Hosea 1:1 - সান্তালী বাইবেল

¹ Jihudạren raj Usiạ, Jotham, Ahas ar Hiskiạwakʼ rajokʼ oktere ar Israel raj Joasren hopon Jerobiamakʼ oktere Beriren hopon Hosea ṭhen Probhu Isorakʼ katha do sodorena.

Hosea 1:1 Iomraidhean Croise

2 Rapajko 13:13

Ar Jehoas do acʼren hapṛamko ṭhene senena ar uniren hopon Jerobiam do uniyakʼ jaegare raje hoyena. Ar Jehoas do Samariạre Israelren rajko sãoteye topa ocoyena.

2 Rapajko 14:16

Tayomte Jehoas do acʼren hapṛamko ṭhene ruạṛ calaoena ar uni do Samariạre Israelren rajko sãoteko topakadea. Ar uniren hopon Jerobiam do uni bodolte raje hoyena.

2 Rapajko 14:23

Jihudạ raj Joasren hopon Amasiạwakʼ rajokʼ gelmõṛẽakʼ bochorre Israelren raj Jehoas hopon Jerobiam do Samariạre raje hoyena ar uni do pongel mitʼ bochor raje calaokeda.

2 Rapajko 15:32

Remaliạren hopon Israelren raj Pekawakʼ rajokʼ dosar bochorre Jihudạren raj Usiạren hopon Jotham do rajokʼe ehopʼena.

2 Rapajko 15:5

Tayomte Probhu Isor do raje ghạlkede khan uni do jiwetʼ bhor murhucʼ jom rogteye jạbunena. Uni do mitʼṭecʼ begar oṛakʼreye girobasokʼkan tahẽkana. Ar rajren hopon Jotham do raj oṛakʼren mạlike hoyena ar disạm hoṛko ḍanṭaokoe ehopʼena.

2 Rapajko 15:7

Tayomte Asariạ do acʼren hapṛamko ṭhene calaoena ar uni do Dạudakʼ nagrahareko topakadea. Ar uniyakʼ jaegare uniren hopon Jotham do raje hoyena.

2 Bõsbudạ 27:1

Jotham raj do bargel mõṛẽ bochor umerre raje hoylena ar Jerusalemre gel turui bochor raje calaokeda. Uniren eṅgattetʼakʼ ńutum do tahẽkana Jerusa; uni do Sadokren hoponerae tahẽkana.

2 Bõsbudạ 28:1

Ahas do bargel bochor umer tahẽkantaere raje hoylena ar Jerusalemre gel turui bochor raje calaokeda. Uniren hapṛam Dạud cetʼ leka Probhu Isorakʼ mẽtʼre bhageakʼe kạmikan tahẽkan onka uni do bae kạmikan tahẽkana.

2 Bõsbudạ 29:33

Samaṅokʼ lạgitʼ okoe janwarkoko begar doholetʼko onkoakʼ lekha do turui sae ḍaṅgra ar pe hajar bhiḍi ar meromko tahẽkana.

Jesaea 1:1

Jihudi disạmren Usiạ raj, Jotham raj ar Hiskiạwakʼ rajokʼ oktere Amosren hopon Jesaea do Jihudạ ar Jerusalem reaṅ oka dorsone ńamletʼ ona reaṅge nonḍe do ol akana.

Jesaea 7:1

Usiạren goṛomtetʼ, metakʼme Jothamren hopon Ahas do tinre Jihudạ disạmren raje hoyena unre Aramren Rathsin raj do Israelren raj Ramayelren hopon Pekoho soṅgekate Jerusalem upạrte lạṛhại lạgitʼe rakapʼ hecʼena, menkhan unkin do bạkin jitạu daṛeada.

Jirimiạ 1:2

Jihudạren raj Amonren hopon Josiạwakʼ rajokʼ gelpe bochor oktere Probhu Isorakʼ katha do Jirimiạ ṭhen sodorena.

Jirimiạ 1:4

Probhu Isorakʼ katha do iń ṭhen hecʼena,

Jeheskel 1:3

Babelrenkoakʼ disạmre Kebar gaḍa aṛere Busiren hopon Jeheskel ṭhen, metakʼme Probhu Isorakʼ katha do iń ṭhen sodorena. Ar onḍe Probhu Isorakʼ ti do iń cetanre tahẽkana.

Joel 1:1

Pethuel hopon Joel ṭhen Probhu Isorakʼ katha do sodorlena.

Amos 1:1

Tekoaren gukʼpiko modre Amos hõ mitʼhoṛe tahẽkana. Unre Jihudạren raj do Usiạ ar Israelren raj do Joasren hopon Jerobiame tahẽkana. Dhạrti laṛaokʼ bar bochor lahare Israel babotre Isor okae udukʼade tahẽkan onage Amos doe lại jạhirleda.

Jona 1:1

Probhu Isorakʼ noa katha do Amitạiren hopon Jona ṭhen sodorena, “Am do ona maraṅ nagraha Niniwite senokʼme ar ona upạrte porcarme, ente hoṛkoakʼ bạṛicʼakʼ iń ńel ńametʼ kana.”

Mikạ 1:1

Jihudạren raj Jothom, Ahos ar Hiskiạwakʼ rajokʼ oktere Moresethren Mikạ ṭhen Samariạ ar Jerusalem reaṅ Probhu Isorakʼ katha do dorson hotete sodorlena.

Sakariạ 1:1

Darjawese rajokʼ dosarakʼ bochor reakʼ irạlakʼ candore Probhu Isorakʼ katha do Sakariạ nạbi ṭhen sodorena. Sakariạ do Berekiạren hopone tahẽkana ar Berekiạ do Idoren hopone tahẽkana.

Johan 10:35

Isorakʼ katha okoe ṭhen hecʼlen onkoge coṅ uni ma Deb menteye metatʼko tahẽkan. Sonot sostor reakʼ katha do cetʼ mạutạ daṛekokʼa? Tis hõ baṅa.

Romiko lạgitʼ Pạul Apostolakʼ ciṭhi 9:25

Ente Hosea nạbi puthire Isore menakada, “Okoe ińrenko baṅkan, onkoge ińren hoṛ menteń hohowakoa. Ar okoe bạń dulạṛakade, uni do dulạṛiạ menteń hohoaea.

2 Patras 1:21

ente nạbiko do akoakʼ kusi sana leka jãhãn katha bako roṛakada; onko do sonot Jiu reakʼ ạyurtege Isorakʼ kathako roṛakada.