Hosea 11:1 - সান্তালী বাইবেল

¹ Probhu Isore meneda, “Israel do gidrạ tahẽkan khongeń dulạṛedekana ar Misor khon do ińren hopongeń hoho ạgukedea.

Hosea 11:1 Iomraidhean Croise

Sereńko 129:1

Israel doe menma, “Gidrạń tahẽkan khonge hoṛko do ạḍiko santaoedeń kana.

Exodus 19:4

Onko do apnar mẽtʼtegeko ńelakada, misrikoń cetʼleka letʼkoa mente. Pajhạṛ cẽṛẽ cetʼleka phạ̃kṛạ̃kʼteye idiko onkage iń do Israelko iń ṭheniń ạgu akatʼkoa.

Exodus 4:22

Ona tayom am do Pharaoem metaea, Probhu Isore meneda, ‘Israel doe ińren pạhilicʼ hopon kana.

Exodus 4:23

Ińiń metatʼme tahẽkana ińren pạhilicʼ hopon do sen ocoaeme jemon ińe sewa daṛeạń. Menkhan bam sen ocoadete amren pạhilicʼ hoponiń gojea.’ ”

Jesaea 43:4

Am bodolte iń do eṭakʼ hoṛkoń emokʼa ar amakʼ jiwi bodolte eṭakʼ jạtrenkoń emokʼa, ente ińakʼ nońjorre am dom damangea arem manotgea, ar iń do amiń dulạṛetʼmea.

Jirimiạ 12:7

“Iń do amren hoṛkoń aṛakʼ giḍi akatʼkoa ar ińakʼ sompotti Israel doń bạgi akadea; ar okoeyiń dulạṛede uni do acʼren bạirikoakʼ tireń soprot akadea.

Jeheskel 16:22

Ar amakʼ sanam hirkhạwakʼkote ar amakʼ laṭghaṭkote amakʼ kuṛi jokhecʼ reakʼ din do bam disạleda, bạṛicʼakʼ kạmi ar amakʼ loṭghuṭi talare am do amakʼ gidrạ pạṛiạ reakʼ katha hõ bam disạleda one tinre uluṅge ar eken hoṛmo apnarakʼ mãyãm cetanrem khạṛupạtu baṛaekan tahẽkan.

Jeheskel 16:6

“‘Iń do am aṛeteń parom calakʼkan tahẽkan jokhecʼ amakʼ mãyãmrege khạṛupạṭukʼ kaniń ńelketʼmea. Ar unreń hukumatʼmea jemon amakʼ mãyãmrege jiwetʼem tahen.

Hosea 10:15

E Bethel, amre onkage hoyokʼa, ente amakʼ dusṭạmi do ḍhergetama. Aṅgalen khange Israelren raj do purạteye marao ocokʼa.

Hosea 12:13

Probhu Isor do Misor khon Israel ạguiye lạgitʼ mitʼṭen nạbiye beoharledea; uni hotete uniye ńel todarot ledea.

Hosea 12:9

Menkhan E Ephrayim, ińge amren Probhu Isor do; ińge Misor khoniń oḍok ạguakatʼmea. Amakʼ niṭakatʼ porobko reakʼ okte leka arhõ am do tạmbureń tahẽocomea.

Hosea 13:4

Probhu Isore meneda, “Misor khoniń oḍok ạgu akatʼme khon ińkangeạń amren Probhu Isor do. Iń chaḍa ar eṭakʼ Isor do bạnukʼkoa; iń chaḍa ar cele babańcaoko hõ bạnukʼkoa.

Hosea 2:15

Onḍe iń do uniyakʼ darkha bagwaniń ruạṛkataea ar Akhor reakʼ buru nala do as reakʼ duạriń hoeocoyea. Uniyakʼ juạn oktere leka uni do onḍeye sereńa cetʼleka uni do Misor khon oḍok hijukʼ dinreye sereńletʼ tahẽkan.

Malaki 1:2

Probhu Isore meneda, “Iń do apeń dulạṛ akatʼpea, ” Menkhan apepe meneda, “Am do oka lekam dulạṛketʼlea” Probhu Isor doe roṛ ruạṛakeda, “Esao do cetʼ Jakobren boeha bae tahẽkana? Enhõ Jakob iń dulạṛkedea menkhan Esao do bạń moneyadea. Ińge uniyakʼ burukoń jarkharketʼtaea ar uniyakʼ ṭhạ̃i do hahaṅkarren toyokoakʼ iń hoyoco akada.”

Dosar Biboron 33:3

“Sạrige uni do acʼren hoṛkoe dulạṛetʼkoa. Sonot goḍetko do acʼakʼ tire menakʼkoa, sanamkoge uniyakʼ umulreko taṛameda; ar uniyakʼ hukumko senakʼkana.

Dosar Biboron 7:7

“Eṭakʼ jạtrenko khonpe ḍherge iạte Probhu Isor do apeye dulạṛ akatʼpea seye bachao akatʼpea ona do baṅa, ente eṭakʼ jạtrenko khon apeakʼ lekha do thoṛagea.