Hagae 2:2 - সান্তালী বাইবেল

² “Am do Sealṭiel hopon Jihudạren disạm cakʼlaoicʼ Serubabel, Jehosadak hopon maraṅ naeke Josuạ ar sarecʼ sanam hoṛkom kulikoa,

Hagae 2:2 Iomraidhean Croise

Esra 2:63

Ar disạm cakʼlaoyicʼe hukumleda Urim ar Thumim beohar lạgitʼ naekeko ạuriko ńamokʼ hạbicʼ okoe hõ jemon ona sonot utạrakʼ jomakʼ aloko jomma.

Esra 3:2

Ar ona tayom Josadakren hopon Jesua ar uni sãoten naekeko ar Solṭielren hopon Serubabel ar uni sãoten hoṛko do jeredokʼ samaṅokʼakʼ porobokʼ lạgitʼ Isorren hoṛ Moseyakʼ ạn-ạrire olakʼ lekate Israelren Isorakʼ pinḍko benaokeda.

Nehemiạ 8:9

Ona tayom disạm cakʼlaoyicʼ Nehemiạ, naekeko ar dhorom guru Esra ar okoe Liwiko do hoṛkoko cetʼako kan tahẽkan onko do sanam hoṛko metatʼkoa, “Teheńakʼ niạ din do aperen Probhu Isor ńutumte sonotakʼ din kana. Ape do alope homora se alope raga.” Uni do niạ kathae menkeda, ente sanam hoṛge ạn-ạri reakʼ katha ańjomkateko rakʼetʼ tahẽkana.

Hagae 1:1

Darjawes rajakʼ rajokʼ dosar bochorre Sealṭielren hopon Serubabel do Jihudạren disạm cakʼlaoicʼe tahẽkana ar Jehosadokren hopon Josuạ do maraṅ naekeye tahẽkana. Ar inạ bochorge turui cando reakʼ pạhilakʼ dinre Probhu Isor do Hagae nạbi hotete onkoe metatʼkoa,

Hagae 1:12

Unre Sealṭiel hopon Serubabel, Jehosadek hopon maraṅ naeke Josuạ ar eṭakʼ sanam hoṛko do akoren Probhu Isorakʼ katha leka ar uniye kollede Hagae nạbiyakʼ katha lekako kạmikeda, ente onko do Probhu Isorko botorae kan tahẽkana.

Hagae 1:14

Inạ tayom Probhu Isor do Jihudạren disạm cakʼlaoicʼ Serubabelren, maraṅ naeke Josuạ ar sarecʼ sanam hoṛkoakʼ ontorre udgạuketʼtakoa. Onate onko do jotoge hecʼkate phạdkoren Probhu Isorakʼ oṛakʼ benao lạgitʼ kạmiko ehopʼkeda.