Hosea 11:2 - সান্তালী বাইবেল

² Mekhan Israel tinạkʼ iń hohowade unạkʼge uni do iń ṭhen khon sạṅgińteye ocokʼ calaoena. Uniren hoṛko do Bakʼal debota ṭhen janwar dãṛẽko samaṅketʼkoa ar boṅga murhutʼko ṭhen dhup jeretʼko ehopʼena.

Hosea 11:2 Iomraidhean Croise

1 Rapajko 12:33

Irạl cando reakʼ gel mõṛẽakʼ dinre Bethelre acʼ benaoakʼ pinḍre uni do janwarkoe samaṅketʼkoa. Ona reakʼ okte do apnar bachaoakʼge tahẽkantaea. Nonkate uni do Israelko lạgitʼ mitʼṭecʼ porobe hoyocokeda ar janwarko samaṅko lạgitʼ pinḍe benaokeda.

1 Rapajko 18:19

Ńitokʼ am do hoṛ kolkate Israelren sanamko Karmel burure iń ṭhen jarwakom. Ar Isebelakʼ ṭebilre Bakʼal debotaren okoe pon sae mõṛẽgel nạbi ar Aseraren pon sae nạbiko do jom ńu ocokom ar nonḍe ạgukom.”

Nehemiạ 9:30

Menkhan enhõ ḍher bochor hạbicʼ onkoakʼem sahaoleda. Amren nạbiko ar amren jiu hotete onkom sontorletʼkoa, menkhan onko do ona bako luturatʼ tahẽkana. Onate am do eṭakʼ eṭakʼ jạtrenkoakʼ tirem jimạletʼkoa.

Jirimiạ 18:15

Menkhan ińren hoṛ do iń hiṛińkate ạuṛiyakʼren boṅga ṭhen dhupko jeretʼeda. Onko do akoakʼ ḍaharreko tohotʼ gurakana. Ar iń sabeń lạgitʼ khạyũkʼko la akada, ona sedae reakʼ soṛok korege. Onko do bhage hor bạgikate bạṛicʼ secʼko ghańjeṛ akana.

Jirimiạ 44:5

Menkhan onko do bako luturada, ar bako hetaoada; ar onko do akoakʼ dusṭạmi khon bako ruạṛlena ar debotako ṭhen dhup jered hõ bako bạgiletʼa.

Hosea 11:7

Ińren hoṛko do iń ṭhen khon ruạṛ calakʼko niṭ akada. Ona iạte onko do maraṅ Isor, metakʼme ińko hohowạńre hõ bạń goṛowakoa.

Hosea 2:13

Tinạkʼ din Bakʼal debota ńutumte dhupkoe jered ar mundạm ar abhrankote sajkate acʼren dulạṛiạkoe pańjako ar ińe hiṛińiń unạkʼ dinge uniń sạjạiyea. Iń Probhu Isorge noa katha doń meneda.

Hosea 4:13

Buru reakʼ cuṛạkore onko do janwar dãṛẽko samaṅetʼkoa ar buru cetan reakʼ Elon, Libni ar Ela dare buṭạko reakʼ umulre dhupko jeretʼeda. Ona iạte aperen hoponerako do kusumbiko hoyokʼtapea ar hoponkoren bạhuko doko loṭghuṭiya.

Hosea 4:17

Ephrayim do boṅgako sãoteye mitʼakana; uni do onage onka ocowaeme.

Sakariạ 1:4

Aperen hapṛamko leka do alope hoyokʼa. Onko ṭhen lahaten nạbiko do niạ kathageko lạileda, jemon onko do akoakʼ bạṛicʼ hor ar bạṛicʼ hewa khonko ruạṛ hijukʼ. Menkhan bako ańjomleda ar ińakʼ katha hõ bako hetawada.

Sakariạ 7:11

“Menkhan onko do ona ańjom bako rebenlena; onko do hoṭokʼko keṭecʼketʼtakoa ar ruạṛ senkate luturko esetʼketʼtakoa.

Luk 13:34

“E Jerusalem, E Jerusalem! Am do nạbikom gocʼetʼkoa ar am ṭhen kol ocokʼkanko do dhiritem tińetʼkoa. Sim eṅga cetʼleka acʼren hoponko phạ̃kṛạ̃kʼ latareye guṅgutʼko onkage iń hõ amren hoṛko guṅgutʼkoń menleda, menkhan ape do bape rebenlena.

Johan 3:19

Uni do dusi menteye lekha ocoakana ente dhạrtire marsal hecʼakana, menkhan manwakoakʼ kạmiko bạṛicʼgete manwa do marsal khon ńutge bạ̃ṛtiko dulạṛetʼkana.

Aposkạmi 7:51

E keṭecʼ hoṭokʼanko! Be-Jihudiko lekage apeakʼ lutur ar ontor do, ar apehõ ṭhik aperen hapṛamko leka kanape. Ape do jaoge sonot Jiupe tạkicʼ daramedekana.

Bikʼcạrko 10:6

Israel hoponko do arhõ Probhu Isorakʼ nońjorre oka bạṛicʼakʼkan onage kạmiko ehopʼena. Onko do Bakʼal debotako ar Astarot debiko ar Aramrenko, Sidonrenko, Moabrenko, Amonrenko ar Philisṭikoren debotako sewawakoko ehopʼena. Nonkate Israelko do Probhu Isorko bạgikedete ar bako sewawadea.

Bikʼcạrko 2:13

Ar nonkate onko do Probhu Isor bạgikate Bakʼal debota ar Asṭoret debiko sewawae kan tahẽkana.

Bikʼcạrko 3:7

Ar Israelko do Probhu Isorakʼ mẽtʼre oka bạṛicʼakʼkan onage kạmiko ehopʼena. Onko do akoren Probhu Isorko hiṛińkedete Bakʼal debota ar Asera debi sewawaeko ehopʼena.