko ar Jihudiko niạ menteye sontorletʼkoa, “Apeakʼ bạṛicʼakʼ hor khon ruạṛokʼpe ar sanam ạn-ạriko okaṭakʼ do aperen hapṛamko manao lạgitʼ iń ematʼko tahẽkan ar ińren gutiko, metakʼme nạbiko hoteteń baḍae ocoakatʼpe ona lekage ińakʼ sanam hukumko ar niạmko manaope.”

Nehemiạ 9:30

Menkhan enhõ ḍher bochor hạbicʼ onkoakʼem sahaoleda. Amren nạbiko ar amren jiu hotete onkom sontorletʼkoa, menkhan onko do ona bako luturatʼ tahẽkana. Onate am do eṭakʼ eṭakʼ jạtrenkoakʼ tirem jimạletʼkoa.

Exodus 20:2

“E Israelko, ińge amren Probhu Isor do. Misor disạm khon golam oṛakʼ khon ińgeń oḍok ạguakatʼmea.

Jirimiạ 19:1

Probhu Isore meneda, “Am do senkate kuṅkạl ṭhen khon mitʼṭecʼ hasa reakʼ bhajan kiriń ạguiyme. Ar am sãote mitʼ bar murubbiko ar naekeko hõ iditorakom.

Jirimiạ 19:10

“Ona tayom okoe am sãoteko calakʼ onko hoṛ samaṅre hasa reakʼ ona bhajanem rạpuda arem metakoa, phạdkoren Probhu Isore meneda, ‘kuṅkạlakʼ noa bhajan rạputʼ lekhan cetʼleka baṅ joṛaokʼ ṭhik onkage iń hõ noko jạtrenko ar nagrahań rạputʼ gejera. Hoṛko do Tophetreko topakoa, topako lạgitʼ eṭakʼ ṭhạ̃i baṅ tahen iạte.

Jirimiạ 25:4

“Probhu Isor do acʼren sanam gutiko, metakʼme nạbiko jaoge ape ṭhene kolletʼkore hõ ape do bape ańjomletʼtakoa ar mone hõ bape moneyada.

Jirimiạ 7:25

Aperen hapṛamko Misor disạmko bạgiyatʼ tayom khon teheń hạbicʼ dinke din ape ṭhen ińren gutiko, metakʼme nạbikoń kolletʼkoa.

Jeheskel 17:2

“E manwa hopon, phen hotete Israelko lạiyakome,

Jeheskel 20:49

Unre ińiń menkeda, “E Probhu Isor, hoṛko iń reaṅko meneda, iń do eken phenkote noa doń roṛeda.”

Hosea 13:4

Probhu Isore meneda, “Misor khoniń oḍok ạgu akatʼme khon ińkangeạń amren Probhu Isor do. Iń chaḍa ar eṭakʼ Isor do bạnukʼkoa; iń chaḍa ar cele babańcaoko hõ bạnukʼkoa.

Hosea 3:1

Probhu Isor do ińe metadińạ, “Amren bạhu do eṭakʼ hoṛ sãoteye loṭghuṭi akatʼre hõ enhõ senkate arhõ dulạṛem. Israelko do debotako secʼko ạcur akanre hõ ar pujạ reakʼ kismis piṭhạko kusiyakʼkanre hõ enhõ Probhu Isor cetʼlekae dulạṛetʼko, ṭhik onkage am hõ amren bạhum dulạṛea.”

Joel 2:28

“Ona tayom iń do sanam hoṛko cetanre ińren Jiu iń dulea. Onate aperen hopon ar hoponerako do nạbi lekate Isorakʼ kathako roṛa, ar aperen haṛam hoṛ do kukmũko ńela ar aperen juạnko hõ dorsonko ńama.

Levitikus 23:42

Eae din hạbicʼ ape do ḍera oṛakʼrepe tahena. Israel bõsren okoeko janam akan onko sanamkoge niạ jokhecʼ do ḍera oṛakʼre tahen hoyokʼtakoa.

Amos 7:14

Amos do Amasiại roṛ ruạṛdea, “Iń do nạbi hõ bạń tahẽkana, ar nạbiren celahõ bạń tahẽkana; iń do mitʼṭen gupiyicʼgeń tahẽkana, ar loa darekoń ńel todarotetʼ tahẽkana.

Aposkạmi 2:17

‘Mucạtʼ dinkore iń do sanam hoṛko cetanre ińren Jiu iń dulea; onate aperen hopon ar hoponerako do nạbi lekate Isorakʼ kathako lạiya, ar aperen juạnko do dorsonko ńama, ar aperen murubbiko do kukmũko ńela.

2 Korinthiko 12:1

Iń do arhõ thoṛań sarhaokʼ kana. Ente jãhãn lab bạnukʼtińre hõ okako dorson Probhu Isore ńel ocoakadiń ar okako iń ṭhene sodorakatʼ ona reaṅ iń do ńitokʼiń lạiya.

2 Korinthiko 12:7

Iń ṭhen ạḍi lekanakʼko sodorakante alo jemoniń usulokʼ, onate kosṭo emạń lạgitʼ ińakʼ hoṛmore mitʼṭecʼ jạnum, metakʼme Soetanren goḍete emadiń tahẽkana.