Hosea 10:8 - সান্তালী বাইবেল

⁸ Beth-Aben reakʼ than boṭkocʼko, metakʼme Israelakʼ kại reakʼ ṭhạ̃iko do maraokʼ ocokʼa. Onḍe do rạṅgạini jạnumko janam rakabokʼte onkoakʼ pinḍkoe danaṅ esedtakoa. Unre onko do maraṅ maraṅ buruko metawakʼa, “De danaṅ esetʼlepe” ar huḍiń buruko doko metawakʼa, “De ale cetanre ńurokʼpe.”

Hosea 10:8 Iomraidhean Croise

Genesis 3:8

Ado ạyupʼ reakʼ reaṛ hoeye ehopʼ akatʼ tahẽkanre unkin do Probhu Isorakʼ aṛaṅkin ańjomketʼtaea. Ente bagwanre uni doe dãṛãbaṛae kan tahẽkana. Unre Adam ar uniren bạhu do Probhu Isor samaṅre alo paṛaokʼ lạgitʼ bagwan reakʼ dareko talarekin okoyena.

1 Rapajko 13:2

Uni do Probhu Isorakʼ katha leka pinḍ upạrteye roṛ saḍekeda, “E pinḍ, E pinḍ, Probhu Isor do niạ kathae meneda, ‘Dạud bõsre Josiạ ńutuman mitʼṭen hopone janamokʼa. Ar usul than boṭkocʼkore okoe naekeko ńitokʼ am cetanre janwarko samaṅetʼko uni do onko naekeko am cetanreye samaṅkoa ar manwakoakʼ jaṅ hõe atar giḍikatakoa.’ ”

1 Rapajko 13:34

Niạko kạmi Jerobiam bõsrenko lạgitʼ do kại hoyena jemon onko doko ḍahao maraokʼte dhạrti khonko caba utạrokʼ.

1 Rapajko 14:16

Jerobiam okakoe kại akatʼ ar Israelko okae kại ocoakatʼko ona iạte Probhu Isor do onkoe bạgi giḍiyakoa.”

2 Rapajko 23:15

Nabatren hopon Jerobiam Israelko cetʼlekae kại ocoyetʼko tahẽkan ar Bethelre oka pinḍ ar than boṭkocʼkoe benaoletʼ Josiạ do onako hõe marao giḍikada. Josiạ do ona than boṭkocʼkoe rạputʼ gejerkeda ar Asera khunṭi do seṅgelreye atarkada.

2 Bõsbudạ 31:1

Ado porob mucạtʼen khan onḍeko jarwa akan Israelko doko oḍokente Jihudạ nagrahate senkate sewawakʼ dhiriko, Asera muṭhạnko, than boṭkocʼko ar pinḍkoko marao giḍikada. Onko do Jihudạ, Benjạmin, Ephrayim ar Manase gusṭikoakʼ goṭa ṭoṭhate senkate onkageko kạmikeda. Nokoko marao cabaketʼko tayom Israelko do apan ạpin ato ar nagrahateko ruạṛ calaoena.

Jesaea 2:19

Probhu Isor do tinre dhạrtiren hoṛko botor udukʼako lạgitʼe hijukʼa unre uniyakʼ botoranakʼ edre ar uniyakʼ ṭhonok reakʼ jhalkaokʼ khon rukhiyạ ńam lạgitʼ hoṛko do buru dander ar ot reakʼ bhugạkʼteko bolokʼa.

Jesaea 2:21

Probhu Isor do tinre dhạrtiren hoṛko botor udukʼako lạgitʼe hijukʼa unre uniyakʼ botoranakʼ edre ar uniyakʼ ṭhonok reakʼ malkaokʼ khon bańcaokʼ lạgitʼ maraṅ maraṅ dhiri ciritʼre ar buru reakʼ paṛakʼreko bolokʼa.

Jesaea 32:13

Jạnum ar rạṅgạinite perecʼ ińren hoṛkoakʼ disạm lạgitʼ koṛam ceṭagtape. Hẽ rạskạ ar hulạste perecʼ oṛakʼ duạr ar andoṛte perecʼ nagraha lạgitʼ koṛam ceṭagtape.

Jesaea 34:13

Ona doṅgolre do jạnum jhonḍako hara rakapʼa, seṅgel siń ar rạigạini do ona reakʼ gaṛkore. Ona disạm do toyokoakʼ dander ar ũṭ cẽṛẽkoakʼ tahen jaega hoyokʼa.

Hosea 10:2

Uniren hoṛkoakʼ ontor do bepạtiạr getakoa; onate onko do ńitokʼ dos reakʼ bojha asen baṛae hoyokʼtakoa. Probhu Isor do onkoakʼ pinḍkoe rạputʼ giḍikatakoa ar onkoakʼ pujạ reakʼ dhirikoe marao cabaetakoa.

Hosea 10:5

Samariạreko girobasokʼ kan hoṛ do Beth-Abenren mĩhũ boṅga iạte botor caṛhao akatʼkoa. Uniren hoṛ doko homor halaṅeda ar uniren boṅgako sewawako kan naekeko doko hae haeyokʼ kana, ente boṅgako reakʼ ṭhonok do onko khon sạṅgiń ocoakana.

Hosea 10:9

Probhu Isore meneda, “E Israel, Gibearem kạiletʼ khonge am dom kại ạguiyetʼkana, ar kạirege am dom tahẽyena. Lạṛhại do cetʼ Gibearen dusṭạmiren hoponko bae tiyokʼ daṛeakoa?

