Hosea 10:2 - সান্তালী বাইবেল

² Uniren hoṛkoakʼ ontor do bepạtiạr getakoa; onate onko do ńitokʼ dos reakʼ bojha asen baṛae hoyokʼtakoa. Probhu Isor do onkoakʼ pinḍkoe rạputʼ giḍikatakoa ar onkoakʼ pujạ reakʼ dhirikoe marao cabaetakoa.

Hosea 10:2 Iomraidhean Croise

1 Rapajko 18:21

Eliạ do hoṛko samaṅre senkateye menkeda, “Ar tinạkʼ din barea lạukạre lebetʼ akanpe tahena? Probhu doe Isorkan khan unige sewawaepe, ar Bakʼalgeye Isorkan khan enḍekhan unige sewawaepe.” Menkhan hoṛko do cetʼge bako roṛ ruạṛleda.

Exodus 23:24

Ape do onkoren boṅgako se debotako alope sewawakoa ar onḍenko hoṛ cetʼko cekae onka hõ alope kạmiya. Ape do onkoren murtikope rạputʼkoa ar onkoakʼ pujạ reakʼ thanko hõpe rạputʼ gidikakʼa.

Kạhtukko 11:18

Bedhoromkoakʼ rojgarakʼ do ạuṛiyakʼgetakoa, menkhan Isore botoraekan hoṛ okoe do itạye er uni do sạrige ona reakʼ phosole ira.

Jesaea 44:18

Onko hoṛko do cetʼge bako baḍaea, ar bujhạu hõ bako bujhạua. Arko kãṛãgete bako ńeńela ar monhõ bondgetakote bujhạu hõ bako bujhạu daṛeakʼa.

Jirimiạ 43:13

Uni do Misor disomre menakʼ Heliopolis reakʼ boṅga khunṭikoe rạpuda ar Misorren debotakoakʼ mundilkoe jeretʼ giḍikakʼa.’ ”

Jeheskel 14:5

Israelkoakʼ ontor ńam ruạṛ lạgitʼge iń do noań onkaea, ente onko jotoge akoren boṅga muṭhạnko lạgitʼ ińko bạgi akadińạ.

Hosea 12:11

Gilead do bedhoromteye perecʼgea; uniren hoṛ doko ạuṛiyakʼgea. Onko do Gilgolre ḍher ḍaṅgrako samaṅketʼkoa. Onkoakʼ pinḍko do casetʼkan jumire dhiri ḍạṅko leka ḍhergea.

Hosea 13:16

Samariạren hoṛko do akoren Isor upạrteko hul akatʼte onko do akoakʼ ghạṭko goga. Onko do lạṛhạireko gujukʼa; onkoren huḍiń gidrạko do otreko tawakʼ gejer ocokʼa ar onkoren bhạrti hoṛmo maejiuko do lacʼko getʼ cirạ ocokʼa.”

Hosea 3:4

Ṭhik nonkage Israelko do ḍher din hạbicʼ rapajko, mukhiyạko, samaṅokʼakʼ porobko, pujạ reakʼ dhiriko, ephod ar boṅgako chaḍageko tahena.

Hosea 7:8

“Ephrayim do eṭakʼ jạt jạtrenko sãoteye mesaokʼkana; uni do baṅ ulṭạu akatʼ piṭhạ kanae.

Levitikus 26:30

Iń do apeakʼ pujạ reakʼ than boṭkocʼkoń marao giḍikatapea, dhup reakʼ pinḍkoń rạputʼ giḍikakʼa ar aperen bin jiwiyan debotako cetanre apeakʼ mạ̃ṛĩkoń ṭhikikakʼa, ar edre mẽtʼteń ńelpea.

Mikạ 5:13

Am bhitri khon goṛhon muṭhạnkoń rạputʼ giḍikakʼa ar amakʼ sewa khunṭiko hõń maraoa; amakʼ tite benaoakʼ jinisko do ar bam pujạwakʼa.

Sephaniạ 1:5

Sermaren sanam ipilko sewawako lạgitʼ okoe do chat cetanre decʼkateko ḍobokʼetʼkan ar okoe do Probhu Isor ńutume kiriạ tayom hõ Milkom debota ńutumteko kiriạkʼ kan onko hõń marao utạrkoa.

Mathae 6:24

“Okoe hõ barea kisạ̃ṛ ṭhen guti do ohoe khaṭao daṛelena, ente mitʼ hoṛe dulạṛea ar eṭagicʼ doe kurudaea. Mitʼ hoṛakʼe ańjomtaea ar eṭagicʼ doe neṅghaoea. Isor ṭhen ar dhon ṭhen guti do ohogepe khaṭao daṛelena.

Luk 16:13

“Okoe hõ barea kisạ̃ṛ ṭhen guti do ohoe khaṭao daṛelena, ente mitʼ hoṛ doe kurudaea ar eṭakʼicʼ doe dulạṛea, se mitʼ hoṛ doe manotea ar eṭakʼicʼ doe neṅghaoea. Isor ar dhon ṭhen guti do ohogepe khaṭao daṛelena.”

Jakob 1:8

Uni doe bar monan hoṛkana ar joto kạmirege bae ṭarhaokʼa.

Jakob 4:4

E baṅ pạtiạukʼko, ape do cetʼ bape baḍaea, dhạrti tulucʼpe gatekʼ do Isorren bạiripe hoyokʼa mente? Onate jãhãe dhạrtiren gate hoyokʼe menjoṅkan khan uni do apnarte Isorren bạiriye hoyokʼ kana.

1 Johan 2:15

Ape do dhạrti ar dhạrti reakʼ jãhãnakʼge alope dulạṛa. Ar jãhãe dhạrtiye dulạṛ khan, enḍekhan uni do Baba bae dulạṛedekana,

1 Samuel 5:4

Ona dosar hilokʼ hõ onko do ạḍi setakʼre beretʼkateko ńelkeda Dagon do Probhu Isorakʼ sinduk samaṅre otre taberteye bhindạṛ akana. Uniyakʼ ti ar bohokʼ do rạputʼkate duạr ganaḍe cetanre ńur akana, ar hoṛmo do goṭage menakʼa.