Hosea 11:10 - সান্তালী বাইবেল

¹⁰ Amren hoṛ do ińko pańjayińạ, ente iń do dhạcri kul lekań hạnḍrạukʼa. Ar ińiń hạnḍrạu tayom ińren hoponko do pạchim secʼ khon thar tharaokʼ tulucʼko hijukʼa.

Hosea 11:10 Iomraidhean Croise

Jobakʼ 37:1

“Iń do botorteń thar tharaokʼ kana ińakʼ ontor do dhak dhakaokʼ kantińạ.

Sereńko 119:120

Am botorte hoṛmo do caṭokʼkantińạ; ar amakʼ ạn ạriko iạte iń doń botorokʼ kana.

Sereńko 2:11

Bhokti salakʼ Probhu Isor dewa sewawaepe, ar ontorre botor salakʼ rạskạkʼpe.

Jesaea 11:11

Enhilokʼ Probhu Isor do acʼren sarecʼ jiwetʼ hoṛko Ạsur khon, Misor khon, Pathros khon, Kus khon, Elam khon, Babel khon, Hamath ar jalapuri ḍhip reakʼ disạm khon bańcaoko lạgitʼ dosar dhao tiye tiyạrtaea.

Jesaea 2:5

E Jakob bõsrenko, dela hijukʼpe; dela, Probhu Isorakʼ marsalre bon dãṛãnma.

Jesaea 31:4

Probhu Isor do niạ kathae metadińạ, “Dhạcri kul cetʼleka acʼe gocʼ akade janwar cetanreye gondraokʼkan ar uni upạrte mitʼ dol gukʼpikoko hoholere hõ bae botorokʼkan. Onkage phạdkoren Probhu Isor do lạṛhại lạgitʼ Sion buru ar ona reakʼ usul ṭhạ̃ikoreye pheḍ hijukʼa.

Jesaea 42:13

Mitʼṭen birbão hoṛ leka Probhu Isor doe oḍok hijukʼa; uni do lạṛhại bir leka acʼakʼ tạpise uskurtaea; uni do lạṛhại lạgitʼ ãṭ aṛaṅteye hohoea ar bạiriko cetanreye jitạukʼa.

Jesaea 49:10

Onko do baṅ reṅgecʼkoa, ar baṅ tetaṅkoa se hahaṅkar reakʼ lolo se siń cando reakʼ jharla jhạrli setoṅ hõ baṅ paṛaoakoa. Onko cetanre okoeye mãyãkʼkan unige hore udukʼakoa ar dakʼ jharna ṭhene ạyur idikoa.

Jesaea 64:2

Seṅgel cetʼleka jhurikoe jol ocoyte dakʼe heḍecʼ ocoy onkage am hõ pheḍ hijukʼte amren bạiriko ṭhen sodorokʼme, jemon jạt jạtrenko am samaṅre botorteko thar tharaokʼ.

Jesaea 66:2

Niạko sanamakʼ do ińakʼ titeń benao akada ar onatege niạko do hoyakana. Okoe doe nindhạnge, okoeyakʼ ontor do talga tạuạkʼ akantae ar okoe ińe botorạń iń do unigeń beṅgetʼaea.

Jesaea 66:5

Ape okoe Probhu Isorakʼ kathatepe luk lukạukʼ kan ape do uniyakʼ katha ańjomtaepe. Uniye meneda, “Aperen boeha do apeko kurudapea ar iń iạte apeko ḍheka oḍokpea. Onko doko mena, ‘Probhu Isorakʼ ṭhonok hoyokʼma, ale do jemon apeakʼ rạskạle ńelńam,’ Menkhan onko do apnartege lajaoreko paṛaokʼa.

Jirimiạ 25:30

“Ńitokʼ am do onko upạrte nạbi lekate noako katha roṛme, ‘Probhu Isor do cetan khone hạnḍrạua; ar acʼakʼ sonot ṭhạ̃i khon acʼakʼ aṛaṅe ańjom ocoytaea ar uniyakʼ disạm upạrte ãṭteye hạnḍrạua. Ar darkha joko len leka uni do dhạrtireko girobasokʼkan sanamko upạrteye hohoea.

Jirimiạ 31:9

Onko do rakʼ rakʼteko hijukʼa; ar tinre onkoń ruạṛ ạgukoa unre onko do koe koeteko hijukʼa. Onko do otte ar gaḍa dakʼko secʼteń taṛam ocokoa; onḍe onko do bako tohodokʼa, ente iń do Israelren, metakʼme Eprayimren apat kạnạń ar uni do ińren pạhil janamicʼ hopon kanae.

Jirimiạ 33:9

Unre niạ nagraha do dhạrtiren sanam jạtrenko samaṅre ińe rạskạ ocoyińạ are manot ocoyińạ are sarhao ocoyińạ. Ar uni okakoń bhạlạiye ona do onko jạtrenko ańjom ńama, ar uniń em akawade asambheṛ bhạlại ar suluk ńelte hoṛko doko botorokʼa arko thar tharaokʼa.

Jirimiạ 5:22

Iń do cetʼ bape botorạń kana? Iń samaṅre cetʼ bape thar tharaokʼ kana? Ińge jaejug reakʼ mitʼṭecʼ bondobos lekate gitilte doreão reakʼ simạnań ṭhik dohoakada, jemon jalapuri do ona bae parom daṛeakʼ. Ona reakʼ ḍheoko hecʼlenre hõ ona do bae leṭecʼ daṛeakʼa; ar ona do hud hudạukʼre hõ bae parom daṛeakʼa.

