Hosea 11:6 - সান্তালী বাইবেল

⁶ Onkoakʼ nagrahakore botorge lạṛhại hoyokʼa; onate onkoakʼ phaṭok duạrko reakʼ huṛkạṛko do rạpudokʼtakoa ar onkoakʼ goṭawakʼ iạte onko doko marao utạrokʼa.

Hosea 11:6 Iomraidhean Croise

Sereńko 106:39

Ar nonkate onko doko bhoṅḍena; akoakʼ kạmiko iạte Probhu Isor ṭhen bepạtiạrkoko hoyena.

Sereńko 106:43

Aema dhao uni do onkoe rukhiyạketʼkoa, menkhan onko do akoakʼ kusiteko hulkeda; ar kại gunạkʼteko ḍiṅgrạyena.

Jesaea 18:5

Phosol samṭao ạurire tinre baha baṅ tahena ar ona baha do darkha jokate belekʼa unre uni do kạidạte kahle ḍạrkoe hesea ar cap capa ḍạrko doe kaman giḍikakʼa.

Jesaea 27:10

Pạcrite esetʼ nagraha do nisun akana; ona do bạgi giḍiyakʼ oṛakʼ ar hahaṅkar leka bạgi giḍi hoyakana. Onḍe do mĩhũko ạtińa arko burumokʼa; ar dare reakʼ sakamko joma.

Jesaea 30:1

Probhu Isore meneda, “Hae onko ṭhoṭhok hoponko do, okoe do ponthawakʼko kạmikan menkhan iń leka do baṅa. Onko do bondobosko bandhaoeda menkhan ińren Jiu reakʼ sana leka do baṅ. Jemon kại cetan kạiko ḍạṅjoṅ.

Jesaea 9:14

Onatege Probhu Isor do Israelakʼ khijur ḍạr ar chuchi ṭheṅga, metakʼme bohokʼ ar canḍbol do mitʼ dinregeye samakʼ topaga.

Jirimiạ 5:17

Onko do apeakʼ phosol ar jomakʼko jomtapea, aperen hopon ar hoponerakoko jomkoa; onko do aperen bhiḍi-merom-ḍaṅgra palko jomkoa, ar apeakʼ sanam darkha bagwan ar loa dareko jom cabaetapea. Ar okaṭakʼ gaṛ nagraharepe bhorsakʼkan ona do tarwaṛeteko dhaṅdhasera.”

Jirimiạ 50:35

Probhu Isore meneda, “Babelrenko upạrte, uniren hoṛko upạrte ar uniren cetan hudạren kạmiyạko ar ạkilan hoṛko upạrte tarwaṛe do menakʼgea.

Rak̕joṅ 2:9

Ona reakʼ phaṭok duạrko do otre danaṅ akana; huṛkạṛko doe rạputʼ giḍiakada. Uniren raj ar mukhiyạko do jạt jạtrenko talareko bondi ocoakana; ạn-ạri mente cetʼge bạnukʼa; uniren nạbiko do Probhu Isor ṭhen khon dorson do bako ńameda.

Jeheskel 20:47

Ar dạkhin reakʼ bir do ińakʼ katha ańjom lạgitʼ metaeme. Unim metaea, Probhu Isore meneda, ‘iń do amre seṅgeliń salgaoa ar ona do amakʼ sanam berel ar rohoṛ dare nạ̃ṛĩkoe joma. Ona jolokʼkan seṅgel do bạṅ ĩṛĩjokʼa ar dạkhin khon utạr hạbicʼ sanam hoṛ do ona reakʼ lepʼteko khạurạkʼa.

Hosea 10:14

ona iạte ape upạrte lạṛhại reakʼ kạumạu rakapʼa ar apeakʼ sanam gaṛko do marao ocokʼa, cetʼleka Solomon do lạṛhại hilokʼ Beth-Arbele maraoletʼ. Unre hopon ar hoponerako sãote eṅgatko hõ otreko tawakʼ ocolena.

Hosea 10:6

Ona do Ạsurte idi ocoakana ar maharajakʼ khajna lekate emakana. Ona iạte Ephrayim do bae manot ocokʼa, ar Israel do acʼakʼ goṭawakʼ lạgitʼe lajao ocokʼa.

Hosea 13:16

Samariạren hoṛko do akoren Isor upạrteko hul akatʼte onko do akoakʼ ghạṭko goga. Onko do lạṛhạireko gujukʼa; onkoren huḍiń gidrạko do otreko tawakʼ gejer ocokʼa ar onkoren bhạrti hoṛmo maejiuko do lacʼko getʼ cirạ ocokʼa.”

Hosea 4:16

Israelko do keṭecʼ hoṭokʼan gại leka kanako. Onate ṭạnḍiren bhiḍi hoponko leka Probhu Isor do cekateye gupikoa?

Hosea 4:17

Ephrayim do boṅgako sãoteye mitʼakana; uni do onage onka ocowaeme.

Levitikus 26:25

Ińakʼ bondobospe rạputʼ akatʼte ape cetanre lạṛhạikoń ạguiya. Unre bạiriko ńelte nagrahatepe bolokʼre iń do mahamạriń kola, ar onate bạirikoakʼ tirepe paṛaokʼa.

Levitikus 26:31

Iń do apeakʼ atoko, nagrahako ar dewa-sewa oṛakʼkoń marao giḍikatapea. Ar apeakʼ samaṅokʼakʼko bạń ataṅtapea.

Levitikus 26:33

Ar eṭakʼ jạtrenko talareń chirchạturpea ar tarwaṛeteń khudạu baṛapea. Apeakʼ disạm reakʼ sanam jumiko, atoko ar nagrahako do jarkharokʼtapea.

Amos 6:8

Phạdkoren Probhu Isor do acʼakʼ ńutumte kiriạkateye meneda, “Iń do Jakobakʼ bạḍại ar uniyakʼ gaṛkoń hirkhạwakʼ kana; onate apeakʼ nagraha ar onare menakʼ jotowakʼ do eṭakʼ hoṛakʼ tireń jimạkakʼa.”

Mikạ 5:11

Amakʼ disạm reakʼ nagrahakoń maraoa ar amakʼ sanam gaṛkoń rạputʼ giḍikakʼa.

Malaki 4:1

Phạdkoren Probhu Isore meneda, “Ńelme, ona din hijukʼkana, ona do culhạ reakʼ seṅgel leka jolokʼa. Enhilokʼ sanam bạḍại hoṛko ar sasantaoko do lanḍha busupʼ lekako hoyokʼa arko lo torojokʼa. Mitʼṭecʼ rehetʼ se mitʼṭecʼ ḍạr hõ sarecʼ do baṅ tahena.

Dosar Biboron 28:52

Onko do apeakʼ ato ar nagrahako gherao ạcurtapea, ar sesre oka usul ar keṭecʼ pạcri bhitko cetanrepe bhorsakʼkan ona hõ lạnduṛokʼtapea. Ar aperen Probhu Isor okaṭakʼ disạme emape lạgidokʼkan ona disạm reakʼ mitʼke mitʼ ato ar nagrahako gherao ạcurtapea.

Dosar Biboron 32:25

Onkoren hopon ar hoponerako do nagraha bahrere tarwaṛe reakʼ hạnteko gujukʼa, ar oṛakʼ bhitrire botorteko udạsokʼa. Onkoren juạn koṛa ar kuṛiko, kạṭicʼ gidrạko ar haṛam buḍhiko doko marao utạrokʼa.