Hosea 2:6

Ona iạte iń do jạnumkote uniyakʼ horiń esedtaea; ar uni beṛhaete hõń pạcri eseda jemon acʼakʼ hor aloe sendra ńam daṛeakʼ.

Hosea 4:13

Buru reakʼ cuṛạkore onko do janwar dãṛẽko samaṅetʼkoa ar buru cetan reakʼ Elon, Libni ar Ela dare buṭạko reakʼ umulre dhupko jeretʼeda. Ona iạte aperen hoponerako do kusumbiko hoyokʼtapea ar hoponkoren bạhuko doko loṭghuṭiya.

Hosea 4:15

“E Israel, am dom laṭghaṭ akatʼre hõ Jihudạ do inạ dusire alo jemone paṛaokʼ. Ape do Gilgolte alope senokʼa; Beth-Abentehõ alope calakʼa; Ar ‘jiwetʼ Probhu Isor ńutumteń kiriạkʼ kana’ mente do alope kiriạkʼa.

Hosea 5:8

“Ape do Gibiạre siṅgạ ar Ramare do pẽpṛẽtʼpe oroṅeda. Ar Beth-Abnere do hohoatepe meneda, ‘E Benjamin, lạṛhại baṛe ạyur bonme.’

Hosea 8:5

E Samariạ, amren mĩhũ-boṅga doń nihạ̃t giḍi akadea. Ar onako upạrtege ińakʼ edre seṅgel do jolokʼkana. Bogekʼ lạgitʼ amren hoṛ do ar tinạkʼ din lagaoakoa?

Hosea 9:6

Onko do ḍahao maraokʼakʼ ti khon tinreko ńir pharakokʼa unre Misor do onkoe jarwakoa ar Memphis nagraha doe topakoa. Seṅgelsiń do onkoakʼ rupạ reakʼ damanakʼkoe hameṭjoṅa; ar rạṅgạiniko do onkoakʼ tạmbui jạpudtakoa.

Amos 1:5

Iń do Damesek reakʼ huṛkạṛ koń rạputʼ giḍikakʼa; ar Awen reakʼ lodamre hoṛko ar Beth-Edenre okoeṭakʼ hoṛ do raj ṭheṅgae sapʼakatʼ uni doń marao giḍikaea. Ar Aramren hoṛ do bondikate Kirteko idi ocokʼa.”

Amos 3:14

Kại iạte oka hilokʼ Israeliń sạjạiye enhilokʼ do Bethel reakʼ pinḍko hõń rạputʼ giḍikakʼa; unre pinḍ reakʼ dereńko do otre rạputʼ ńurokʼa.

Amos 7:9

Isahak bõsren hoṛkoakʼ than boṭkocʼko ar Israelakʼ koejoṅ reakʼ eṭakʼ ṭhạ̃iko do maraokʼ giḍikʼa. Iń do tarwaṛete Jerobiam bõsrenko upạrteń teṅgona.”

Amos 8:14

Onko okoe Samariạren boṅga ńutumte kiriạkateko men, ‘E Dan, amren jiwetʼicʼ debota ńutumtele kiriạkʼkana se, ‘Ber-sebaren jiwetʼicʼ debota ńutumtele kiriạkʼkana,’ onko doko bhindạṛokʼa, ar tishõ bako beretʼa.”

Mikạ 1:13

E Lakisre tahenkan hoṛko, ape do Rãt gạḍi sãote sadomko joṛaokope. Israelakʼ bedhoromtetʼ pạhilre ape talare ńamlen iạte Sion-kuṛi do apege kại hortepe idiledea.

Mikạ 1:5

Jakobakʼ kại lạgitʼ, metakʼme Israel bõsrenkoakʼ behok lạgitʼge noako do hoyokʼa. Jakobakʼ ghạṭ reakʼ dusi doe okoekana? Samariạ do cetʼ baṅa Jihudạwakʼ than boṭkocʼko lạgitʼ dusi doe okoekana? Jerusalem do cetʼ baṅa?

Nạhum 3:11

E Niniwi, am hõ bul bhuteṛkatem kunḍlạṅ hapekokʼa; ar bạiriko khon okokʼ lạgitʼ asrayem sendrajoṅa.

Luk 23:30

Unre hoṛko do maraṅ burukoko metakʼa, ‘De ale cetanre dhasaokʼpe,’ ar huḍiń buruko doko metakʼa, ‘De danaṅlepe.’

Dosar Biboron 9:21

Apeakʼ ona kại reakʼ jinisko, metakʼme aperen benaoicʼ uni mĩhũ hataokate seṅgelreń khadlekadea. Ar ona tayom doń koṭecʼ gejerkedete dhuṛi lekań lopotʼ lopotʼkeda ar buru khon ạtu pheḍokʼkan dakʼreń giḍikada.

Johan sodor 6:16

Onko do buruko ar dhirikoko metatʼa, “De ale cetanre bhindạṛokʼpe ar ona siṅghasonreye duṛupʼ akan, uniyakʼ mẽtʼãhã samaṅ khon ar Bheḍa Hoponakʼ edre khon oko dohokalepe,

Johan sodor 9:6

Unre hoṛko do gujukʼko ńam baṛaea, menkhan okalekatege bako ńama; onko do gujukʼko khoja, menkhan gujukʼ do onko khone ńir pharakokʼa.