Hagae 2:3 - সান্তালী বাইবেল

³ ‘ape talare nonkan okoe menaea one uni do noa oṛakʼ reakʼ lahateakʼ ṭhonoke ńelakatʼ? Ar ńitokʼ ona do cetʼ lekae ńeleda? Ape do cetʼ bape hudisetʼkana, lahateakʼ khon noa do cetʼge baṅkana mente?’

Hagae 2:3 Iomraidhean Croise

1 Bõsbudạ 22:5

Dạude menkeda, “Ińren hopon Solomon do umerteye komaogea ar bae gạkhuṛa, menkhan Probhu Isor lạgitʼ okaṭakʼ oṛakʼ benao hoyokʼ ona do sanam jạtren hoṛkoakʼ mẽtʼre ńutumanakʼ, jak jomok ar ṭhonokte perecʼ hoyokʼma. Ona lạgitʼ iń do jotowakʼiń jogaṛ dohokakʼa.” Niạ menkate Dạud do acʼakʼ gujukʼ ạurire aema lekanakʼ jiniskoe jogaṛ dohokada.

Esra 3:11

Onko do Probhu Isorakʼ sarhao ar ṭhonok reakʼ sereń sereńteko menkeda, “Uni doe bhạlạyạnicʼ kana, Israelko cetanre uniyakʼ daya do jaejug hạbicʼ tahenkana.” Probhu Isorakʼ oṛakʼ reakʼ rehetʼ bạisạuen khan sanam hoṛko do ãṭ aṛaṅte Probhu Isorko sarhaokedea.

Esra 3:12

Menkhan ḍherkoge tinre rạskạteko andoṛkeda unre okoe do lahateakʼ koejoṅ oṛakʼko ńelletʼ onkan ḍher haṛam naekeko, liwiko ar bõsren mathako do niạ koejoṅ oṛakʼ reakʼ rehetʼ ńelte ạḍi ãṭko rakʼkeda.

Jesaea 64:10

Amakʼ sonot nagrahako do hahaṅkar ṭoṭha hoyakana; Sion reakʼ dosa hõ onkage hoyakana, hẽ, Jerusalem hõ ujạṛ akana.

Jeheskel 7:20

Onko do mońj mońj gohna iạteko gorbokʼkan tahẽkana ar onate akoren hirkhạwan boṅga muṭhạnko benaojoṅ kan tahẽkana. Onate iń do onako hirkhạwakʼ jinisgeń hoyoco akatʼtakoa.

Hagae 2:9

Lahateakʼ oṛakʼ reakʼ ṭhonok khon ńitokʼakʼ oṛakʼ reakʼ ṭhonok do arhõ bạ̃ṛti jak jomok hoyokʼa. Noa ṭhạ̃ire iń do bhạlạiyiń ạguiya. Phạdkoren Probhu Isorge noa katha doń meneda.’ ”