Hagae 1:11 - সান্তালী বাইবেল

¹¹ Khet baṛge, buru-ḍuṅgri, phosolko, nãwã darkha rasa, sunum ar otre okako omonokʼ ona cetanre ar manwa, janwar ar apeakʼ tite kạmiyakʼ sanamakʼko cetanre dakʼ alo emokʼ lạgitʼ iń hukumleda.”

Hagae 1:11 Iomraidhean Croise

1 Rapajko 17:1

Gilead reakʼ Tisbe atoren Eliạ do Ahabe metadea, “Iń okoeyiń sewawaekan Israelren uni jiwetʼ Probhu Isorre kiriạkateń meneda, iń ạuriń men hạbicʼ darakan bochorkore sisir hõ baṅ ńurokʼa, ar dakʼ hõ bae daga.”

2 Rapajko 8:1

Elisae do okoeṭakʼ maejiuren hopone jiwetʼlede uni maejiue metadea, “Am do amakʼ gharońjrenko tulucʼ jãhãregem daṛeakʼ onḍege thoṛa din lạgitʼ tahẽ hataṛokʼme, ente Probhu Isor do niạ disạmre akale kola, ar eae bochor hạbicʼ ona akal do tahena.”

Jobakʼ 34:29

Hape akane tahẽlenre hõ okoege uni do bako dusi daṛelea; Mocae jhicʼletaere hõ uni do celege bako ńel ńamea. Enhõ uni do manwa ar jạtrenko cetanreye tahẽnkana,

Jirimiạ 14:2

“Jihudạ doe homor halaṅeda, ente uniyakʼ nagrahako do nijor akantaea; onḍenko hoṛ do otre duṛupʼkateko homor halaṅeda, ar Jerusalem khon do rakʼ ańjomokʼkana.

Rak̕joṅ 1:21

Hoṛko do ińakʼ kuhrạuko ańjomakada, menkhan jiwi raṛejtiń lạgitʼ do celege bạnukʼkoa. Ińren sanam bạiriko do ińakʼ kosṭo reakʼ kathako ańjomakada; ar amem onka akatʼte onko doko rạskạkʼ kana. Ona din baṛe hecʼ ocoyme okaṭakʼem jạhirakatʼ jemon ona dinre iń lekako hoedaṛeakʼ.

Amos 5:8

Okoe do soren-ipilko ar arãṛ lalakʼ ipilkoe benao akatʼko, ar okoe do ńute marsal ocoyetʼkan ar siń doe ńut ocoyetʼkan, okoe do jalapuri reakʼ dakʼe hoho ạguiyetʼte pirthimi cetanreye dul bubhạuetʼ, uniyakʼ ńutum do Probhu Isor kangea.

Amos 7:4

Ona tayom Probhu Isor do ar mitʼṭecʼ dorsone udukʼạdińa. Probhu Isor do sạjại emokʼ lạgitʼ seṅgele hohowadea. Ar ona seṅgel do jalapuriye jomkeda ar ot hõ jojome ehopʼena.

Amos 9:6

Uni do sermare acʼakʼ usul oṛakʼe benao akada ar dhạrti cetanre chamḍa leka sermae aṭetʼ akada; uni do jalapuri reakʼ dakʼe hoho ạguiyetʼa ar otreye dul bubhạu ocoyeda. Ar okoe noakoe kạmikan uniyakʼ ńutum do Probhu Isorge.

Hagae 2:17

Apeakʼ tite upcạuakʼ phosol do copate, jhãorate ar arelteń ńẽtʼletʼtapea menkhan enhõ iń secʼ do bape ruạṛlena.

Hagae 2:19

Ńitokʼ apeakʼ murạire jãhãn itạge bạnukʼtapea ar unạkʼ din do darkha nạ̃ṛĩ, loa dare, ḍạlim dare ar jạitun darere jo hõ thoṛage sapʼlena, menkhan teheń khon doń bhorapea.’ ”

Malaki 3:11

Iń do jojom ukʼjạṛkan tejokoń tạkicʼ daramkoa jemon apeakʼ phosol aloko jomtape; ona chaḍa apeakʼ ot baṛge reakʼ darkha jo hõ baṅ jhurokʼtapea.

Malaki 3:9

Ape do saraprege menakʼpea, enhõ aperen goṭa jạtrenko do ińko ṭhokayediń kana.

Dosar Biboron 28:22

Probhu Isor do raj rogte, ruạkote, jaljalaokʼ ruạte, ṭan paṅgla ruạte, dakʼ ṭan ar phosol copakʼ ar jhãorãkʼ rogkoteye ńẽtʼpea; ar ạuripe marao cabakʼ hạbicʼe khudạu baṛapea.