Hosea 11:11 - সান্তালী বাইবেল

¹¹ Misor khon cẽṛẽ leka, ar Ạsur khon do potam leka onko do thar tharaokʼ tulucʼ iń ṭhenko hijukʼa. Ar iń do onkoakʼ oṛakʼregeń dohokoa. Iń Probhu Isorge noa katha doń meneda.”

Hosea 11:11 Iomraidhean Croise

Jesaea 11:11

Enhilokʼ Probhu Isor do acʼren sarecʼ jiwetʼ hoṛko Ạsur khon, Misor khon, Pathros khon, Kus khon, Elam khon, Babel khon, Hamath ar jalapuri ḍhip reakʼ disạm khon bańcaoko lạgitʼ dosar dhao tiye tiyạrtaea.

Jesaea 60:8

“Apnarakʼ tahen jaega secʼ parwa cetʼlekako uḍạu hijukʼ onkage rimil lekako uḍạu hijukʼkan onko doko celekana?

Jirimiạ 31:12

Onko do hecʼkate Sion reakʼ cetan ṭhạ̃ireko rạskạkʼa; ar iń emakʼ ḍher anaj, nãwã darkha rasa, sunum, bhiḍi merom ar pal ḍaṅgrakoren hopon ńamkateko rạskạkʼa. Onko do bhage dakʼ ńamakʼ bagwan lekako hoyokʼa; onko do ar bako nijorokʼa.

Jeheskel 34:27

Ona do ṭạnḍi reakʼ darekore joye sapʼ ocoya ar ot do phosole emokʼa; ar onko do apan ạpin jumireko girobasokʼa. Ar onkoakʼ arãṛ tinreń rạputʼ giḍikakʼa ar okoe do golamko benaoletʼko onkoakʼ ti khoniń chaḍao ạgukoa, ar unreko baḍae daṛeakʼa, ińkangeạń Probhu Isor do.

Jeheskel 34:28

Onko do jạt jạtkoren luluṭ jinis do ar bako hoyokʼa, bir janwarko ṭhen hõ bako jom ocokʼa. Onko do khạtirjomako tahena ar celege bako botor ocokoa.

Jeheskel 37:25

Ar okaṭakʼ disạm do ińren guti Jakob iń em akawadea, ar okaṭakʼ disạmre onkoren hapṛamko girobasokʼ kan tahẽkan onḍege onko hõko girobasokʼa. Onko ar onkoren hoponko, hoponerako ar goṛom gidrạko onḍe jaejugko tahena ar ińren guti Dạud do jaejug hạbicʼ onkoren raje hoyokʼa.

Hosea 3:5

Ar ona tayom do akoren Probhu Isor ar onkoren raj Dạud secʼko ruạṛa. Mucạtʼre onko do Probhu Isorakʼ bhor ńam lạgitʼ botor salakʼ uni ṭhenko hijukʼa.

Hosea 7:11

“Ephrayim do mitʼṭen bebuj parwa leka kanae; uni doe lelhagea. Uni do ghane Misore hohoaekana ar ghane do Ạsur ṭhene calakʼkana.

Obodiạ 1:17

Menkhan Sion bururen adom hoṛko do rukhiyạko ńama; onko do Isor ńutumte begar akan hoṛ kanako. Ar Jakobakʼ bõsren hoṛ do akoakʼ sompottiko ńama.

Sakariạ 10:10

Misor disạm khon iń do onkoń ruạṛ ạgukoa ar Ạsur khoniń jarwakoa. Gilead ar Lebanonteń ạgukoa ar nunạkʼ hoṛko hoyokʼa, onḍe onkoakʼ jaega do baṅ anṭaokʼa.

Sakariạ 8:7

Iń do arhõń meneda, purub disạmrenko ar pạchim disạmrenko khon ińren hoṛkoń rukhiyạkoa.

Sakariạ 8:8

Jerusalemre girobasokʼ lạgitʼge onko doń ruạṛ ạgukoa. Onko do ińren hoṛko hoyokʼa ar iń do onkoren Isoriń hoyokʼa; ar onkore pạtiạr ar dhoromgeń tahena.