Hosea 1:4 - সান্তালী বাইবেল

⁴ Unre Probhu Isor do Hoseae metadea, “Am do uniyakʼ ńutum Jisreyelem dohoytaea, ente Jisreyel nagrahare Jehu do ḍher hoṛe gocʼletʼkote iń do uniyakʼ bõsrenko cetanre usạrage sạjạiyiń ạguiya ar Israelakʼ rajosṭiń caba utạra.

Hosea 1:4 Iomraidhean Croise

2 Rapajko 10:1

Samariạre Ahabren eaegel hoponko tahẽkana. Jihu do ciṭhi olkate Samariạte Jisriyelren subedarko ṭhen, murubbiko ṭhen ar Ahabren bõs rurukhiyạko ṭhene kolkeda. Uniye olkeda,

2 Rapajko 10:17

Jihu do Samariạte hecʼkate Ahab bõsren sarecʼ sanam hoṛkoe gocʼketʼkoa. Probhu Isor do Eliạ cetʼ lekae metade tahẽkan onkage Jihu do onkoe marao utạrketʼkoa.

2 Rapajko 15:29

Israelren raj Pekawakʼ oktere Asurren raj Tiglot-Pilese do hecʼkate Iyon, Abel-beth-Maka, Janoa, Kedes, Hasor, Gilead, Gạlil ar Napthali reakʼ sanam ṭoṭhae ạidạriana ar hoṛko bondikate Asurteye idiketʼkoa.

2 Rapajko 15:8

Jihudạren raj Asariạwakʼ rajokʼ pegel irạlakʼ bochorre Jerobiamren hopon Sakhariạ do Israelren raj lekate turui cando raje calaoleda.

Jesaea 7:14

Ona iạte Probhu Isor do acʼge ape ṭhen mitʼṭecʼ cinhại uduga. Ona do hoyokʼ kana, mitʼṭen kũạri kuṛi doe bhạrti hoṛmokʼa ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.

Jesaea 8:3

Tayomte ińren bạhu, okoe do maejiu nạbiye tahẽkan, uni sãoteń giticʼ mitʼente uni doe bhạrti hoṛmoyena ar mitʼṭen koṛa gidrại janamkedea. Unre Probhu Isor do ińe metadińạ, “Uniyakʼ ńutum do Maher-Salal-Has-Bas em dohoytaea.

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Jirimiạ 20:3

Ona dosar hilokʼ Pashur do ona hạṛipaṭa khon Jirimiại raṛakedea. Unre Jirimiạ do uniye metadea, “Probhu Isore em akatʼme amakʼ ńutum Pashur do baṅ bickom Magor-Misabibge hoyokʼa (mane do ‘beṛhaeten botoric’),

Jirimiạ 23:2

Ona iạte okoe do ińren hoṛko gupiyetʼko onko gukʼpiko upạrte Israelren Probhu Isor doe meneda, “Ape do ińakʼ palren bhiḍikope chirchạtur akatʼkoa arpe laga ńir akatʼkoa, onko do bape joton akatʼkoa; onate iń do apeakʼ behok iạteń sạjạipea.

Jirimiạ 3:8

Bạṛicʼ horte senakan Israel do bapag doleliń emade tahẽkana ar sanam lekan laṭghaṭ iạte uniń sạṅgiń giḍiledea. Menkhan iń doń ńelkeda uniren bepạtiạricʼ boeha kuṛi Jihudạ hõ jãhãn botorge bạnukʼtaea; uni hõ senkateye loṭghoṭikeda.

Jeheskel 23:10

Onko do uniko uluṅkedete uniren koṛa hopon ar kuṛi hoponko recʼkedea ar tarwaṛeteko makʼ gocʼkedea. Ar maejiuko talare uni do mitʼṭecʼ kạhtukgeye hoyena, ente unire bicạrko do purạuena.

Jeheskel 23:31

Am do amren boeham kuṛiyakʼ hortegem sen akana; onate uniyakʼ bạṭi do amakʼ tireń calam kana.

Hosea 1:6

Gomer do arhõe bhạrti hoṛmoyena ar uniren do armitʼṭen kuṛi hopone janamena. Unre Probhu Isor do Hoseae metadea, “Kuṛi hoponakʼ ńutum do Lo ruhamah. (metakʼme ‘Mãyãwạnicʼ do baṅa’) ente Israelren hoṛko do ar bạń dayawakoa, ar onko do baṅgeń ikạkoa.

Hosea 1:9

Unre Probhu Isor doe menkeda, “Nuiyakʼ ńutum do Lo-ammi (metakʼme ‘ińren hoṛ do baṅa’). ente ape do ińren hoṛ dope baṅkana ar iń hõ aperen Isor doń baṅkana.

Hosea 2:13

Tinạkʼ din Bakʼal debota ńutumte dhupkoe jered ar mundạm ar abhrankote sajkate acʼren dulạṛiạkoe pańjako ar ińe hiṛińiń unạkʼ dinge uniń sạjạiyea. Iń Probhu Isorge noa katha doń meneda.

Hosea 2:22

ar dhạrti do phosol, nãwã darkha rasa ar sunume emaea, ar onko hotete Jisreyel, metakʼme Israel do ińakʼ monejoṅakʼe bujhạua.

Hosea 9:17

Ińren Isor do onkoe nihạ̃t giḍi akatʼkoa, ente onko do uniyakʼ bako bataoletʼtaea; onko do eṭakʼ eṭakʼ jạtrenko talareko ạcur baṛaea.

Amos 9:8

Ińakʼ mẽtʼ do khạṭige niạ ghạṭte perecʼ rajosṭi cetanre menakʼa. Dhạrti khon iń do onań marao giḍikakʼa; enhõ Jakobakʼ bõs do purạte bạń marao utạra.

Mathae 1:21

Ar am do uniyakʼ ńutum Jisum dohoetaea, ente uni do acʼren hoṛko akoakʼ kại khone bańcaokoa.”

Luk 1:13

Serma goḍet do uniye metadea, “Alom botorokʼa, Sakariạ, ente Isor do amakʼ koejoṅe ańjomakada. Amren bạhu Elisabetren do mitʼṭen koṛa gidrại hoyokʼtaea. Ar uniyakʼ ńutum do Johanem dohoytaea.

Luk 1:31

Ńelme, am dom bhạrti hoṛmokʼa ar mitʼṭen koṛa gidrại hoyokʼtama. Uniyakʼ ńutum do Jisum dohoytaea.

Luk 1:63

Sakariạ do mitʼṭecʼ olokʼ paṭa koekateye olkeda, “Nuiyakʼ ńutum do Johan dohoy hoyokʼa.” Ar ona iạte sanamkoko hahaṛayena,

Johan 1:42

Ar Andreas do Jisu ṭhen Simone ạgukedea. Jisu do Simon beṅgetʼadeteye metadea, “Am do Johan hopon Simon kanam, menkhan am do kephasem hoho ocokʼa.” Noa ńutum reakʼ mane do Patras, metakʼme dhiri.

Josuạ 19:18

Onkoakʼ jaegare do paṛaoena, Jisreyel, Kesulot, Sunem,