Jirimiạ 50:4

Onako dinre ar ona jokhecʼ Israel ar Jihudạren hoṛko do mitʼteko hijukʼa ar rakʼ rakʼteko hijukʼa ar onkoren Probhu Isorko ńam baṛayea.

Jirimiạ 7:6

ar bidisiạko, ṭũạr amarko se rạnḍiko bape santaoko ar niạ disạmre miridoskoakʼ mãyãm bape joro ocoy ar eṭakʼ debotako bape pańjako,

Jirimiạ 7:9

Ape do kombṛoko, gogocʼko, laṭghaṭko ar eṛe eṛe kiriạkʼko kanape ar Bakʼ-al debota ńutumte dhupkope jeretʼetʼ kana. Ona chaḍa okoe debotako bape orom akatʼko onkope pańjayetʼkoa.

Jeheskel 26:16

Unre jalapuri aṛe reakʼ disạmkoren rapajko do akoakʼ siṅghạson khon pheḍkate akoakʼ raj kicricʼ ar noksa akatʼ kicricʼko totʼ giḍikakʼa. Ar botorte otreko duṛupʼa, ar jao okteko thar tharaokʼa ar am ńelteko torasokʼa.

Hosea 3:5

Ar ona tayom do akoren Probhu Isor ar onkoren raj Dạud secʼko ruạṛa. Mucạtʼre onko do Probhu Isorakʼ bhor ńam lạgitʼ botor salakʼ uni ṭhenko hijukʼa.

Joel 3:16

Probhu Isor do Sion khone hạnḍrạukʼa, ar Jerusalem khon acʼakʼ aṛaṅe ańjom ocoytaea; serma ar ot do dal dalaokʼa. Menkhan Probhu Isor do acʼren hoṛkoren hirlại hoyokʼa.

Amos 1:2

Amose menkeda, “Probhu Isor do Sion khone hạnḍrạukʼkana ar Jerusalem khon do acʼakʼ ãṭ aṛaṅe ańjom ocoyeda. Onate gukʼpikoakʼ ạtiń ṭạnḍiko do ṭonḍaṅokʼ kana ar Karmel buru muthni reakʼ dareko do gujukʼkana.”

Amos 3:4

Sikạr bae ńamle khan kul do cetʼ gajaṛ khone hạnḍrạukʼgea? Ar jãhãnicʼ bae sapʼ daṛeae khan dhạcri kul do cetʼ acʼakʼ danderreye gondraokea?

Amos 3:8

Dhạcri kule hạnḍrạulere okoe hale bae botorkokʼa? Probhu Isor roroṛe metae khan nạbi lekate katha do okoe hale bae nạbikea?

Mikạ 4:5

Jạt jạtrenko do akoren debotakoakʼ daṛeteko kạmiyetʼre hõ abo do jaejug aboren Probhu Isorakʼ daṛete bon kạmi idiyma.

Habakkuk 3:16

Ona ańjomkate iń do botorokʼ iń ehopʼena, ińakʼ luṭikin hõ thar tharaoentinạ; iń doń nijor idiyena ar ińakʼ jaṅgakin do lakaṛ lukuṛokʼ ehopʼena. Enhõ iń do ona din lạgitʼ jiwi hataṛkate koyokʼ hor akaegeń tahena one oka hilokʼ ale khekhedko do muhinreko paṛaokʼ.

Sakariạ 10:10

Misor disạm khon iń do onkoń ruạṛ ạgukoa ar Ạsur khoniń jarwakoa. Gilead ar Lebanonteń ạgukoa ar nunạkʼ hoṛko hoyokʼa, onḍe onkoakʼ jaega do baṅ anṭaokʼa.

Sakariạ 10:12

Ińakʼ daṛete onko do daṛeankoń hoyocokoa ar ińakʼ sana lekageko calakʼa. Iń Probhu Isorge noa katha doń meneda.”

Sakariạ 8:7

Iń do arhõń meneda, purub disạmrenko ar pạchim disạmrenko khon ińren hoṛkoń rukhiyạkoa.

Johan 8:12

Jisu do arhõ hoṛkoe metatʼkoa, “Ińge dhạrti reakʼ marsal do. Okoe ińakʼ horteye calakʼ uni do tis hõ ńutre bae taṛama, bickom jion reakʼ marsale ńama.”

Aposkạmi 24:25

Pạul do tinre dhorom horte calakʼ reakʼ, apnar sambṛaokʼ ar darakan bicạr reaṅe lạiyadea, unre Pheliks do botorenteye menkeda, “Ma ńitokʼ do calakʼme; arhõ okte nạpitreń hohoawma.”

Romiko lạgitʼ Pạul Apostolakʼ ciṭhi 8:1

Okoe Jisu Mạsireko kolom mitʼakan Isor do onko sạjạiyokʼ lek kanako mente bae hudiskoa.

2 Patras 2:10

Ona chaḍa okoe Isor botoraekoko baṅkan, asokaete okoe do akoakʼ kusi sana lekako calakʼkan ar ḍanṭao bako moneyakʼkan, onko sạjạiko lạgitʼ uni do bicạr din hạbicʼ dohoko hõe baḍaegea. Noko eṛe cecetʼko do ạḍi dilanko kanako. Onko do akoakʼ kusi sana lekako calakʼa ar ṭhonokanko upạrte henosta kathako roroṛ hõ bako botorokʼa.