Hagae 1:8 - সান্তালী বাইবেল

⁸ Ape do ńitokʼ burure decʼkate kaṭ ạguiype ar koejoṅ oṛakʼ benaope, jemoniń kusikʼ ar manotiń ńam.

Hagae 1:8 Iomraidhean Croise

1 Rapajko 6:1

Misor disạm khon Israelkoko oḍok hecʼen tayom ponsae irạl gelakʼ bochorre Israelko cetanre Solomonakʼ rajokʼ ponakʼ bochor reakʼ Sib candore, metakʼme dosar candore Solomon do Probhu Isorakʼ oṛakʼ benaoe ehopʼena.

1 Rapajko 9:3

Probhu Isor do uniye metadea, “Am okaṭakʼ koejoṅ ar nehõrem dohoakatʼ ona doń ańjom akada. Amakʼ benaoakʼ niạ mundil do jaejug hạbicʼ ińakʼ tahen oṛakʼ lekate iń ńutumteń begar dohoakada. Niạ cetanre ińakʼ mẽtʼ ar mon do jao okte tahentińạ.

1 Bõsbudạ 22:19

Ńitokʼ ape do aperen Probhu Isorakʼ sana baḍae lạgitʼ apeakʼ goṭa jiwi, daṛete ar monte Probhu Isor ńutumte uniyakʼ sonot oṛakʼ benao lạgitʼ lạgiyạ paṛaokʼpe, jemon Probhu Isorakʼ bondobos reakʼ sinduk ar sonotakʼ jinisko do ạgukʼte onare dohokʼ.”

2 Bõsbudạ 7:16

Niạ koejoṅ oṛakʼ iń doń bachao akawante ińakʼ tahen oṛakʼ lekate iń ńutumteń begar dohoakada. Niạ cetanre jao okte ińakʼ mẽtʼ ar ontor do jhicʼge tahena.

Esra 3:7

Onko do rajmistriko ar chutạr mistriko ṭakako ematʼkote Sidon ar Turren hoṛkoakʼ jomakʼ, darkha rasa ar sunumko ematʼkoa jemon onko do Parasren Keros rajakʼ hukum lekate Lebanon khon Jappho hạbicʼ jalapurite debdạru kaṭkoko ạgu daṛeakʼ.

Esra 6:4

Onare pe aṭal do lạṭu lạṭu dhiri reakʼ ar mitʼ aṭal do kaṭ reakʼ. Ar jotowakʼ khorocko do rajakʼ dhon bhanḍar khon emokʼma.

Exodus 29:43

Israelko sãote onḍegeń ńapamokʼa ar ińakʼ ṭhonok do ona ṭhạ̃iye begar dohokakʼa.

Jesaea 60:13

“Lebanon reakʼ mạhima do am ṭhen hijukʼa; ińakʼ sonotakʼ ṭhạ̃i sajao lạgitʼ saro dare, jhao dare ar tạsur darekoge ạgukʼa; ar iń do ińakʼ jaṅga reakʼ ṭhạ̃iyiń ṭhonok ocoytińạ.

Jesaea 60:7

Kedarren pal bhiḍiko do am ṭhenko hecʼ jarwakʼa, Nebayotren bheḍako do amakʼ kạmireko lagaokʼa; ińakʼ pinḍre samaṅokʼakʼ lekate iń do onakoń ataṅa, ar ińakʼ ṭhonokʼ reakʼ oṛakʼ do artetʼgeń ṭhonok ocoya.

Jesaea 66:11

Ape do nunuipe ar bikʼpe Jerusalem reakʼ bạ̃skin khon asambheṛ oḍokokʼ kan bhạlại reakʼ jomkate tirpitokʼpe.

Hagae 1:7

Onate ape okalekape calakʼkan ona do mońjte hudiskate ńelpe.

Hagae 2:7

Ar sanam jạtrenkoń thar tharao ocokoa ar onate onko do akoakʼ dhon nonḍeko ạguiytakoa. Ar unre noa oṛakʼ do ṭhonokteń pereja.

Hagae 2:9

Lahateakʼ oṛakʼ reakʼ ṭhonok khon ńitokʼakʼ oṛakʼ reakʼ ṭhonok do arhõ bạ̃ṛti jak jomok hoyokʼa. Noa ṭhạ̃ire iń do bhạlạiyiń ạguiya. Phạdkoren Probhu Isorge noa katha doń meneda.’ ”