Hosea 10:11 - সান্তালী বাইবেল

¹¹ Ephrayim do kuṛạiye ńam akatʼ mitʼṭen gại leka kanae okoe do phosol manḍae kusiyakʼ kan, menkhan iń do uniyakʼ mońj hoṭokʼre arãṛ iń gokʼaea. Ephrayim do ińren cacas ḍaṅgrae hoyokʼtińạ ar Jihudạ do ińakʼ nahelgeye ora, ar Jakob do ḍhelak hasae gejera.”

Hosea 10:11 Iomraidhean Croise

Jesaea 28:24

Casokʼicʼ do itạ erokʼ lạgitʼ cacastegeye tahena? Uni do cetʼ jaoge ḍhelake gejera are ãṛgom somana?

Jirimiạ 28:14

Iń Israelren phạdkoren Probhu Isorgeń meneda, noko jạtrenko jemon Babelren raj Nebukadnesarren golamko hoyokʼ onate onkoakʼ tarenre mẽṛhẽtʼ reakʼ arãṛ iń ladeakoa, ar onko do uniko sapʼsoraea. Ar uni do bir janwarko cetanre hõ ektiạriń emaea.’ ”

Jirimiạ 46:20

“Misor do mitʼṭen mońj okocʼ mĩhũ kanae, menkhan utạr secʼ khon uni upạrte mitʼṭen rõ doe hijukʼkana.

Jirimiạ 50:11

“E Babelrenko, ape do ińakʼ ạidạripe luṭ akawana ar onatepe rạskạkʼ kana, arpe kusikʼ kana. Ape do phosol enokʼkan mĩhũ lekape don baṛaekana ar khacaṛ sadom lekape hinhạukʼ kana;

Hosea 11:4

Iń do daya reakʼ baberte ar dulạṛ reakʼ tonolteń calaoetʼko tahẽkana; onkoakʼ taren khon arãṛiń ocokʼkeda ar eṅgotʼkateń jom ocoyetʼko tahẽkana.

Hosea 2:5

Onkoren eṅgattetʼ doe laṭghaṭ akada ar okoe uniyakʼ kukhireye hoyakan uni do lajao paṛaoakʼgeye kạmi akada. Uniye menkeda, ‘ińren dulạṛiạkoń pańjakoa; onkoge ińakʼ jomakʼ ar ńũiyakʼ, bhiḍi upʼ, mĩhĩ musnạ jạ̃ṛĩ sutạm, sunum ar ńũńũakʼko emạńkana.’

Hosea 3:1

Probhu Isor do ińe metadińạ, “Amren bạhu do eṭakʼ hoṛ sãoteye loṭghuṭi akatʼre hõ enhõ senkate arhõ dulạṛem. Israelko do debotako secʼko ạcur akanre hõ ar pujạ reakʼ kismis piṭhạko kusiyakʼkanre hõ enhõ Probhu Isor cetʼlekae dulạṛetʼko, ṭhik onkage am hõ amren bạhum dulạṛea.”

Hosea 4:16

Israelko do keṭecʼ hoṭokʼan gại leka kanako. Onate ṭạnḍiren bhiḍi hoponko leka Probhu Isor do cekateye gupikoa?

Hosea 9:1

E Israel, eṭakʼ jạtrenko leka do alom hulạs porobokʼa. Am do amren Isor bạgikate unire bepạtiạricʼem hoyakana; ar mitʼke mitʼ khạrạire kusumbi reakʼ kuṛại ńamkate am dom kusi akana.

Mikạ 4:13

Probhu Isore meneda, “E Sion kuṛi, ma beredokʼte phosol manḍaeme; iń do mẽṛhẽtʼ reakʼ dereń ar pitạl reakʼ khurạń emama jemon ḍher jạtrenkom gejer daṛeako. Onkoakʼ behokte hameṭakʼ jinisko ar dhon do iń ńutumte, goṭa dhạrtiren Probhu Isor ńutumte maraokʼ reakʼem sarapakoa.”

Romiko lạgitʼ Pạul Apostolakʼ ciṭhi 16:18

ente nonkanko hoṛ do aboren Probhu Mạsiren golam hoyokʼ baṅkate apnar lacʼgeko moneyakʼkana. Onko do sebel ar luhum suhum kathate sojhe monan hoṛko bulạuetʼkoa.

Dosar Biboron 25:4

“Ekʼen kan ḍaṅgra do moca alom toltaea.