Hosea 1:6 - সান্তালী বাইবেল

⁶ Gomer do arhõe bhạrti hoṛmoyena ar uniren do armitʼṭen kuṛi hopone janamena. Unre Probhu Isor do Hoseae metadea, “Kuṛi hoponakʼ ńutum do Lo ruhamah. (metakʼme ‘Mãyãwạnicʼ do baṅa’) ente Israelren hoṛko do ar bạń dayawakoa, ar onko do baṅgeń ikạkoa.

Hosea 1:6 Iomraidhean Croise

2 Rapajko 17:20

Ona iạte Probhu Isor do sanam Israelkoe nihạ̃t giḍiketʼkoa. Uni do harket sasetreye dohoketʼkoa ar luluṭkoakʼ tireye jimạkatʼkoa, ar mucạtʼre acʼ samaṅ khone ocokʼ giḍikatʼkoa.

2 Rapajko 17:6

Hoseawakʼ rajokʼ areyakʼ bochorre Asurren raj do Samariạ hatkate Israelko Asurteye bondi idiketʼkoa. Uni do Halare, Haber gaḍa aṛe Gosan ṭoṭhare ar Mediạkoakʼ nagrahakoreye girobas ocoketʼkoa.

Jesaea 27:11

Ona reakʼ ḍạrko rohoṛlen khan ona do rạputʼ giḍikʼa ar maejiuko do hecʼkate seṅgelre onako khadlea. Noko do mitʼṭen lelha jạtren kanako, onate okoe onkoe benao akatʼko onko cetanre uni do jãhãnakʼ bae mãyãkʼa; onkoren sisirjạuicʼ hõ onkore bae dayakʼa.

Hosea 1:8

Lo-ruhamah do toa ńũńũi bạgiketʼ khan Gomer do arho mitʼṭen hopone janamkedea.

Hosea 2:23

Iń lạgitʼge uni do disạmre itạ lekań ereya; ar okoeyiń metade tahẽkan, ‘ińren dayayicʼ hoṛ dom baṅkana’ unre unigeń dayawaea. Ar okoekoń metatʼko tahẽkan, ‘ińren hoṛ doko baṅkana,’ onko doń metakoa, ‘ape do ińren hoṛ kanape’ ar onko doko mena, ‘am kangeam aleren Isor do.’ ”

Hosea 2:4

Uniren hopon ar hoponerako do bạń dayawakoa, ente onko do laṭghaṭren hopon kanako.

Amos 7:8

Uni doe metadińạ, “Amos, cetʼem ńeleda?” Ińiń roṛ ruạṛadea, “Mitʼṭecʼ sạhul baber.” Unre Probhu Isore menkeda, “Ińren hoṛ Israelko talare iń do mitʼṭecʼ sạhul baber iń dohoyeda; onko do ar bạń dayawakoa.

Amos 9:8

Ińakʼ mẽtʼ do khạṭige niạ ghạṭte perecʼ rajosṭi cetanre menakʼa. Dhạrti khon iń do onań marao giḍikakʼa; enhõ Jakobakʼ bõs do purạte bạń marao utạra.

1 Patras 2:10

Mitʼ jokhecʼ Isorren hoṛ do bape tahẽkana, menkhan ńitokʼ dope hoyakana; mitʼ jokhecʼ ape do daya bape ńamakatʼ tahẽkana, menkhan ńitokʼ dope ńamakada.