Hosea 11:4 - সান্তালী বাইবেল

⁴ Iń do daya reakʼ baberte ar dulạṛ reakʼ tonolteń calaoetʼko tahẽkana; onkoakʼ taren khon arãṛiń ocokʼkeda ar eṅgotʼkateń jom ocoyetʼko tahẽkana.

Hosea 11:4 Iomraidhean Croise

2 Samuel 7:14

Iń do uniren apatiń hoyokʼa ar uni do ińren hopone hoyokʼa. Ar uniye behok lekhan eṭakʼ hoṛ cetʼleka sạjạiko ńam uni hõ onkageń sạjạiyea.

Sereńko 105:40

Onko do jomakʼko khojletʼte uni do gunḍri cẽṛẽkoe kolketʼkoa; ar serma khon piṭhại ematʼkoteye bi ocoketʼkoa.

Exodus 16:32

Tayomte Moseye menkeda, “Probhu Isore hukum akada aperen bõsko lạgitʼ mitʼ Omorkate Manna pe rakapʼ dohokakʼa, jemon onkoko ńel daṛeakʼ Probhu Isor do Misor disạm khone oḍok ạgupe tayom hahaṅkarre cetʼ lekan jomakʼe ematʼpe tahẽkana mente.”

Soros sereń 1:4

Iń do rajiń metadea, “Am sãote idiyińme; dela, alaṅ do laṅ ńir senokʼa.” Uni do acʼakʼ oṛakʼteye aderkedińa. Ale do am sãotele rạskạkʼa arle hulạsokʼa; darkha rasa khon hõ amakʼ dulạṛ do ḍherle sarhaotama. Onko amko dulạṛetʼme ona do jutakʼ kangea.

Jesaea 63:9

Uni do onkoakʼ jotowakʼ dukreye dukena ar uniren goḍet do onkoe bańcaoketʼkoa. Uniyakʼ daya ar dulạṛte uni do onkoe chaḍaoketʼkoa; sedaeakʼ sanam dinkore onko doe tul rakapʼketʼkoa are ghõṛa idiketʼkoa.

Hosea 2:8

Uni do bae aṅgocetʼ tahẽkana, ińge anaj, nãwã darkha rasa ar sunumiń emaekan tahẽkana, sona ar rupạko hõ ḍher okocʼiń emaekan tahẽkana, one oka uni do Bakʼal debota lạgitʼe beboharetʼ tahẽkan.

Levitikus 26:13

Ińge Probhu aperen Isor do. Misor disạm khon ińgeń oḍok ạgu akatʼpea jemon Misri hoṛkoren golamko ar alope tahen. Apeakʼ taren reakʼ ãṛãṛ rạputʼkate ińge apeakʼ bohokʼ iń sojhetapea.

Johan 12:32

Iń do ot khon coṭteń rakapʼ ocokʼre sanamko iń ṭheniń or sorkoa.”

2 Korinthiko 5:14

Mạsiyakʼ dulạṛge ale doe gobol akatʼlea, ente khạṭigele bujhạuakada je, sanamko lạgitʼ mitʼ hoṛe gocʼena, ar ona iạte sanamgeko gocʼena.

Dosar Biboron 32:12

Probhu do eskarge uniye ạyur ạguyedea, uni sãote cele debota hõ bako tahẽkana.

Dosar Biboron 32:14

Uni do palrenkoakʼ dahe ar bhiḍi meromko reakʼ toa, ar bhiḍi hoponkoakʼ jele jom ocokedea, Basan disạmren palren merom bodakoakʼ itil do guhum reakʼ mĩhĩ holoṅ tulucʼe jom ocokedea. E Israel, am do darkha reakʼ rasagem ńũ akada.